2 Njé gə́ Kɔrḭtə 8:23 - Maktub gə́ To gə Kəmee

²³ Togə́bè ɓa, ta gə́ wɔji dɔ Titə lé yeḛ to njeboalookaw lə sí ləm, gə njeboakula lə sí gə́ nai gə́ darɔm-ma nja rɔ sí’g ləm tɔ. Ta gə́ wɔji dɔ ŋgako̰ síje lé deḛ to njékaḭkulaje lə Eglisəje gə́ to rɔnduba lə Kristi.

2 Njé gə́ Kɔrḭtə 8:23 ပူးပေါင်းရင်းမြစ်များ

Lugu 5:10

Jak gə Ja̰, ŋgalə Jebede gə́ to njéboando̰je lə Simo̰ lé kara né neelé dum dɔ dee təs tɔ. Yen ŋga Jeju ula Simo̰ pana: Ɓəl el, un ginee ɓogənè lé i a to njendo̰-dəwje to ŋga.

Lugu 5:7

Yen ŋga deḛ kəb ji dee ɓar ne njéboando̰je lə dee gə́ d’aw gə to gə́ raŋg mba kar dee ree la sə dee tɔ. Deḛje neelé ree d’iŋga dee ndá d’odo ka̰jije rusu toje lé joo bɔr ar ta toje kai mán pɔ-pɔ.

Tagə́maji gə́ Ja̰ ndang 13:16

Ma m’ula sí təsərə, kura lé a kur dɔ mbai’g ləa el ləm, njekaḭkula kara a kur dɔ njekulá’g el ləm tɔ.

1 Njé gə́ Kɔrḭtə 11:7

Diŋgam lé a kon dəa gə né el mbata yeḛ ɔr rɔ Ala ləm, yeḛ to njekula rɔnduba dəa’g ləm tɔ. Dené lé yeḛ to gə́ njekula rɔnduba dɔ diŋgam’g.

2 Njé gə́ Kɔrḭtə 12:18

Ma m’ra ndòo rɔ Titə’g gə ŋgoko̰ sí kára gə́ m’ulá səa na̰’d mba kar dee d’aw d’oo sí lé. See Titə taa né lə sí ji sí’g wa. See jeḛ səa gə́ n’to njéboalookawje gə́ na̰’d lé see meḛ síjeḛ səa as na̰ el wa. See jeḛ səa j’un dɔ gɔl na̰ lad-lad el wa.

2 Njé gə́ Kɔrḭtə 7:6

Nɛ Ala gə́ njegɔl meḛ deḛ gə́ rɔ dee wəi njururu lé yeḛ nja ɓa ar Titə teḛ dɔ sí’g gɔl ne meḛ sí,

2 Njé gə́ Kɔrḭtə 8:16

To kəm ra Ala oiyo mbata yeḛ nja ɓa ar Titə tədkag sí to gə́ jeḛ bèe lé

2 Njé gə́ Kɔrḭtə 8:18

Ŋgoko̰ sí kára gə́ ria ɓar gə Eglisəje lai mba né gə́ yeḛ ra mbata lə Tagə́maji lé jeḛ j’ulá j’aree aw gə Titə na̰’d.

2 Njé gə́ Kɔrḭtə 8:19

Eglisəje ɓa d’ɔree mba karee to gə́ njeboalookaw lə sí, mba kar kula noji neelé ɔr njal mba kula ne rɔnduba dɔ Mbaidɔmbaije’g ləm, gə mba tɔji sí-seḭ lé meemaji lə síjeḛ lé ləm tɔ.

2 Njé gə́ Kɔrḭtə 8:22

Ŋgoko̰ sí gə́ raŋg kára gə́ jeḛ j’aḭ mée gɔl bula j’oo ne loo kag sí gə́ yeḛ təd lé j’ulá sə dee na̰’d tɔ, ɓasinè yeḛ a tədkag loo yaa̰ kunda nje gə́ kédé mbata yeḛ ɔm mée dɔ sí’g jəb-jəb.

2 Njé gə́ Kɔrḭtə 8:6

Yee ɓa jeḛ n’ra ndòo rɔ Titə’g mba karee aw rɔ sí’g mba tɔl ne kula noji gə́ yeḛ un kudee lé tɔ.

Njé gə́ Pilibə 2:25

Ma m’ə̰ji məəm’g mba kula Epaproditə, ŋgokɔm gə́ njeboakula ləm, gə njeboarɔ ləm rɔ sí’g, yee ɓa m’oo gə́ né kəm ra. Yeḛ lé seḭ nja ɔreeje areeje ree rɔm’g mba karm né gə́ m’aw ndée.

Njé gə́ Pilibə 4:3

I majikoji gə́ to gə́ njeboakula ləm lé kara ma m’ra ndòo rɔi’g mba kari la gə denéje neelé dɔ né gə́ ndée ra dee, mbata loo-rɔ gə́ ma m’rɔ mba kar Tagə́maji aw ne gə́ kédé-kédé lé deḛ nja d’orəm-ma gə Klema̰ gə njéboakulaje ləm gə́ raŋg gə́ ri dee to mee maktub gə́ ka̰ sí gə kəmə lé més ya.

Njé gə́ Kolosə 1:7

Epapras, njeboakula lə sí gə́ j’undá dan kəm sí’g lé ndoo sí kankəmta neelé. Yeḛ lé to njenai gə́ darɔ Kristi mbuna sí’g gə́ to majikoji ləm,

1 Njé gə́ Tesalonikə 2:2

Seḭ gərje gao, to gə́ d’ila rɔkul dɔ sí’g d’ar rɔ sí ndiri ne njigi-njigi mee ɓee gə́ Pilibə nɛ jeḛ j’ɔm meḛ sí dɔ Ala’g, j’wa ne diŋgam meḛ sí’g mba kula sí ne tagə́maji lə Ala gə kəm ŋgon diŋgam dan néje gə́ d’ɔs kaar sí’g.

2 Timote 4:10

Demas lé ubam ya̰’m mba̰ mbata néje gə́ naŋg nee ɓa wa mée aree ḭ əd Tesalonik mba̰. Kresens əd Galati ləm, Titə kara əd Dalmati sèn ləm tɔ.

Titə 1:4

Ma m’ndaŋg maktub nee m’ari-i Titə, ŋgonəm gə́ gəd-gəd gin meekun’g gə́ to né gin sí lé. Maji kar noji gə meelɔm gə́ ḭ rɔ Ala Bɔ síje ləm, gə rɔ Jeju Kristi njekaji sí ləm tɔ lé nai səi.

Piləmɔ̰ 1:17

Bèe ndá ɓó lé i oom gə́ baokura ləi ndá maji kari wá gə́ rɔi’g to gə́ wam ne ma bèe nja tɔ.

Piləmɔ̰ 1:24

Mark gə Arisitarekə gə Demas gə Lugu gə́ to njéboakulaje ləm lé rai lapia tɔ.

3 Ja̰ 1:8

Togə́bè ɓa, maji kar sí j’waje dəwje gə́ togə́bè lé gə́ rɔ sí’g mba kɔm ne sə dee na̰’d sad dɔ kula kankəmta’g neelé ɓəi.