2 Njé gə́ Kɔrḭtə 8:16 - Maktub gə́ To gə Kəmee

¹⁶ To kəm ra Ala oiyo mbata yeḛ nja ɓa ar Titə tədkag sí to gə́ jeḛ bèe lé

2 Njé gə́ Kɔrḭtə 8:16 ပူးပေါင်းရင်းမြစ်များ

2 Sôrta Gḭka Israɛlje 31:8

Ejekias gə ŋgan-mbaije ree d’oo kudu néje neelé ndá deḛ pidi ne Njesigənea̰ ləm, deḛ tɔr ne ndu dee dɔ koso-dəwje’g ləa gə́ Israɛl ləm tɔ.

Esdras 7:27

Maji kar dɔ ri Njesigənea̰ Ala lə bɔ síje-je ai səgərə, yeḛ gə́ gɔl mee mbai aree ə̰ji mba kula ne rɔnduba dɔ kəi’g lə Njesigənea̰ gə́ to Jerusalem lé.

Nehemi 2:12

Tɔɓəi m’ḭ loondul’g gə dəwje gə́ na̰je nɛ m’ula dəw kára kara né gə́ Ala ra dɔɓəŋgərəm’g gə mba k’am m’ra mbata lə Jerusalem lé el. M’aw gə mulayḛ̀je gə́ raŋg el nɛ kama gə́ m’ubá ba ya.

Jeremi 31:31

Aa ooje, Njesigənea̰ pana: Ndɔje gə́ d’a gə ree lé m’a man rɔm gə manrɔ gə́ sigi kar gel-bɔje lə Israɛl gə gel-bɔje lə Juda .

Jeremi 32:40

M’a kun ndum kar dee gə manrɔ gə́ to gə no̰ ndá m’a kuba dee kya̰ dee el ləm, m’a ra sə dee meemaji ləma, m’a kar ɓəlm to dɔɓəŋgərə dee’g ləm tɔ gə mba kar dee sa rɔ dee rɔm’g el ŋga.

2 Njé gə́ Kɔrḭtə 7:12

Bèe ndá ɓó lé ma m’ndaŋg ta mee maktub’g m’ar sí ndá ma m’ra mbata lə yeḛ gə́ njetɔsta el ləm, əsé mbata lə yeḛ gə́ yeḛ tɔs səa ta el ləm tɔ. Ma m’ra mba kar kag sí gə́ seḭ tədje lé to raga pai-pai mbuna sí’g no̰ Ala’g ya.

2 Njé gə́ Kɔrḭtə 7:7

mba teḛ ləa gə́ yeḛ teḛ dɔ sí’g ɓa goo kára ba el, nɛ ta meekulɔm gə́ yeḛ iŋga rɔ sí’g gə́ teḛ təa’g lé yee ɓa gɔl meḛ sí. Yeḛ ula sí ta mal koo kəm síjeḛ gə́ ra sí ŋgwɔd-ŋgwɔd lé ləm, gə no̰ gə́ seḭ no̰je gə mán kəm sí ləma, gə kagm gə́ seḭ tədje ləm tɔ, yen ɓa, m’isi ne dan rɔlel’g unda nje gə́ kédé.

2 Njé gə́ Kɔrḭtə 8:23

Togə́bè ɓa, ta gə́ wɔji dɔ Titə lé yeḛ to njeboalookaw lə sí ləm, gə njeboakula lə sí gə́ nai gə́ darɔm-ma nja rɔ sí’g ləm tɔ. Ta gə́ wɔji dɔ ŋgako̰ síje lé deḛ to njékaḭkulaje lə Eglisəje gə́ to rɔnduba lə Kristi.

2 Njé gə́ Kɔrḭtə 8:6

Yee ɓa jeḛ n’ra ndòo rɔ Titə’g mba karee aw rɔ sí’g mba tɔl ne kula noji gə́ yeḛ un kudee lé tɔ.

Njé gə́ Pilibə 2:20

Mbata ma m’oo dəw gə́ raŋg gə́ ə̰ji dɔ sí’g koso gée’g to gə́ ma bèe lé el.

Njé gə́ Kolosə 3:17

Né gə́ rara gə́ seḭ raje lé tapa sí əsé néra sí kara raje gə ri Mbaidɔmbaije Jeju, raje ne Ala Bɔ-dəwje oiyo gə mbəa-yeḛ nja tɔ.

Loo gə́ killa rea kəm Ja̰’g 17:17

Mbata Ala sula dee dan né gə́ yeḛ ɓa wɔji mba kar né gə́ yeḛ nja wɔji lé aw na̰’d kára ba gə ka̰ dee-deḛ ləm, mba kar da lé o̰ ɓee ləm tɔ saar kar ta gə́ Ala pa lé aw lée’g béréré ya.