2 Njé gə́ Kɔrḭtə 8:12 - Maktub gə́ To gə Kəmee

¹² Loo gə́ dəw ḭ gə mée mba kwa noji gə maree ɓa né to jia’g mba karee ra né bèe lé yee ɓa gə́ né gə́ taa kəm Ala ɓó loo gə́ né godo jia’g lé el.

2 Njé gə́ Kɔrḭtə 8:12 ပူးပေါင်းရင်းမြစ်များ

2 Sôrta Gḭka Israɛlje 6:8

Nɛ Njesigənea̰ ula bɔm Dabid pana: Kwɔji gə́ i wɔji məəi’d gə mba ra kəi gə rim lé to néra gə́ maji gə́ i wɔji gə mba ra ya.

Teḛ-Raga 25:2

Ula Israɛlje gə mba kar dee ree gə nékarnojije lə dee d’am, nana ɓa gə́ a ra gə meemaji ndá seḭ a taaje né jia’g mbata ləm.

Teḛ-Raga 35:24

Deḛ lai gə́ d’un nékarnojije gə́ to larnda gə larkas lé d’un tɔji d’ar Njesigənea̰ ya. Deḛ lai gə́ d’isi gə kag-akasia gə mba ra ne kulaje neelé ndá ree ne tɔ.

Teḛ-Raga 35:29

Israɛlje lai, diŋgamje gə denéje kara deḛ gə́ meḛ dee ɔs dee ɓɔḭ-ɓɔḭ mba kar dee ra né mbata lə kula gə́ Njesigənea̰ un ne ndia ar dee gə ndu Moyis ya ndá deḛ ree gə nékarnojije lə dee gə́ d’ḭ ne gə meḛ dee d’ar Njesigənea̰ lé tɔ.

Teḛ-Raga 35:5

Odoje ta néje lə sí gə́ nékarnoji mbata lə Njesigənea̰. Nana ɓa gə́ mée ulá ndá a ree gə nékarnoji kar Njesigənea̰ togə́bè: larlɔr ləm, gə larnda ləma, gə larkas ləm tɔ,

Gosota-Kəmkàrje 19:22

Némaji gə́ to rɔ dəw’g lé to meemaji ləa, Njendoo lé maji unda njepa taŋgɔm.

Matiyo 25:17

Yeḛ gə́ njetaa ŋgan larlɔr joo lé kara ɔd aw tel kəmee iŋga ne ŋgan larlɔr gə́ raŋg joo dɔ’g tɔ.

Matiyo 25:22

Yeḛ gə́ taa ŋgan larlɔr joo lé ree ula mbai ləa pana: Mbai, i am sag larlɔr joo, ma m’iŋga manee dɔ’g joo tɔ.

Lugu 16:10

Nana ɓa gə́ to majikoji dɔ néje gə́ tḛ́-tḛ́ ndá yeḛ a to majikoji dɔ néje gə́ boi-boi ya tɔ, nɛ nana ɓa gə́ to dəw gə́ kori-kori dɔ néje gə́ tḛ́-tḛ́ ndá yeḛ a to gə́ dəw gə́ kori-kori dɔ néje gə́ boi-boi ya tɔ.

2 Njé gə́ Kɔrḭtə 8:11

Kula noji neelé ɓasinè maji kar sí-seḭ tɔleeje bém. Togə́bè ɓa né gə́ seḭ ḭje gə meḛ sí wɔjije-kwɔji ra gə meendakaḭ lé seḭ a raje karee oso kəmee’g pad gə goo né gə́ to ji sí’g lé ya tɔ.

2 Njé gə́ Kɔrḭtə 8:13

Ma m’pa bèe mba kar sí ooje ndòo tor mar síje’g goo kára ba el nɛ ma m’ndigi kar sí síje asəna kára ba mbuna na̰’d tɔ. Bèe ɓa néje gə́ seḭ sije dan dee’g bèdèg ɓasinè lé a laje ne gə deḛ gə́ ndòo ra dee ləm,

2 Njé gə́ Kɔrḭtə 8:19

Eglisəje ɓa d’ɔree mba karee to gə́ njeboalookaw lə sí, mba kar kula noji neelé ɔr njal mba kula ne rɔnduba dɔ Mbaidɔmbaije’g ləm, gə mba tɔji sí-seḭ lé meemaji lə síjeḛ lé ləm tɔ.

2 Njé gə́ Kɔrḭtə 9:7

Bèe ndá maji kar dəwje kára-kára lai d’ar nénoji to gə́ meḛ dee wɔji njaŋg ɓó d’a sula kar gə meeko̰ el ləm, dəw a bəg dee dɔ’g el ləm tɔ, mbata dəw gə́ njekar gə meendakaḭ lé Ala undá dan kəmee’g ya.

1 Piɛrə 4:10

Nana ɓa gə́ Ala aree nénoji lé ndá maji karee ar mareeje mbo̰ səa na̰ dɔ’g. Togə́bè ɓa seḭ a toje ne kankəm njékaa dɔ nénojije lə Ala gə́ ɓəd-ɓəd lé ya.