2 Njé gə́ Kɔrḭtə 7:11 - Maktub gə́ To gə Kəmee

¹¹ Aa ooje, nékəmndoo nee gə́ gə goo rəw gə́ Ala wɔji lé see ar sí ɔsje ne rɔ sí ɓad el wa. Seḭ ɔsje rɔ sí ɓad gə mba kɔr ne naji dɔ sí’g ləm, seḭ osoje gə oŋg biriŋ ləm, seḭ síje gə meekaarkərm ləm, mal koo kəm ra sí ŋgwɔd-ŋgwɔd ləm, seḭ ula rɔ sí ndubu mba gɔl ta ləma, seḭ arje bo̰ néra dəw lé ɔs təa’g ləm tɔ. Seḭ amje m’oo to gə́ ta neelé né kára kara taŋ sí keneŋ el.

2 Njé gə́ Kɔrḭtə 7:11 ပူးပေါင်းရင်းမြစ်များ

Nehemi 13:25

Ma m’ndaŋg dee ləm, m’ila ndɔl dɔ dee’g ləm, m’kunda njé gə́ na̰je bula mbuna dee’g ləma, m’tɔr yiŋga dɔ dee ləm tɔ ndá m’ar dee manrɔ dee gə ri Ala m’pana: Seḭ a karje ŋgan síje gə́ dené taa ŋgan deeje gə́ diŋgam el ləm, seḭ a taaje ŋgan deeje gə́ dené karje ŋgan síje gə́ diŋgam el ləma, seḭ kara a taa deeje el ləm tɔ.

Maktub gə́ wɔji dɔ Jɔb 42:6

Gelee gə́ nee ɓa ma m’gaŋgta dɔ rɔm’g m’wa ne ndòo rɔm Dan babur’g ləm, gə dan bu pər’g ləm tɔ.

Pakɔsje 119:139

Mal tornduije gə́ ram ŋgwɔd-ŋgwɔd lé sɔ siŋgam Mbata njékoma̰ səmje d’ar meḛ dee wəi dɔ taje’g ləi.

Pakɔsje 130:6

Ŋgaw məəm ndiŋga Mbaidɔmbaije Unda njéŋgəmlooje gə́ ndiŋga lookàr lé bèe, Unda njéŋgəmlooje gə́ ndiŋga lookàr ya.

Pakɔsje 145:19

Deḛ gə́ ɓəlee lé Yeḛ ar néje lai gə́ deḛ ndiŋga lé Aw lée’g béréré ləm, Yeḛ oo ndu no̰ lə dee ndá aji dee ne ya ləm tɔ.

Pakɔsje 2:11

Maji kar sí raje né arje Njesigənea̰ Ɓəleje ne ləm, Alje rɔ sí ndəbje ne pəd-pəd nea̰’g ləm tɔ.

Pakɔsje 35:13

Ma lé loo gə́ deḛ ɓa d’oso gə rɔko̰ ndá M’ula kubu-kwa-ndòo rɔm’g ləm, M’oso kul m’ɔg məəm ɓó ləma, M’ula dɔm naŋg mbur-mbur m’ra ne tamaji ləm tɔ.

Pakɔsje 38:9

Siŋgam godo am m’iri njigi-njigi, Meem gə́ pélé wəs-wəs lé am m’tuma̰ ne ŋgururu-ŋgururu tɔ.

Pakɔsje 42:1

Pakɔs lə Koréje gə́ d’ar bao-pa mba karee ɔs sə dee lé

Pakɔsje 69:9

Ma lé m’tel m’to gə́ mbá kəm ŋgakɔmje’g ləm, M’tel m’to dəw-dɔ-ɓee kəm ŋgalə kɔmeje-je’g ləm tɔ.

Gosota-Kəmkàrje 14:16

Njekəmkàr ɓəl némajel ndá unda rəa ɓad dɔ’g, Nɛ mbə-dəw lé ti rəa ndá oo to gə́ si gə́ majee.

Gosota-Kəmkàrje 28:14

Rɔlel nai gə dəw gə́ si gə ɓəl mée’g, Nɛ yeḛ gə́ ar mée kədərə ndá a koso dan némajel’g.

Pa gə́ ur dɔ paje 8:6

Maji kari wam kaari’g sud To gə́ nétorji bèe, To gə́ nétorji gə́ to kag jii’g, Mbata ndigi na̰ lé Siŋga yaa̰ to gə́ ka̰ yoo bèe ləm, Ra nḭ-na̰ lé kədərə To gə́ loo-si njé gə́ d’wəi bèe ləm tɔ. Ra mal-na̰ gə́ ra dee lé O̰ meḛ dee lèm-lèm to gə́ pər To gə́ ndo̰ pər lə Njesigənea̰ bèe.

Esai 26:8

Gelee gə́ nee ɓa, əi Njesigənea̰, Jeḛ ŋginai ne dɔ rəwta-gaŋgje’g ləi, Jeḛ ndiŋgaje rɔ sí gə mba ɓar rii ləm, J’ar meḛ sí olé ne dɔi’g ləm tɔ.

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Loo gə́ killa rea kəm Daniel’g 6:14

Deḛ d’un ta tɔɓəi d’ula mbai lé pana: Daniel, yeḛ gə́ kára mbuna deḛ gə́ d’wa dee ɓee gə́ Juda ree sə dee lé əi mbai, yeḛ ooi gə́ né el ləm, né kɔg loo ra né gə́ i ndaŋg kara yeḛ oo gə́ né el ləm tɔ ndá yeḛ ra tamaji ləa as gɔl munda gə ndɔje kára-kára lai ya.

Mark 3:5

Yen ŋga Jeju aa kəm dee njal ɔr, nɛ mée ḭ səa pu mbata meendər lə dee tɔ ndá yeḛ ula dəw gə́ jia wəi wɔ neelé pana: Ndɔji jii ra̰daŋ.

Tagə́maji gə́ Ja̰ ndang 2:17

Yen ŋga mee njékwakiláje olé dɔ ta gə́ ndaŋg mee maktub’g pana: Ŋgur kəi ləi ram ŋgwɔd-ŋgwɔd ya.

Néra Njékaḭkulaje 17:16

To gə́ Pool si Aten ŋgina dee lé ndá mée aw biriri-biriri mbata yeḛ oo magə-poleje taa loo mee ɓee-boo’g neelé pəl-pəl.

Njé gə́ Rɔmə 11:20

Yee neelé to lée’g ya, deḛ tuga kəmkagje neelé mbata deḛ to njémeekɔs ŋgwɔḭje nɛ i lé mbɔl dɔ meekun ləi ɓa i nai ne keneŋ ɓəi. Ar məəi to kəgəgə dɔ rɔi’g ɓó beelé ne dɔ meekun’g ləi el.

Njé gə́ Rɔmə 14:18

Yeḛ gə́ ra né ar Kristi togə́bè ndá yeḛ taa kəm Ala ləm, a kuru meḛ dəwje’g njɔd ləm tɔ.

Njé gə́ Rɔmə 3:5

Nɛ ɓó lé néra sí gə́ gə dɔ najee el lé a kila meekarabasur lə Ala lé kɔd ndá see ta ɗi ɓa j’a pa wa. Ala lé loo gə́ yeḛ kila oŋg ləa gə́ raga ndá see a to njera né gə́ to gə dɔ najee el wa. (Ma m’pa gə goso tapa lə dəwje ya.)

1 Njé gə́ Kɔrḭtə 12:25

Bèe ɓa mba kar ta tḭ-na̰ oso mbuna dee’g el nɛ deḛ kul gə na̰ yururu.

1 Njé gə́ Kɔrḭtə 5:13

Deḛ gə́ d’isi gir loo gə́ raga lé Ala ɓa a gaŋg rəwta dɔ dee’g ya. Ram-dəw gə́ si mbuna sí’g lé oreeje wɔgədɔ gə́ raga ɓa.

1 Njé gə́ Kɔrḭtə 5:2

Tɔɓəi seḭ lé seḭ beelé tije ne rɔ sí mugugu-mugugu, ɓó seḭ no̰je ne gə meeko̰yoo ɔsje ne debee neelé mbuna sí’g ŋgərəŋ el.

2 Njé gə́ Kɔrḭtə 13:7

Jeḛ lé jeḛ n’kwɔi Ala mba kar sí raje né gə́ majel el. Yee ɓa gə mba kar kur gə́ seḭ urje meḛ sí lé tel to né pidi síjeḛ lé el nɛ mba kar lé d’oo sí gə́ dəwje gə́ rɔkulee wa dɔ sí’g kara seḭ ya seḭ raje ne né gə́ to gə goo rəbee ya.

2 Njé gə́ Kɔrḭtə 2:6

Boo-ta gə́ seḭje bula ɔmje ne dəa’g lé yee ɓa as ŋga.

2 Njé gə́ Kɔrḭtə 6:4

Nɛ jeḛ n’ra néje ɓəd-ɓəd gə mba kar dəwje gər sí ne gə́ kuraje lə Ala. J’ila meḛ sí po̰-po̰ dan némeeko̰’g ləm, gə dan né gə́ riŋga sí’g ləma, gə dan néurti’g ləm tɔ.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

2 Njé gə́ Kɔrḭtə 7:7

mba teḛ ləa gə́ yeḛ teḛ dɔ sí’g ɓa goo kára ba el, nɛ ta meekulɔm gə́ yeḛ iŋga rɔ sí’g gə́ teḛ təa’g lé yee ɓa gɔl meḛ sí. Yeḛ ula sí ta mal koo kəm síjeḛ gə́ ra sí ŋgwɔd-ŋgwɔd lé ləm, gə no̰ gə́ seḭ no̰je gə mán kəm sí ləma, gə kagm gə́ seḭ tədje ləm tɔ, yen ɓa, m’isi ne dan rɔlel’g unda nje gə́ kédé.

2 Njé gə́ Kɔrḭtə 7:9

ɓasinè m’ra rɔlel nɛ ma m’ra mbata kəm sí gə́ m’ula ndòo el nɛ ma m’ra rɔlel mbata kəmtondoo lə sí lé ar sí waje ndòo rɔ sí dɔ kaiya’g lə sí. Mbata kəm sí gə́ j’ula ndòo lé to gə goo rəw gə́ Ala wɔji ya ɓó to gə́ jeḛ ɓa n’ra né gə mba busu sí ne el.

2 Njé gə́ Kɔrḭtə 9:2

Tɔgərɔ ya, kḭ gə́ seḭ ḭje gə́ meḛ sí waje ne noji lé ma m’gər gao, yee ɓa ma m’ti ne rɔm m’wɔji ne dɔ sí’g rɔ njé gə́ Masedoinə’g m’ula dee ne m’pana: Njé gə́ Akai deḛ gɔl dɔ ka̰ dee yəg kal ba mba̰: rɔkwɔilɔ lə sí lé yel kó noji lə dəwje gə́ raŋg bula tɔ.

Njé gə́ Epesə 4:26

Ɓó lé oŋg ḭ sə sí ndá raje ne kaiya el ləm, arje kàr andə sí dɔ oŋg’g lə sí el ləm tɔ.

Njé gə́ Epesə 5:11

Kula ra ŋgan loondulje lé to kula gə́ dəa ɔs bo̰-bo̰, bèe ndá tɔje kée gə́ raga ɓó ɔmje na̰’d sə dee keneŋ yəg el.

Njé gə́ Pilibə 2:12

Togə́bè ɓa, seḭ gə́ m’unda sí dan kəm’g lé to gə́ seḭ raje torndum ta-ta ndá raje kula gə́ wɔji dɔ kaji lə sí gə kaar gəd ləm, ndəbje ndəbee mba karee to lée’g ləm tɔ, raje mbata kəm-ma ɓa el, nɛ ɓasinè loo gə́ ma m’godo mbuna sí’g kara raje maji unda nje gə́ kédé tɔ.

1 Njé gə́ Tesalonikə 4:6

Maji kar dəw kára kara unda kəm maree jibi taa ne né ləa el ləm, ar kəmee əḭ dɔ né’g lə maree gə́ rara kara el ləm tɔ, mbata Mbaidɔmbaije ɓa gə́ njedalba̰ néje neelé lai to gə́ jeḛ j’ula sí taree ndəji sí ne kédé ya.

1 Timote 5:20

Deḛ gə́ d’wa gam rɔ dee dɔ kaiya’g lə dee ndá al gin dee gə́ raga gə mba kar mar deeje ɓəl ne.

2 Timote 2:15

Un rɔi ɓidi mba kar Ala ooi gə́ njekula gə́ maji péd-péd gə́ ra kəmkul el ləm, gə́ ɔr goo kankəmta gə goo rəbee sur ləm tɔ.

Titə 3:8

Ta neelé to kankəmta ya. Ma m’ndigi kari ula dee taree rədədə ya mba kar deḛ gə́ d’ɔm meḛ dee dɔ Ala’g lé néraje gə́ maji ɓa d’a kwəi keneŋ ɗigi-ɗigi. Yee ɓa to né gə́ maji ləm, to gə́ gel né gə́ a la gə dəwje lai ləm tɔ.

Ǝbrəje 4:1

Ndukun gə́ d’un d’ar sí pana: J’a kaw loo-kwa-rɔ’g lé to njaŋg ɓəi. Bèe ndá maji kar sí ɓəlje ne mba kar dəw kára mbuna sí’g a kwa toree el.

Maktub gə́ Jak ula ne ar ngan-Allaje 3:17

Kəmkàr gə́ ḭ dara lé njea a to dəw gə́ àr ləm, mée a kul lɔm ləm, yeḛ a kaw yururu ləm, a kɔm na̰’d gə mareeje ləm, meemaji a taa mée pəl-pəl ləma, a kinja gə ka̰dee gə́ maji gə́ raga ləm tɔ. Mée a tɔ joo el ləm, a to gə́ njehulai el ləm tɔ.

1 Piɛrə 1:17

Yeḛ gə́ ɔr kəm ta lə nana kara gə goo kula rəa ɓó ɔr kəm dəw el lé ɓó lé seḭ ɓareeje Bɔ síje ndá njaaje gə meekaarkərm loo gə́ seḭ naije gə mbáje dɔ naŋg nee ɓəi.

1 Piɛrə 2:2

To gə́ ŋgur kil mbà ra ŋganje gə́ kas ŋgwɔd-ŋgwɔd lé maji kar ŋgur kankəmta ra sí togə́bè tɔ, mba kar sí raje ne tɔg gə́ kédé-kédé dɔ kaji’g,

Jude 1:23

njé gə́ raŋg lé wa deeje dan pər’g wɔgədɔ aji deeje ləma, deḛ gə́ raŋg ya ɓəi kara maji koo kəmtondoo lə dee ya ləm tɔ nɛ arje meḛ sí aar dɔ dee’g kərm ɓəi, won kaiya gə́ nai kubu’g lə dee lé kara ə̰jije bəḭ-bəḭ ya.

Loo gə́ killa rea kəm Ja̰’g 3:19

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.