2 Njé gə́ Kɔrḭtə 6:7 - Maktub gə́ To gə Kəmee

⁷ j’ila mber kankəmta ləm, siŋgamoŋ lə sí ḭ rɔ Ala’g ləma, meekarabasur lé to gə́ nérɔje gə́ ka̰ rɔ ne, gə ka̰ ko̰ ne rɔ sí ləm tɔ.

2 Njé gə́ Kɔrḭtə 6:7 ပူးပေါင်းရင်းမြစ်များ

Pakɔsje 119:43

Maji kari ɔr kankəmta tam’d gə́ raŋg el Mbata ma lé məəm to yel dɔ rəwta-gaŋgje’g ləi.

Teḛ-Raga 14:22

Israɛlje d’andə mee baa-boo’g lé njaa loo gə́ tudu kurum-kurum’g ləm, mán baa-boo lé tel asəna gə ndògo bèe par gə́ dɔ jikɔl dee’g gə dɔ jigel dee’g ləm tɔ.

Gosota-Kəmkàrje 3:16

Kur ndɔje (lə dəw) lé To mee jikɔlee’g ləm, Nébao gə rɔnduba lé kara To mee jigelee’g ləm tɔ.

Esai 11:5

Néra gə́ gə dɔ najee gə ŋgonkoji lé A to gə́ ndar gə́ yeḛ wa ne ɓəree.

Esai 59:17

Yeḛ dolè rəa gə meekarabasur To gə́ kubu-rɔ gə́ ula kaaree’g bèe ləm, Yeḛ ula dɔgugu-kaji dəa’g ləm tɔ, Yeḛ un dalba̰ ula rəa’g To gə́ kubu bèe ləm, Kaḭ bada ləa gə́ dɔ dee’g To asəna gə kubu gə́ boi yul bèe ləm tɔ.

Mark 16:20

Deḛ d’ḭ d’aw gə loo lai d’ila mber tagə́maji lé ya. Mbaidɔmbaije orè dee més loo kula ra dee’g ya ndá yeḛ ar dee ra némɔrije d’orè ne kaar ta ləa gə́ deḛ d’ɔr lé aree to gə́ kankəmta ya.

Néra Njékaḭkulaje 11:21

Ji Mbaidɔmbaije nai dɔ dee’g ar dəwje bula d’ɔm meḛ dee dɔ ta’g lə dee ləm, d’un meḛ dee d’ar Mbaidɔmbaije ləm tɔ.

1 Njé gə́ Kɔrḭtə 1:24

Nɛ deḛ gə́ Ala lé ɓar dee lé Jibje əsé Grekje kara ta lə Kristi gə́ deḛ ɗaree kaar kag’d lé deḛ d’oo gə́ siŋgamoŋ lə Ala lé ləm, gə kəmkàr ləa ləm tɔ.

2 Njé gə́ Kɔrḭtə 13:4

Mbata deḛ ɗaree kaar kag’d loo rəm’g ləa ya nɛ mbɔl dɔ siŋgamoŋ lə Ala lé yeḛ si ne kəmba ɓasinè tɔ. Jeḛ gə́ j’ɔm səa na̰’d lé kara j’isi loo rəm’g to nɛ mbɔl dɔ siŋgamoŋ lə Ala lé ɓa j’a si ne səa kəmba gə mba ra ne kula ləa mbuna sí’g tɔ.

2 Njé gə́ Kɔrḭtə 2:17

Mbata jeḛ lé jeḛ n’tel ta lə Ala j’ila gel asəna gə ka̰ dəwje gə́ raŋg gə́ ra togə́bè lé el. Nɛ jeḛ ndá ne meḛ sí kaḭ m’pa ne ta mbata lə Ala ləm, jeḛ j’ɔm na̰’d gə Kristi m’pa ne ta no̰ Ala’g ləm tɔ.

2 Njé gə́ Kɔrḭtə 4:2

Nérɔkulje lai gə́ dəwje ra loo-ŋgəḭ lé jeḛ j’unda dee ɓad ləm, jeḛ n’ra goso el ləma, ta lə Ala kara jeḛ n’telee raŋg el ləm tɔ. Nɛ jeḛ n’riba dɔ kankəmta j’wɔji ne dɔ rɔ sí, j’ula taree meḛ dəwje’g kəm Ala’g.

2 Njé gə́ Kɔrḭtə 7:14

Ɓó lé m’ti rɔm lam dɔ sí’g nea̰’g ndá m’tel m’ra kəm kul dɔ’g el, mbata to gə́ ta gə́ jeḛ j’ula sí ta-ta to kankəmta lé ta gə́ jeḛ n’ti ne rɔ sí dɔ sí’g kəm Titə’g kara to gə́ kankəmta tɔ.

Njé gə́ Epesə 1:13

Seḭje kara loo gə́ seḭ ooje ta gə́ tɔgərɔ lé to Tagə́maji gə́ seḭ ajije ne, seḭ ɔmje ne meḛ sí dəa’g ndá yeḛ ar sí Ndilmeenda gə́ Ala un ndia gə mba kar sí lé unda sí ne gə dɔ jia.

Njé gə́ Epesə 3:20

Yeḛ gə́ askəm ra néje lai kar sí, karee dum dɔ né gə́ jeḛ n’dəjee əsé gə́ jeḛ n’la̰ji toree meḛ sí’g gə goo siŋgamoŋ gə́ yeḛ ula meḛ sí’g lé

Njé gə́ Epesə 4:21

mbata seḭ ooje ta ləa mba̰ ləm, deḛ ndoo sí kankəmta gə́ ḭ rɔ Jeju’g mba̰ ləm tɔ

Njé gə́ Kolosə 1:5

Yee neelé seḭ raje mbata seḭ undaje meḛ sí yel dɔ né gə́ d’unda gə kəmee mbata lə sí mee ɓee gə́ dara ləm, mbata lə kankəmta gə́ to Tagə́maji gə́ d’ar kəm sí inja dɔ’g kédé lé ləm tɔ.

1 Njé gə́ Tesalonikə 5:8

Nɛ jeḛ gə́ n’toje ŋgan lookàr lé ar sí j’undaje kəmkàr dɔ rɔ sí’g j’ar meekun lə sí gə meenoji lə sí lé to kubu-rɔ gə́ ŋgira kiŋ-kiŋ gə́ j’ula rɔ sí’g ləm, j’ar meḛ sí gə́ to yel dɔ kaji’g lé to dɔgugu gə́ j’ula dɔ sí’g ləm tɔ.

2 Timote 2:15

Un rɔi ɓidi mba kar Ala ooi gə́ njekula gə́ maji péd-péd gə́ ra kəmkul el ləm, gə́ ɔr goo kankəmta gə goo rəbee sur ləm tɔ.

2 Timote 4:7

Ma m’rɔ rɔ maji ləm, ma m’ɔr suna rəw ləm njal ləma, m’aar dɔ meekun’g kɔgərɔ ləm tɔ.

Ǝbrəje 2:4

Ala kara ɔr goo ta lə dee aree to ne njaŋg gə nédumkooje gə némɔrije ɓəd-ɓəd ləm, gə nénojije gə́ Ndilmeenda kai dee to gə́ mée ndigi ləm tɔ.

Maktub gə́ Jak ula ne ar ngan-Allaje 1:18

Yeḛ nja oji sí to gə́ mée ndigi, kankəmta ɓa yeḛ ɔr sí ne mba kar sí n’toje ne kó dəwje ləa.