2 Njé gə́ Kɔrḭtə 6:6 - Maktub gə́ To gə Kəmee

⁶ Néra sí riba dɔ sí ar dee d’oo sí gə́ kuraje lə Ala n’to ne dəwje gə́ àr ləm, jeḛ j’inja paw ləm, j’ila meḛ sí dɔ maree’g po̰-po̰ ləm, jeḛ n’to njémeemajije ləm, Ndilmeenda to meḛ sí’g ləm, jeḛ j’unda dəwje dan kəm sí’g ləm,

2 Njé gə́ Kɔrḭtə 6:6 ပူးပေါင်းရင်းမြစ်များ

Ejekel 33:31

Deḛ d’aw rɔi’g bula ndá koso-dəwje lə neḛ d’isi naŋg nɔḭ’g, d’oo taje gə́ ḭ tai’g nɛ deḛ ra née el mbata ta dee ɓa deḛ su ne kəm loo ləm, d’ya̰ meḛ dee yag gə́ dɔ mal néje’g gə goo rəbee el ləm tɔ.

Njé gə́ Rɔmə 12:9

Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

Njé gə́ Rɔmə 15:19

Yeḛ nja ɓa am siŋgamoŋ mba ra ne némɔrije gə né gə́ dum ra ləm, yeḛ ar siŋgamoŋ lə Ndil Ala nai səm ləm tɔ. Yee ɓa m’ila ne mber tagə́maji lə Kristi m’aree taa ne loo pəl-pəl un kudee Jerusalem saar teḛ Ilyri.

1 Njé gə́ Kɔrḭtə 12:8

Tɔgərɔ ya, Ndil ɓa ar kəmkàr rusu mee dəw kára njḭ-njḭ. Ndil nja ɓa ar dəw gə́ raŋg pata gosonégər tɔ.

1 Njé gə́ Kɔrḭtə 13:4

Meenoji lé ai mée sam-sam ləm, yee to bao-meemaji ləm tɔ. Meenoji lé kəmee əḭ el ləm, yee rab rəa kəm dəwje’g el ləma, yee ti rəa mugugu-mugugu el ləm tɔ.

1 Njé gə́ Kɔrḭtə 2:16

Mbata See na̰ ɓa gər takə̰ji lə Mbaidɔmbaije Mba ndée ne né wa. Nɛ jeḛ lé takə̰ji lə Kristi ɓa nai meḛ sí’g.

1 Njé gə́ Kɔrḭtə 2:4

Ta gə́ m’ndoo sí lé m’goso sí ne gə́ goso el ləm, ta gə́ inja paw kara m’pa el ləm tɔ. Ta gə́ nuŋga so lé Ndil ɓa am m’pa taree gə siŋgamoŋ

2 Njé gə́ Kɔrḭtə 1:23

Ala nja gə́ m’wa məəm’g to njekoogoo ta ləm ya: kaw gə́ m’aw Korintə el ɓəi lé to gə mba m’sa rɔm rəw ndɔr sí ne jan-jan ɓəi.

2 Njé gə́ Kɔrḭtə 11:11

See ban ɓa m’pa bèe wa. See mba kunda gə́ m’unda sí dan kəm’g el ɓa m’pa ne bèe wa. Wah! Ala gər gao!

2 Njé gə́ Kɔrḭtə 11:4

Ɓó lé dəw ree ila mber ta lə Jeju gə́ raŋg ar sí ɓó yeḛ gə́ jeḛ nja j’ila mber ta ləa j’ar sí lé el ləm, əsé ɓó lé seḭ taaje Ndil gə́ raŋg ɓó yeḛ gə́ seḭ taaje mba̰ lé el ləma, əsé d’ula sí Tagə́maji gə́ raŋg ɓó yeḛ gə́ seḭ ɔmje meḛ sí dɔ’g lé el ləm tɔ ndá seḭ a ndigije səa ya.

2 Njé gə́ Kɔrḭtə 11:6

Ɓó lé tapam lé to tapa dəw gə́ kari ba ndá kara né gə́ wɔji dɔ gosonégər lé ma m’to gə́ babee tɔ, yee ɓa, ma m’tɔji sí ne ta-ta m’ar sí ooje gao ya loo gə́ ma m’nai ne mbuna sí’g lé.

2 Njé gə́ Kɔrḭtə 12:15

Ma lé m’a kḭ gə məəm mba tuji néje ləm gə mbata lə sí ləm, darɔm ya kara m’a tujee gə mbata lə kankəmrɔ sí ləm tɔ. Ɓó lé ma m’unda sí dan kəm’g yaa̰ bèe lé see yee nja a kar goo ndigi gə́ seḭ ndigimje lé a yɔr ne wa.

2 Njé gə́ Kɔrḭtə 13:10

Gelee gə́ nee ɓa, ma gə́ m’godo mbuna sí’g ɓasinè lé ma m’ndaŋg maktub nee m’ar sí mba kar loo gə́ m’a teḛ mbuna sí’g ndá m’a koo loo mba ra sə sí kədərə el, ndukun gə́ Mbaidɔmbaije un am lé to gə mba rɔd sí ne ɓó gə mba tuji sí ne el.

2 Njé gə́ Kɔrḭtə 2:10

Bèe ɓa dəw gə́ rara ɓa gə́ seḭ arje meḛ sí oso lemsé dəa’g ndá ma kara m’ar məəm oso lemsé dəa’g ya tɔ. Tɔɓəi dəw gə́ m’ar məəm oso lemsé dəa’g lé ɓó lé m’ar məəm oso lemsé dəa’g kara ma m’ra mbata lə sí-seḭ ɓa no̰ Kristi’g,

2 Njé gə́ Kɔrḭtə 2:4

Tɔgərɔ ya, ma m’isi dan boo-némeeko̰’g ləm, kaarm to ne kəgəgə ləma, kəm təd ne mán-no̰ mbiriri ləm tɔ, yee ɓa ma m’ndaŋg ne maktub m’ar sí mba kar sí gərje gao ma m’ndigi sí gə məəm gə́ ɔr jol-jol ya ɓó gə mba ra sə sí nékəmndoo el.

2 Njé gə́ Kɔrḭtə 3:3

Tɔgərɔ ya, seḭ toje asəna gə maktub kɔrginrɔ sí gə́ ḭ rɔ Kristi’g gə goo kula gə́ jeḛ n’ra mbuna sí’g. Ta gə́ ndaŋg keneŋ lé jeḛ ndaŋg gə manee kari ba el nɛ Ndil Ala gə́ njesikəmba lé yeḛ nja ɓa gə́ njḛda̰gee ləm, to ta gə́ ndaŋg bəgərə mbal’g el, nɛ seḭ dəwje lé dɔɓəŋgərə sí ɓa gə́ loo ndaŋgee ya ləm tɔ.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

2 Njé gə́ Kɔrḭtə 7:2

Seḭ lé arje meḛ sí to tag mbata lə síjeḛ ya. Jeḛ j’ra majel gə dəw kára kara el ləm, j’ula sul dɔ dəw kára kara el ləma, jeḛ j’unda kəm dəw kára kara jibi n’taa ne né ləa el ləm tɔ.

Njé gə́ Galati 3:2

Aa ooje ma m’ndigi dəji sí ta kára ba mba koo ta sí’g. See néra sí gə́ seḭ raje gin godndu’g lé ɓa, seḭ iŋgaje ne Ndil əsé ta meekun gə́ d’ila mberee d’ar sí gə́ seḭ taaje lé see yee ɓa seḭ iŋgaje ne Ndil wa.

Njé gə́ Galati 3:5

Yeḛ gə́ ar sí Ndil ləm, ra ne némɔrije mbuna sí’g ləm tɔ lé see yeḛ ra togə́bè gə goo néra gə́ ka̰ godndu əsé gə goo ta meekun gə́ d’ila ne mberee wa.

Njé gə́ Galati 5:22

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé

Njé gə́ Epesə 3:4

Loo gə́ seḭ turaje taje neelé ndá a kasjekəm gərje gin gosonégər ləm gə́ wɔji dɔ né ka̰ Kristi gə́ to loo-kiya’g ɓəi lé ya.

Njé gə́ Epesə 4:2

A kosoje kul keneŋ ləm, a kawje yururu keneŋ ləm, a raje gə meekai sam-sam ləma, a gədje ne na̰ dan noji’g ləm tɔ.

Njé gə́ Epesə 4:32

Raje meemaji gə na̰ ləm, ooje kəmtondoo lə na̰ ləm tɔ. Maji kar sí arje meḛ sí oso lemsé dɔ na̰’g to gə́ Ala kara ar mée oso lemsé dɔ sí-seḭ gə́ ɔmje na̰’d gin Kristi’g lé tɔ.

Njé gə́ Kolosə 1:27

Ndərta nee gə́ to loo-kiya’g gə́ to ta gə́ maji dum gə́ Ala nja ndigi kar njépole-magəje d’oo lé ɓa nee: Kristi gə́ to meḛ sí’g lé yeḛ nja gə́ njegin rɔnduba gə́ seḭ undaje meḛ sí yel gə́ dɔ’g.

Njé gə́ Kolosə 2:3

Kristi lé ndur kəmkàr ləm, gə gosɔnégərje gə́ gə ria-ria ləm tɔ lé d’ula rɔ dee rəa’g pḛ́.

Njé gə́ Kolosə 3:12

Bèe ndá to gə́ seḭ toje dəwje gə́ to gə kəmee gə́ m’unda sí dan kəm’g ləm, Ala lé nja ɔr sí gə kəmee ləm tɔ ndá maji kar sí arje meekoso lemsé ləm, gə meemaji ləm, gə kosokul ləm, gə kaw yururu ləma, gə meekila ləm tɔ lé to ne néje gə́ seḭ dolèje ne rɔ sí yul-yul ya.

1 Njé gə́ Tesalonikə 2:10

Seḭ toje njékoogineje ləm, Ala kara oo ləm tɔ. Néra gə́ jeḛ n’ra sə sí-seḭ njémeekunje lé to né gə́ àr ləm, to né gə́ to gə dɔ najee ləma, to néra njemeekarabasur ləm tɔ.

1 Timote 4:12

Maji kar dəw kára kara ndɔli dɔ basa’g ləi el, nɛ maji kar tapai ləm, gə nérai ləm, gə nojikwa ləi ləm, gə meekun ləi ləma, gə meenda ləi ləm tɔ lé to néndaji gə́ majikojije d’a ndaji ne kəmi ya.

1 Timote 5:2

deḛ denéje gə́ tɔg kara ndəji dee to gə́ kɔinje-je ləma, ŋgama̰dje kara ndəji dee to gə́ ko̰ nanije ɓa ti məəi dɔ dee’g mbidi ya ləm tɔ.

2 Timote 3:10

Nɛ i lé i gərm gao ari oo ta gə́ ma m’ndooi ləm, gə panjaam ləm, gə né gə́ m’wɔji-kwɔji ra ləm, gə meekun ləm, gə kaw yururu ləm, gə meenoji ləm, gə meekai Sam ləma,

2 Timote 4:2

Ila mbər Tagə́maji lé ula ne ta meḛ dee’g loo gə́ kul’g ləm, gə loo gə́ nuŋga’g ləm tɔ, ndaŋg dee ləm, gə ndəji dee ləma, gə gɔl dee gə ndu noji ndoo dee ne ləm tɔ ɓó ya̰ gée lal ra ndɔ kára el.

Titə 2:7

Nérai gə́ maji ɓa i a tɔji dee ne loo néraje gə́ maji gə́ gə ria-ria ləm, ar ta ndoo ləi lé to ta gə́ àr ŋgad-ŋgad gə́ kəm kar dee taa ləma,

Maktub gə́ Jak ula ne ar ngan-Allaje 3:17

Kəmkàr gə́ ḭ dara lé njea a to dəw gə́ àr ləm, mée a kul lɔm ləm, yeḛ a kaw yururu ləm, a kɔm na̰’d gə mareeje ləm, meemaji a taa mée pəl-pəl ləma, a kinja gə ka̰dee gə́ maji gə́ raga ləm tɔ. Mée a tɔ joo el ləm, a to gə́ njehulai el ləm tɔ.

1 Piɛrə 1:12

Ala ɓa riba sə dee dəa ar dee gər gao, néje neelé to mbata lə dee-deḛ el nɛ to mbata lə sí-seḭ ɓa deḛ nja to gə́ njékɔrgoo tareeje ya. Ɓasinè deḛ gə́ Ndilmeenda gə́ ḭ dara ɔs dee ɓɔḭ-ɓɔḭ ɓa d’ɔr gée d’ila ne mber Tagə́maji d’ar sí. Kuraje gə́ dara kara ndiŋga rɔ dee gə mba koo néje neelé tɔ.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

1 Ja̰ 3:18

Ŋganəmje, ar sí ndigije na̰ gə nojikwa gə ta sí’g kari ba el nɛ kankəm noji gə́ j’wa gə na̰ lé yee ɓa j’unda ne na̰ dan kəm na̰’d ya.

Njéga̰g-Rəwtaje 16:15

Yeḛ tel ulá pana: See ban ɓa i pana: I ndigim wa! Mbata məəi ɔm səm na̰’d el. Aa oo, as gɔl munda gə́ i ula sul dɔm’g lal riba səm dɔ gin boo-siŋgamoŋ ləi lé.