2 Njé gə́ Kɔrḭtə 6:5 - Maktub gə́ To gə Kəmee

⁵ Deḛ kunda sí ləm, d’ɔm sí daŋgai keneŋ ləm, koso-dəwje d’ḭ sə sí ləm, j’ula rɔ sí ndubu loo-kulaje’g ləm, j’ɔg rɔ sí dɔ ɓi’g ləma, nésɔ lal sí ləm tɔ.

2 Njé gə́ Kɔrḭtə 6:5 ပူးပေါင်းရင်းမြစ်များ

1 Mbaije 22:27

Bèe ɓa Mise ilá keneŋ pana: Ɓó lé i tel ree gə meekulɔm ya ndá Njesigənea̰ pata gə ndum el. Yeḛ ila ta keneŋ tɔɓəi pana: Seḭ koso-dəwje lai, maji kar sí ooje ya!

2 Sôrta Gḭka Israɛlje 16:10

Mee Asa ḭ səa pu dɔ njekoota-mee-Ala’g ndá yeḛ wá ilá daŋgai’g mbata mée ea̰ dəa’g. Tɔɓəi mee ndəaje gən ya Asa ula kəm dəwje gə́ na̰je ndòo yaa̰ tɔ.

Esai 53:5

Nɛ to kaiyaje lə síjeḛ ɓa Yeḛ iŋga ne doo gə mbəa ləm, Néra kori-korije lə síjeḛ ɓa Kəmee to ne ndòo gə mbəa ləm tɔ. Ko̰ né gə́ yeḛ oo lé ɓa Jeḛ j’iŋga ne meekulɔm ləm, Dooje gə́ yeḛ iŋga lé ɓa Gə́ kuma̰ kar ta doo lə sí ər ne kəmsə ləm tɔ.

Jeremi 33:1

Njesigənea̰ ula Jeremi ta njekɔm’g gɔl joo gə rɔtaje nee, loo gə́ yeḛ nai ne mee gad kəi-daŋgai’g ɓəi lé pana:

Jeremi 38:6

Yen ŋga deḛ d’un Jeremi d’ilá mee bwa-mán’g lə Malkija, ŋgolə mbai gə́ to mee gad kəi-daŋgai’g lé. D’ar Jeremi uru naŋg keneŋ gə kúla. Man godo mee bwa-mán’g neelé nɛ bɔrɔ ɓa to keneŋ ndá Jeremi dubu bɔrɔ’g tɔ.

Ejekel 3:17

Ma ŋgon-dəw lé n’undam gə́ njeŋgəmloo mbata gel-bɔje lə Israɛl. M’a koo ta gə́ teḛ ta neḛ’g ndá m’a kula dee mbata lə neḛ.

Matiyo 14:10

Yeḛ ula dee kəi-daŋgai’g ar dee gaŋg dɔ Ja̰ Njera-batɛm lé.

Matiyo 14:3

Mbata Herɔdə lé taa ta lə Herodias, dené lə ŋgokea̰ Pilibə wa ne Ja̰ teá ne ndər-ndər ilá ne daŋgai’g duu-loo’g.

Matiyo 9:15

Jeju ila dee keneŋ pana: Baokuraje lə njedené-sigi lé see d’a kula rɔ dee ndòo loo gə́ njedené-sigi nai sə dee ɓəi wa. Ndəa gə́ kàree a teḛ lé d’a kɔr njedené-sigi mbuna dee’g ndá d’a kɔg meḛ dee ɓoo ɓəi.

Néra Njékaḭkulaje 13:3

Yen ŋga loo gə́ deḛ ra tamaji ɓa d’ɔg ne meḛ dee ɓoo keneŋ ndá d’ila ji dee dɔ dee’g ɓa d’ya̰ dee d’ar dee d’aw ɓəi.

Néra Njékaḭkulaje 14:19

Yen ɓa Jibje gə́ d’ḭ Antiɔs gə Ikɔnə ree d’iŋga dee keneŋ ndá d’ula meḛ koso-dəwje na̰’d, d’ar dee tila Pool gə kɔri-ər, deḛ ndɔree d’ilá ŋgaŋloo’g d’ə̰ji ta meḛ dee’g pana: Yeḛ wəi mba̰.

Néra Njékaḭkulaje 14:23

Deḛ d’ɔr ŋgatɔgje mee Eglisəje gə loo kára-kára lai tɔɓəi loo gə́ deḛ ra tamaji ɓa d’ɔg meḛ dee ɓoo ɓəi ndá d’ɔm dee ne ji Mbaidɔmbaije’g yeḛ gə́ d’un meḛ dee d’aree lé.

Néra Njékaḭkulaje 17:5

Nɛ Jibje lé kəmkəḭ rusu meḛ dee njḭ-njḭ ar dee d’ɔr njémeeyèrje gə́ na̰je mbuna dalm-dəwje’g d’ɔm dee goo dee’g gə mba kar dee pələ meḛ dəwje d’ar dee d’aw dɔ na̰’d pum-pum ɓó gə kar ɓee ləŋg ne. Deḛ saŋg Pool gə Silas saar d’aw ɓee lə Jaso̰ mba kɔr dee kaw sə dee no̰ koso-dəwje’g.

Néra Njékaḭkulaje 20:31

Yen ŋga sije kəmba jəgəgə, arje meḛ sí olé dɔ ta gə́ ma m’ndəji sí kára-kára lai gə mán-no̰ kəm’g as ləb munda, dan kàrá gə loondul’g m’ar tam wəi el.

Néra Njékaḭkulaje 23:10

To gə́ tamaḭ lə dee oso mbo-boo bèe ŋga ɓé-njérɔje lé ɓəl pana: Dəwje neelé d’a kḭ kwa Pool tiee mbidi-mbidi ndá yeḛ un ndia ar njérɔje ree d’ɔree dan dee’g gə mba kaw səa gadloo’g lə dee.

Néra Njékaḭkulaje 23:35

Loo gə́ yeḛ gər to gə́ yeḛ to gə́ dəb ɓeeko̰ gə́ Silisi ndá yeḛ ulá pana: M’a ŋgina njésəgije njen ree ɓa m’a koo ta ləi ɓəi. Yeḛ un ndia ar dee gə mba kar dee ŋgəmee kəi-gad’g lə Herɔdə.

Néra Njékaḭkulaje 24:27

Loo gə́ ləb joo dəs ndá d’ar Porsius Pestus taa tor Pelis. Pelis ya̰ Pool daŋgai’g gə mba karee lel Jibje.

Néra Njékaḭkulaje 26:10

Yee ɓa gə́ néram gə́ m’ra mee ɓee gə́ Jerusalem’g ya. Mbai dɔ njékinjanéməsje-je d’un ndu dee d’am ndá m’wa deḛ gə́ to gə kəmee lé bula m’ɓugu dee daŋgai’g ləm, loo gə́ deḛ tɔl dee kara m’ɔm na̰’d téréré gə njétɔl deeje lé ləm tɔ.

Néra Njékaḭkulaje 26:29

Pool tel ilá keneŋ pana: Nai lam bèe əsé kuree a kəw waga ɓəi kara ma m’ra ndòo rɔ Ala’g gə mba karee teli to gə́ ma bèe ya, i ɓa gə kari el nɛ deḛ lai gə́ d’isi d’oo ta ləm ɓogənè lé tɔ, nɛ kúla lar gə́ wam lé ɓa maji karee tibi mbɔri sí el.

Néra Njékaḭkulaje 28:30

Pool si kəi-kwa’g lé as ləb joo ya doŋgɔ bugum. Deḛ lai gə́ ree gə mba kée lé yeḛ wa dee gə́ rəa’g tɔ.

Néra Njékaḭkulaje 5:18

Deḛ d’uba naŋg d’ḭ d’ɔm na̰ dɔ njékaḭkulaje’g twa dee ɓugu dee daŋgai’g dan mee ɓee’g.

1 Njé gə́ Kɔrḭtə 15:10

Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

1 Njé gə́ Kɔrḭtə 4:11

Jeḛ lé saar ɓasinè kara ɓoo biri sí ləm, gə kṵdaman ula kəm sí ndòo ləma, j’aw gə kudu sí dum ləm tɔ: deḛ kunda kwɔji sí ləm, j’ila tar mbir-mbir gə́ yo gə nee ləm tɔ.

1 Njé gə́ Kɔrḭtə 7:5

Ɔgje na̰ rɔ sí el. Ɓó lé seḭ gaŋgje rɔ sí ŋgəji ndá kara arje meḛ sí asəna keneŋ mba ra tamaji na̰’d waga ɓa a tel kiŋgaje na̰ ɓəi nà banelə malee gə́ ra sí lé Njekurai a kər sí ne.

2 Njé gə́ Kɔrḭtə 11:27

M’ula rɔm ndubu m’ra ne kula gə́ kədərə ləm, gɔl bula ɓi wa kəm loondul’g el ləm, m’wəi yoo-ɓoo gə yoo-kunda-mán ləm, m’ɔg məəm ɓoo gɔl bula ləm, m’wəi yoo-kul ləma, nékɔn-rɔ ləm godo ləm tɔ.

Njé gə́ Epesə 3:1

Gelee gə́ nee ɓa, ma Pool m’to ne daŋgai lə Kristi mbata lə sí-seḭ njépole-magəje lé ...

Tel tura Godndu 25:3

Yeḛ a kar dee kundá karee al dɔ ji dee rɔ-sɔ el nà banelə loo gə́ kundá gə́ kédé-kédé ndá, a kal dəa yaa̰ kar ŋgoko̰ sí lé tel to nérɔkul kəm sí’g.

Njé gə́ Pilibə 1:13

Tɔgərɔ ya, mee gadloo-si njérɔje ləm, gə looje gə́ raŋg’d lai ləm tɔ lé deḛ d’oo gao to gə́ m’isi daŋgai’g mbata lə Kristi ya.

1 Njé gə́ Tesalonikə 2:9

Ŋgako̰ síje, kula ra sí gə́ jeḛ j’ula ne rɔ sí ndubu dṵda’d gə dan kàrá mba kar sí j’wɔi ne dəw kára kara mbuna sí’g el lé meḛ sí a kolé dɔ’g ya, togə́bè ɓa, j’ɔr ne gin Tagə́maji lə Ala lé j’ar sí.

1 Timote 4:10

Jeḛ j’oma̰ gə kula gə́ jeḛ n’raje lé mbata jeḛ j’unda meḛ sí yel gə́ dɔ Ala gə́ njesikəmba gə́ to njekaji dəwje lai nɛ to ka̰ deḛ gə́ d’ɔm meḛ dee dəa’g goo kára ba sur lé tɔ.

2 Timote 1:8

Bèe ndá maji kari ra kəmkul dɔ kɔr goo ta lə Mbaidɔmbaije lə sí el ləm, ma gə́ m’isi daŋgai’g gə mbəa kara ra rɔkul gə mbàm el ləm tɔ. Nɛ maji kula rɔi ndubu səm na̰’d mbata Tagə́maji lé gə goo siŋgamoŋ lə Ala ya.

2 Timote 2:9

Yee ɓa, deḛ tɔm ne, d’am m’isi ne dan némeeko̰’g asəna gə njera néje gə́ majel bèe. Nɛ ta lə Ala lé ndá təa el.

2 Timote 4:5

Nɛ i lé unda kəmkàr dɔ rɔi’g gə mba néje lai ləm, ai məəi sam-sam dan némeekonje’g ləm, ra kula gə́ wɔji dɔ kila mber Tagə́maji lé ləma, ɔr suna kula ləi lai lé ləm tɔ.

Ǝbrəje 11:36

Njé gə́ raŋg lé deḛ ndaji ndu dee ləm, kunda dee gə ndəi ləma, d’wa dee daŋgai gə kúla lar ləm tɔ.

Ǝbrəje 13:17

Ilaje ŋgonkoji dɔ njékɔrno̰ síje’g gə́ d’aḭ bada dɔ sí’g, ḭje kalaŋ-kalaŋ no̰ dee’g, mbata loo gə́ d’a kula njea taree ndá d’a kulá gə ŋgaŋ kogo. Ɓó lé d’a kulá taree gə rɔkim ndá lé a maji dɔ sí’g el.

Ǝbrəje 13:23

Ŋgoko̰ sí Timote lé d’ilá tar mba̰, yee ɓa m’ula sí taree. Ɓó lé yeḛ teḛ loo gə́ nee kalaŋ ndá ma kara m’a kaw səa na̰’d mba koo sí ne tɔ.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.