2 Njé gə́ Kɔrḭtə 6:4 - Maktub gə́ To gə Kəmee

⁴ Nɛ jeḛ n’ra néje ɓəd-ɓəd gə mba kar dəwje gər sí ne gə́ kuraje lə Ala. J’ila meḛ sí po̰-po̰ dan némeeko̰’g ləm, gə dan né gə́ riŋga sí’g ləma, gə dan néurti’g ləm tɔ.

2 Njé gə́ Kɔrḭtə 6:4 ပူးပေါင်းရင်းမြစ်များ

Esai 61:6

Nɛ seḭ lé d’a ɓar sí njékinjanéməsje lə Njesigənea̰ ləm, D’a kunda ri sí gə́ kuraje lə Ala lə sí ləm tɔ. Seḭ a kubaje maji nébaoje lə ginkoji dəwje gə raŋg ləm, Seḭ a ndubaje rɔ sí ká gə néro̰dubaje lə dee ləm tɔ.

Joɛl 1:9

Nékarje gə́ to nduji gə́ ndá léréré ləm, Gə nékarje gə́ ka̰ tər naŋg ləm tɔ lé Godo mee kəi’g lə Njesigənea̰, Njékinjanéməsje gə́ to kuraje lə Njesigənea̰ lé D’isi dan kəmndooyoo’g.

Joɛl 2:17

Maji kar njékinjanéməsje Gə́ to kuraje lə Njesigənea̰ lé D’aar mbuna loo-nékinjaməs gə gel jala’g lé Ra tamaji no̰ gə mán-no̰ kəm dee’g pana: Ǝi Njesigənea̰, maji kari aji koso-dəwje ləi! Maji kari ya̰ né gə́ to nédɔji ləi aree tel to nérɔkul Gə nékunda-kogo lə ginkoji dəwje gə raŋg el. Maji kari ya̰ loo mba kar gel ɓeeje lə dəwje-dəwje lé D’a pa ne pana: Ala lə dee lé see si ra ɓəi wa bèe el.

Lugu 21:19

Meekai sam-sam lə sí ɓa seḭ a kajije ne ya.

Tagə́maji gə́ Ja̰ ndang 16:33

Ma m’ula sí ta néje neelé mba kar meḛ sí gə́ seḭ ɔmje səm na̰’d sad lé seḭ a sije ne gə meekulɔm ya. Nékəmndoo a ra sí dɔ naŋg nee ya, nɛ waje rɔ sí kɔgərɔ mbata ma m’dum dɔ loo gə́ naŋg nee mba̰ tɔ.

Néra Njékaḭkulaje 2:22

Seḭ Israɛlje, ooje ta neelé maji. Jeju gə́ Najaret, dəw nee gə́ Ala ɔr goo ta ləa kəm sí’g aree ra ne némɔrije ləm, gə nédumkooje ləma, gə nékunda rɔ ləa gə́ yeḛ unda ne kəm sí’g ləm tɔ lé to néje gə́ seḭ nja gərje gao ya.

Néra Njékaḭkulaje 20:34

Seḭje lé seḭ gərje gao jim-ma ya ɓa m’ra ne kula m’iŋga ne né gə́ lalm ləm, gə lal deḛ gə́ d’isi səm lé ləm tɔ.

Néra Njékaḭkulaje 9:16

Tɔɓəi ma nja m’a tɔjee loo némeeko̰ gə́ a kiŋgá gə mbata lə no̰’m gə́ yeḛ a kunda lé karee oo gao ya ɓəi.

Njé gə́ Rɔmə 14:18

Yeḛ gə́ ra né ar Kristi togə́bè ndá yeḛ taa kəm Ala ləm, a kuru meḛ dəwje’g njɔd ləm tɔ.

Njé gə́ Rɔmə 16:10

Raje Apelɛs gə́ unda rɔ meekun ləa gə́ gin Kristi’g kəm sí’g lai lé lapia amje. Raje kojikəije gə́ ɓee lə Aristobul lapia amje.

Njé gə́ Rɔmə 3:5

Nɛ ɓó lé néra sí gə́ gə dɔ najee el lé a kila meekarabasur lə Ala lé kɔd ndá see ta ɗi ɓa j’a pa wa. Ala lé loo gə́ yeḛ kila oŋg ləa gə́ raga ndá see a to njera né gə́ to gə dɔ najee el wa. (Ma m’pa gə goso tapa lə dəwje ya.)

Njé gə́ Rɔmə 5:8

Nɛ Ala nja kila meenoji ləa kɔd gə́ rɔ sí’g mbata loo gə́ jeḛ nai gə́ njékaiyaje ɓəi lé Kristi wəi gə mbata lə sí.

1 Njé gə́ Kɔrḭtə 3:5

See Apolɔs ɓa gə́ na̰ ɓəi wa. Esé see Pool ɓa gə́ na̰ ɓəi wa. Deḛ joo bɔr to kuraje lə Mbaidɔmbaije gə goo rəw gə́ yeḛ nja ɔr dee ne. Mbɔl dɔ dee-deḛ nja ɓa seḭ ɔmje ne meḛ sí dəa’g.

1 Njé gə́ Kɔrḭtə 4:1

Togə́bè ɓa maji kar dee d’oo sí gə́ kuraje lə Kristi ləm, gə njékaa dɔ kankəmtaje lə Ala gə́ to loo-kiya’g lé ləm tɔ.

1 Njé gə́ Kɔrḭtə 9:11

Ɓó lé jeḛ n’dubu né gə́ maji gə́ wɔji dɔ ndil sí mbuna sí’g ndá see to kəm kar sí j’iŋga né gə́ wɔji dɔ darɔ síjeḛ ji sí’g el wa.

2 Njé gə́ Kɔrḭtə 11:23

See deḛ to kuraje lə Kristi wa. (Ma m’pata asəna gə dəw gə́ ndilee igee.) Ma lé m’to kura lə Kristi gə́ ur dɔ ɓəi gə goo kula ramje gə́ to yaa̰ unda ka̰ dee-deḛ ləm, gə goo kunda gə́ deḛ kundam yaa̰ unda dee-deḛ ləma, gə goo kisi gə́ m’isi daŋgai’g gɔl bula unda dee ləm tɔ. Ta-ta m’isi ta yoo’g ləm,

2 Njé gə́ Kɔrḭtə 11:27

M’ula rɔm ndubu m’ra ne kula gə́ kədərə ləm, gɔl bula ɓi wa kəm loondul’g el ləm, m’wəi yoo-ɓoo gə yoo-kunda-mán ləm, m’ɔg məəm ɓoo gɔl bula ləm, m’wəi yoo-kul ləma, nékɔn-rɔ ləm godo ləm tɔ.

2 Njé gə́ Kɔrḭtə 11:9

mbata ŋgako̰ síje gə́ d’ḭ Masedoinə ɓa d’am né gə́ m’aw ndée. Lé riri gə́ lalm kara ma m’ɔg rɔm kaw kabee ji sí’g tɔɓəi m’a kɔg rɔm dɔ’g bèe ya saar-saar ya tɔ.

2 Njé gə́ Kɔrḭtə 12:10

Gelee gə́ nee ɓa, m’isi gə məəm gə́ kulɔm dan rəm’g lé ləm, gə dan tajikil gə́ deḛ tajim ləm, gə dan némeeko̰ gə́ ram’g lé ləm, gə dan kəm gə́ deḛ d’ula ndòo’g ləma, gə dan néyooje gə́ d’aḭ dɔm sub ləm tɔ, yee ɓa to néram gə mba Kristi, mbata loo gə́ m’isi loo rəm’g lé kara yen ɓa, ma m’tel m’to ne njesiŋgamoŋ ya.

2 Njé gə́ Kɔrḭtə 12:12

Néramje gə́ d’ɔr gin rɔm to gə́ ma m’to njekaḭkula gə́ gəd lé nduba rɔ dee gə́ raga kəm sí’g d’ar sí ooje loo gə́ m’ai məəm sam-sam dan né gə́ rara gə́ naam lé ləm, m’ra nédumkooje gə nésiŋgamoŋje, gə némɔrije ləm tɔ.

2 Njé gə́ Kɔrḭtə 2:17

Mbata jeḛ lé jeḛ n’tel ta lə Ala j’ila gel asəna gə ka̰ dəwje gə́ raŋg gə́ ra togə́bè lé el. Nɛ jeḛ ndá ne meḛ sí kaḭ m’pa ne ta mbata lə Ala ləm, jeḛ j’ɔm na̰’d gə Kristi m’pa ne ta no̰ Ala’g ləm tɔ.

2 Njé gə́ Kɔrḭtə 3:6

Yeḛ nja ar sí siŋga sí tel sí ne gə́ njékɔrgoo manrɔ gə́ sigije lé yeḛ gə́ to ka̰ Ndil ɓó yeḛ gə́ deḛ ndaŋg gə́ ndaŋg el. Mbata yeḛ gə́ ndaŋg gə́ ndaŋg lé ɓa gə́ yoo, nɛ yeḛ gə́ ka̰ Ndil ɓa gə́ njekula kəmə meḛ sí’g.

2 Njé gə́ Kɔrḭtə 4:17

Némeeko̰ gə́ ra sí waga gə́ jeḛ j’oo gə́ né gə́ əḭ el lé a to kó rɔnduba gə́ d’a kula dɔ sí’g saar-saar gə no̰, gə́ lal kwɔji ləm, gə lal kunda ŋgaŋgee ləm tɔ.

2 Njé gə́ Kɔrḭtə 4:2

Nérɔkulje lai gə́ dəwje ra loo-ŋgəḭ lé jeḛ j’unda dee ɓad ləm, jeḛ n’ra goso el ləma, ta lə Ala kara jeḛ n’telee raŋg el ləm tɔ. Nɛ jeḛ n’riba dɔ kankəmta j’wɔji ne dɔ rɔ sí, j’ula taree meḛ dəwje’g kəm Ala’g.

2 Njé gə́ Kɔrḭtə 4:8

Néje ɓəd-ɓəd gə́ ra sí lé un kəi sí lad ya nɛ rəd ɓa rəd sí el, d’ar sí j’isi dan néurti’g nɛ meḛ sí ila kas bilim el,

2 Njé gə́ Kɔrḭtə 7:11

Aa ooje, nékəmndoo nee gə́ gə goo rəw gə́ Ala wɔji lé see ar sí ɔsje ne rɔ sí ɓad el wa. Seḭ ɔsje rɔ sí ɓad gə mba kɔr ne naji dɔ sí’g ləm, seḭ osoje gə oŋg biriŋ ləm, seḭ síje gə meekaarkərm ləm, mal koo kəm ra sí ŋgwɔd-ŋgwɔd ləm, seḭ ula rɔ sí ndubu mba gɔl ta ləma, seḭ arje bo̰ néra dəw lé ɔs təa’g ləm tɔ. Seḭ amje m’oo to gə́ ta neelé né kára kara taŋ sí keneŋ el.

Njé gə́ Kolosə 1:11

Togə́bè ɓa, mbɔl dɔ boo-siŋgamoŋ ləa gə́ maji dum gə́ yeḛ ula meḛ sí’g lé seḭ a ŋgəŋje ne dɔ néje’g lai ndá seḭ a sije gə meendakaḭ, a kilaje meḛ sí po̰ kaije meḛ sí sam-sam dɔ néje gə́ lai gə́ ra sí lé tɔ.

Njé gə́ Kolosə 1:24

Ɓasinè m’al rɔm wɔji dɔ nékəmndoo gə́ ram mbata lə sí. Néurti gə́ ra Kristi lé dɔgea̰ gə́ nai ɓa m’taa m’ɔm dɔm’g mbata lə Eglisə gə́ nai gə́ darɔ Kristi lé.

1 Njé gə́ Tesalonikə 3:7

Togə́bè ɓa, ŋgako̰ síje, lé j’isi dan néurtije’g gə dan némeekonje’g kara ta meekun lə sí gə́ j’oo taree lé ɓa gɔl meḛ sí ar sí j’isi ne keneŋ gə meekulɔm.

1 Njé gə́ Tesalonikə 5:14

Ŋgako̰ síje, jeḛ n’ra ndòo rɔ sí’g ɓəi: maji kar sí ndəjije deḛ gə́ d’aw kori-kori ləm, ulaje diŋgam meḛ deḛ gə́ meḛ dee təd mán ləm, gədje njémeembɔrèje ləma, ilaje meḛ sí po̰ dɔ dəwje’g lai ləm tɔ.

1 Timote 2:15

Lé kalta nai dəa’g ɓəi kara ɓó lé yeḛ aw yururu ai mée sam-sam dɔ meekun’g ləm, gə dɔ meenoji’g ləma, gə dɔ meenda’g lé ləm tɔ ndá a kaji ne loo koji ŋganeeje’g ya.

1 Timote 4:6

Ɓó lé i ɔr ginta neelé ar marije gin Kristi’g lé ndá i a to njekɔrgoota lə Jeju Kristi gə́ maji ya. Ta meekun ləm, gə gin kankəmta gə́ i ula rɔi keneŋ ləm tɔ lé yee ɓa gə́ nésɔi ya.

1 Timote 6:11

I dəw lə Ala lé sa rɔi dɔ mal néje neelé gə́ ra dee ya nɛ ndolè goo meekarabasur ləm, gə rəw kwa Ala məəi’g gə goo rəbee ləm, gə meekun ləm, gə meenoji ləm, gə meekila ləma, gə kaw yururu ləm tɔ.

2 Timote 1:8

Bèe ndá maji kari ra kəmkul dɔ kɔr goo ta lə Mbaidɔmbaije lə sí el ləm, ma gə́ m’isi daŋgai’g gə mbəa kara ra rɔkul gə mbàm el ləm tɔ. Nɛ maji kula rɔi ndubu səm na̰’d mbata Tagə́maji lé gə goo siŋgamoŋ lə Ala ya.

2 Timote 2:24

Tɔgərɔ ya, kura lə Mbaidɔmbaije a to gə́ njḛgər ginta el, nɛ yeḛ a kwa noji gə dəwje lai ləm, a kaskəm ndoo dee né ləma, a to njemeekila ləm tɔ.

2 Timote 4:5

Nɛ i lé unda kəmkàr dɔ rɔi’g gə mba néje lai ləm, ai məəi sam-sam dan némeekonje’g ləm, ra kula gə́ wɔji dɔ kila mber Tagə́maji lé ləma, ɔr suna kula ləi lai lé ləm tɔ.

Ǝbrəje 12:1

Jeḛ kara njékoo sə sí géeje gə́ d’aḭ dɔ sí sub lé d’isi ɗəŋ-ɗeŋ. Bèe ndá né gə́ ar rɔ sí wɔi ndiŋ-ndiŋ ləm, gə kaiya gə́ biri sí ləm tɔ lé ar sí j’ɔmje kɔrɔ ləm, ar sí j’aḭje gə meekai sam-sam gə kankəm rəw gə́ to tag no̰ sí’g ləm tɔ.

Loo gə́ killa rea kəm Ja̰’g 1:9

Ma, ŋgoko̰ si gə́ Ja̰ m’to gə́ njeboaloo-si lə si dan néurti’d gə́ ra si ləm, m’ai məəm sam-sam m’ŋgina sə sí ɓeeko̰ lé gin Jeju’g ləm tɔ. Ma nja m’isi gə karm ba dɔgoré-loo gə́ ria ləa lə Patmos. Ta lə Ala gə́ m’ula dee ləm, gə ginta lə Jeju gə́ m’ɔr ləm tɔ lé yee ɓa m’isi ne gə mbəa.

Loo gə́ killa rea kəm Ja̰’g 3:10

Ŋgəm gə́ i ŋgəm ta ləm ar məəi ai sam-sam dɔ’g lé bèe ɓa loo gə́ nékəmndoo a kḭ taa naŋg nee pəl-pəl mba naa ne dəwje dɔ naŋg nee ndá m’a to dərgeli ya.