2 Njé gə́ Kɔrḭtə 6:15 - Maktub gə́ To gə Kəmee

¹⁵ See Kristi a kɔm na̰’d gə Belial’g loo gə́ ra wa. Majikojije gə deḛ gə́ to gə́ majikojije el lé see né lə dee a to gə́ na̰’d loo gə́ ra wa.

2 Njé gə́ Kɔrḭtə 6:15 ပူးပေါင်းရင်းမြစ်များ

1 Mbaije 18:21

Yen ŋga Eli rəm pər gə́ rɔ koso-dəwje’g ndá yeḛ pana: See ndɔ gə́ ra ɓa seḭ a kəwje rɔ sí kulaje panjaa sí na̰’d lé wa. Ɓó lé Njesigənea̰ ɓa to Ala ndá awje gée’g, ŋga ɓó lé to Baal tɔ ndá awje gée’g tɔ. Koso-dəwje tel d’ilá keneŋ el.

Esdras 4:3

Nɛ Jorobabel gə Juje gə mbai dɔ gel-bɔje lə Israɛlje gə́ nai lé tel d’ila dee keneŋ pana: Jeḛ sə síje j’a kasjekəm kɔrè na̰ mba ra kəi-Ala lə sí el. Jeḛ nja gə kar sí ba j’a ra kəi neelé kar Njesigənea̰ Ala lə Israɛlje to gə́ Sirus, mbai gə́ Persə un ne ndia ar sí lé ya.

Mark 16:16

Yeḛ gə́ a kɔm mée dɔ’g kar dee rəa batɛm lé a kaji ne ya, nɛ yeḛ gə́ a kɔm mée dɔ’g el ndá taree a kwa dəa ya tɔ.

Néra Njékaḭkulaje 5:14

Bula lə deḛ gə́ d’un meḛ dee d’ar Mbaidɔmbaije lé diŋgamje gə denéje, ḭ dɔ maree’g gə́ kédé-kédé.

Néra Njékaḭkulaje 8:20

Nɛ Piɛrə ilá keneŋ pana: Udu gə lar ləi bura ya, mbata i ə̰ji məəi’g pana: Nénoji lə Ala lé to gə́ né gə́ ka̰ ndogo gə lar.

1 Njé gə́ Kɔrḭtə 6:6

See yee gə́ bèe ɓa dəw aw ne gə maree gə́ njetaamee-Kristi no̰ njépole-magəje’g mba kar dee gaŋg ne ta dəa’g gə mbəa wa.

1 Timote 5:8

Ɓó lé nana ɓa tɔs kəmee dɔ njénojije’g ləa gə dɔ njékojeeje’g el ndá debee neelé uba meekun ləa ya̰ mba̰ ləm, yeḛ neelé majel ur dɔ dəw gə́ njetar-Ala’g gə́ tar ɓəi ləm tɔ.

1 Piɛrə 1:21

Mbɔl dəa-yeḛ nja seḭ ɔmje ne meḛ sí dɔ Ala gə́ njeteḛ səa dan njé gə́ d’wəi’g ula ne rɔnduba dəa’g. Yee ɓa seḭ unje ne meḛ sí arje Ala ləm, meḛ sí to ne yel gə́ dəa’g ləm tɔ.

Njéga̰g-Rəwtaje 19:22

Loo gə́ d’isi d’al rɔ dee bèe-bèe ndá aa ooje, dəwje gə́ mee ɓee-boo’g nee gə́ to njéra nékɔbje ree gugu dɔ kəi sub d’unda tarəwkəi d’ula bai-diŋgam gə́ njekəi lé pana: Teḛ gə dəw gə́ andə kəi ləi neelé mba kar sí n’toje səa.

Njéga̰g-Rəwtaje 20:13

Arje njéra nékɔbje neelé teḛ mee ɓee gə́ Gibea gə́ raga mba kar sí n’tɔl deeje mba kɔr ne né gə́ majel mbuna Israɛlje’g. Nɛ Bḛjamije ndigi koo ta lə ŋgako̰ deeje gə́ to Israɛlje lé el.

1 Samel 2:12

Ŋgalə Eli lé to njéra néje gə́ kori-kori ləm, deḛ gər Njesigənea̰ el ləm tɔ.