2 Njé gə́ Kɔrḭtə 5:8 - Maktub gə́ To gə Kəmee

⁸ Jeḛ lé j’wa diŋgam meḛ sí’g kɔgərɔ ləm, kuba rɔ sí kya̰ mba kaw kisi gə Mbaidɔmbaije lé to né gə́ wa meḛ sí yaa̰ ləm tɔ.

2 Njé gə́ Kɔrḭtə 5:8 ပူးပေါင်းရင်းမြစ်များ

Pakɔsje 16:11

I a kam m’gər kila rəwje gə́ ka̰ kisi ne kəmba lé gao, Nérɔlelje gə́ d’al dɔ loo sula to nɔḭ’g ləm, Néje gə́ maji dum gə́ to gə no̰ lé To dɔ jikɔli’g ləm tɔ.

Pakɔsje 17:15

Ma lé mbɔl dɔ meekarabasur ləm lé ɓa M’a koo ne kəmi ya, Loo gə́ m’a teḛ kəm gə ndɔ rad lé ndá Ndili ɓa kəm a kwəi dəa’g sḭ ləm, a tuga ne sib ləm tɔ.

Gosota-Kəmkàrje 14:32

Njemeeyèr lé néra majel ləa ɓa gə́ gin tuji ləa, Nɛ njemeekarabasur lé lé’d yoo kara Iŋga njo̰loo-kula-dəa keneŋ.

Matiyo 25:21

Mbai ləa tel ulá pana: Maji ya, i to kura gə́ gəd gə́ majikoji ya. Né gə́ lam ba ya gə́ to jii’g nɛ i ila ne koji dɔm’g ndá ɓasinè m’a kɔm né yaa̰ jii’g ŋga. Ɔd ree uru dan rɔlel’g lə ɓéije ya.

Matiyo 25:23

Mbai ləa tel ulá pana, Maji ya, i to kura gə́ gəd gə́ to majikoji ya. Né gə́ lam ba ya gə́ to jii’g nɛ i ila ne koji dɔm’g ndá ɓasinè m’a kɔm né yaa̰ jii’g ŋga. Ɔd ree uru dan rɔlel’g lə ɓéije ya.

Lugu 2:29

Ɓasinè lé Mbaidɔmbaije, ya̰ kura ləi Aree aw gə mée gə́ kulɔm ŋga, gə goo tapai gə́ i pa lé ŋga.

Tagə́maji gə́ Ja̰ ndang 12:26

Dəw gə́ rara ɓa ɓó lé ndigi ra né kam ndá maji karee un rəw goom’g, bèe ɓa loo gə́ m’a si keneŋ ndá lé neelé kura ləm a si səm keneŋ tɔ. Dəw gə́ rara ɓa ɓó lé ra né am ndá Bɔm a kila riɓar dəa’g ya.

Tagə́maji gə́ Ja̰ ndang 14:3

Tɔɓəi loo gə́ m’aw gə m’gɔl loo lə sí lé mba̰ ndá m’a tel ree gə mba kodo sí kém’g mba kar loo gə́ m’a si keneŋ lé seḭje kara a sije səm keneŋ na̰’d tɔ.

Tagə́maji gə́ Ja̰ ndang 17:24

Bɔm, loo gə́ m’a si keneŋ lé ma m’ndigi kar deḛ gə́ i am dee lé d’isi səm keneŋ to mba kar dee d’oo ne rɔnduba ləm, to rɔnduba gə́ i ula dɔm’g mbata i undam dan kəmi’g kédé par-par ɓa i tum gin naŋg nee ɓəi.

Néra Njékaḭkulaje 21:13

Yen ŋga Pool tel ila dee keneŋ pana: See ban ɓa seḭ no̰je arje ɓəŋgərəm a gə ti ne dus nee wa. Lée kwa əsé kwəi Jerusalem’g kara m’isi dɔ gɔlm’g kəgəgə gə mba kaw keneŋ mbata lə ri Mbaidɔmbaije Jeju Kristi lé ya.

2 Njé gə́ Kɔrḭtə 5:6

Bèe ndá j’wa diŋgam meḛ sí’g kɔgərɔ. Jeḛ n’gər gao, loo gə́ jeḛ nai gə darɔ sí bura ɓəi lé loo-si sí to ŋgərəŋ ɓó to mbɔr Mbaidɔmbaije’g dəb el.

2 Njé gə́ Kɔrḭtə 5:9

Togə́bè ɓa jeḛ j’wa rɔ sí kɔgərɔ dɔ sí gə́ kédé mbata taa ne kəmee loo gə́ jeḛ nai gə darɔ sí ɓəi əsé loo gə́ jeḛ j’a kuba darɔ sí kya̰.

1 Ja̰ 3:2

Seḭ gə́ m’unda sí dan kəm’g lé jeḛ sə síje n’toje ŋgan-Alaje ɓasinè ya. See rɔ sí a tel to gə́ banwa. Yee ɓa to raga pai-pai el ɓəi, nɛ jeḛ n’gər gao loo gə́ yeḛ a teḛ wai ndá j’a to tana səa pai-pai ya mbata j’a kée gə́ dəw gə́ bèe lé ya.

Loo gə́ killa rea kəm Ja̰’g 22:3

Ndɔl yoo a godo mee ɓee’g neelé. Kalimbai lə Ala gə ka̰ Ŋgonbad a to keneŋ ya. Kuraje ləa d’a kaar gə kula ra dee yéŋgé-yéŋgé gə mba karee ləm, d’a koo kəmee ləma,