2 Njé gə́ Kɔrḭtə 4:9 - Maktub gə́ To gə Kəmee

⁹ d’ula kəm sí ndòo nɛ yeḛ uba sí ya̰ sí pelm el, deḛ kunda sí tila sí nɛ jeḛ n’tuji ne el tɔ.

2 Njé gə́ Kɔrḭtə 4:9 ပူးပေါင်းရင်းမြစ်များ

Maktub gə́ wɔji dɔ Jɔb 22:29

Ɓó lé d’ari ula dɔi ndá I a dəjee gə mba kɔr dɔi gə́ tar, Mbata Ala la gə dəw gə́ ula dəa.

Pakɔsje 129:2

Un kudee loo gə́ m’nai basa ya ɓəi lé D’ulam ndubu lé d’aree asm ya Nɛ dum ɓa deḛ dum dɔm el.

Pakɔsje 22:1

Pakɔs lə Dabid gə́ ar bao-pa mba karee ɔs sə dee lé. D’ɔs gə ndu gwɔsee gə́ ria lə Duje-kai-mán-lə-daje.

Pakɔsje 37:28

Mbata Njesigənea̰ ndigi néra gə́ gə meekarabasur ləm, Yeḛ uba majikojije ləa ya̰ dee el ləm tɔ, Yeḛ tɔs kəmee bao-bao dɔ dee’g. Nɛ ŋgaka njémeeyèrje lé D’a kudu bo̰ dɔ naŋg nee.

Pakɔsje 42:11

Loo gə́ njékula kəm ndooje d’ula sul dɔm’g Ar dee d’ulam ne lal kwa ta dee kəw pana: See Ala ləm si ra ɓəi wa. Ndá siŋgarɔmje d’iri ne njigi-njigi.

Pakɔsje 42:5

Meem olé dɔ loo gə́ m’njaa dan koso-dəwje gə́ gugu dɔm sub lé Am m’njaa ne no̰ dee’g par gə́ kəi’g lə Ala, M’njaa ne dan ndu pa rɔlel’g gə ndu pa ra oiyo’g Gə́ koso-dəwje pa loo ra boo-naḭje’g. Loo gə́ m’la̰ji toree məəm’g ndá Ma m’ndá ne məəm kaḭ.

Pakɔsje 9:10

Njesigənea̰ lé to njo̰loo lə dee gə́ d’orè dɔ dee naŋg ləm, Yeḛ to njo̰loo lə deḛ gə́ néurti teḛ dɔ dee’g ləm tɔ.

Gosota-Kəmkàrje 24:16

Mbata njemeekarabasur lé a koso gɔl siri nɛ yeḛ ḭta ta-ta, Nɛ njémeeyèrje lé némeeko̰ ar dee d’oso kalaŋ.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Esai 62:4

D’a ɓari yeḛ gə́ d’ubá d’yá̰ el ŋga ləm, D’a ɓar dɔ naŋg ɓee ləi dɔnduba el ŋga ləm tɔ. Nɛ d’a ɓari yeḛ gə́ m’iŋga rɔlel rəa’g ləm, D’a ɓar dɔ naŋg ləi asəna gə dené gə́ njeŋgao ləm tɔ. Mbata Njesigənea̰ iŋga rɔlel rɔi’g ləm, Dɔ naŋg ləi iŋga ŋgabeeje ləm tɔ.

Misee 7:8

Seḭ njéba̰je lə sí lé, maji kar sí alje rɔ sí Wɔjije ne dɔ síjeḛ el Mbata jeḛ j’oso ya Nɛ j’a kḭje ta ɓəi. Ɓó lé j’isi dan loondul’g kara Njesigənea̰ a to lookàr lə sí ɓəi.

Habakuk 3:17

Mbata kag-kodé a pudu el ləm, Kag-nduú kara ka̰dee a godo ləm, Kandə kag-koiyo a godo ləma, D’a kiŋga nésɔje gə́ mee ndɔje’g el ləm tɔ. Badje d’a godo loo-kaar dee’g ləm, Maŋgje kara a koo dee loo-sɔ-né’g lə dee el ləm tɔ.

Tagə́maji gə́ Ja̰ ndang 15:20

Arje meḛ sí olé dɔ ta gə́ ma m’ula sí’g lé: Kura lé a kur dɔ ɓéeje’g el. Ɓó lé deḛ d’ula kəm-ma ndòo ndá d’a kula kəm sí-seḭ ndòo tɔ, ɓó lé d’aa dɔ ta ləm kər-kər ndá d’a kaa dɔ ta lə sí-seḭ kər-kər tɔ.

Njé gə́ Rɔmə 8:35

Meenoji lə Kristi gə́ kúla kum sí səa na̰’d lé see na̰ ɓa gə́ njega̰gee wa. See némeeko̰, əsé néurti, əsé nékəmndoo, əsé ɓoo, əsé kaw kudu dum, əsé néyooje gə́ d’aḭ dɔ sí sub, əsé kiambas, see néje gə́ togə́bè ɓa d’askəm gaŋg kúla meenoji lé wa.

2 Njé gə́ Kɔrḭtə 7:6

Nɛ Ala gə́ njegɔl meḛ deḛ gə́ rɔ dee wəi njururu lé yeḛ nja ɓa ar Titə teḛ dɔ sí’g gɔl ne meḛ sí,

2 Timote 3:12

Tɔgərɔ ya, dəwje lai gə́ ndigi ra ɓee gin Kristi’g təd ne kag Ala ndá d’a kula kəm dee ndòo ya.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.