2 Njé gə́ Kɔrḭtə 4:8 - Maktub gə́ To gə Kəmee

⁸ Néje ɓəd-ɓəd gə́ ra sí lé un kəi sí lad ya nɛ rəd ɓa rəd sí el, d’ar sí j’isi dan néurti’g nɛ meḛ sí ila kas bilim el,

2 Njé gə́ Kɔrḭtə 4:8 ပူးပေါင်းရင်းမြစ်များ

Pakɔsje 129:2

Un kudee loo gə́ m’nai basa ya ɓəi lé D’ulam ndubu lé d’aree asm ya Nɛ dum ɓa deḛ dum dɔm el.

Pakɔsje 37:33

Njesigənea̰ lé Ubá yá̰ ji njemeeyèr’g el ləm, Loo gə́ yeḛ aar loo-gaŋg-rəwta’g kara Yeḛ ila ta dəa’g el ləm tɔ.

Gosota-Kəmkàrje 14:26

Yeḛ gə́ ɓəl Njesigənea̰ lé Iŋga né gəd rəa gə́ to njaŋg, Ŋganeeje d’iŋga njo̰loo-kula-dɔ dee keneŋ tɔ.

Gosota-Kəmkàrje 18:10

Ri Njesigənea̰ lé to gad-kəi-kaar-kɔgərɔ, Njemeekarabasur aḭ iya rəa keneŋ si ne gə meekulɔm.

Esai 40:31

Nɛ deḛ gə́ d’ɔm meḛ dee dɔ Njesigənea̰’g lé Siŋga dee ḭ dɔ maree’d gə́ kédé-kédé. Deḛ nar to gə́ niŋgatə̰də bèe ləm, Deḛ d’aiŋgwɔd nɛ rɔ dee as dee el ləma, Deḛ njaa kara dao el ləm tɔ.

Habakuk 3:17

Mbata kag-kodé a pudu el ləm, Kag-nduú kara ka̰dee a godo ləm, Kandə kag-koiyo a godo ləma, D’a kiŋga nésɔje gə́ mee ndɔje’g el ləm tɔ. Badje d’a godo loo-kaar dee’g ləm, Maŋgje kara a koo dee loo-sɔ-né’g lə dee el ləm tɔ.

Tagə́maji gə́ Ja̰ ndang 14:18

M’a kya̰ sí to gə́ ŋganalje bèe el, nɛ m’a tel ree rɔ sí’g ɓəi.

1 Njé gə́ Kɔrḭtə 10:13

Né gə́ rara ɓa gə́ naa sí lé naa gar síje togə́bè tɔ, ɓó al dɔ siŋga dee el. Ala lé to njemeenda londoŋ ndá yeḛ a kya̰ né gə́ naa sí karee al dɔ siŋga sí el nɛ yeḛ nja a kar sí siŋga sí ləm, yeḛ a ra rəw kar sí dumje ne dɔ né gə́ naa sí lé tɔ.

2 Njé gə́ Kɔrḭtə 12:10

Gelee gə́ nee ɓa, m’isi gə məəm gə́ kulɔm dan rəm’g lé ləm, gə dan tajikil gə́ deḛ tajim ləm, gə dan némeeko̰ gə́ ram’g lé ləm, gə dan kəm gə́ deḛ d’ula ndòo’g ləma, gə dan néyooje gə́ d’aḭ dɔm sub ləm tɔ, yee ɓa to néram gə mba Kristi, mbata loo gə́ m’isi loo rəm’g lé kara yen ɓa, ma m’tel m’to ne njesiŋgamoŋ ya.

2 Njé gə́ Kɔrḭtə 6:12

Jeḛ lé meḛ sí to tag gə mba kwa sí gə́ rɔ sí’g nɛ seḭ lé meḛ sí-seḭ ɓa udu dɔ síjeḛ’g.

2 Njé gə́ Kɔrḭtə 6:4

Nɛ jeḛ n’ra néje ɓəd-ɓəd gə mba kar dəwje gər sí ne gə́ kuraje lə Ala. J’ila meḛ sí po̰-po̰ dan némeeko̰’g ləm, gə dan né gə́ riŋga sí’g ləma, gə dan néurti’g ləm tɔ.

2 Njé gə́ Kɔrḭtə 7:5

Tɔgərɔ ya, un kudee mee ndəa gə́ jeḛ n’teḛ Masedoinə lé j’oo loo kwa rɔ sí ndɔ kára kara el. Néje ɓəd-ɓəd ɔs kaar sí: rɔ to né gə́ raga ləm, ɓəl to né gə́ meḛ sí’g ləm tɔ.

Njé gə́ Galati 4:20

Ma m’ndiŋga rɔm mba si mbuna sí’g ɓasinè ɓó gə tel gə ndum lemsé mbata kaarm to kəgəgə mbata lə sí ya.

1 Samel 28:15

Samel dəji Sawul pana: See gelee ban ɓa i jɔgm am m’unda loo m’teḛ wa. Sawul ilá keneŋ pana: M’isi dan boo-néurti’g. Pilistije ree rɔ səm ndá Ala ɔr rəa rɔm’g. Yeḛ ilam ta gə́ gə ndu njéteggintaje el ləm, gə nije el ləm tɔ. Yee gə́ bèe ɓa m’ɓari ne mba kari am m’gər ne né gə́ kəm ra ya.

1 Samel 30:6

Dabid si dan boo-néurti’g mbata d’wɔji-kwɔji tilá gə kɔri-ər. Meḛ njérɔje lai adə dee mbag-mbag, nana kara mbata ŋganeeje gə́ diŋgam gə njé gə́ dené tɔ. Nɛ Dabid wa mée kɔgərɔ, gəd ne rəa rɔ Njesigənea̰, Ala’g lé ləa.

1 Samel 31:4

Yen ŋga Sawul ula njekodo nérɔje ləa pana: Ɔr kiambas ləi ɔsm ne tɔlm nà njépole-magəje d’a ree kula sul dɔm’g. Nɛ njekodo nérɔje ləa lé mbad kɔḭ mbata ɓəl undá badə gaŋgee. Ndá Sawul ya ɔr kiambas ləa mbad rəa piriŋ oso dɔ’g.