2 Njé gə́ Kɔrḭtə 4:16 - Maktub gə́ To gə Kəmee

¹⁶ Gelee gə́ nee ɓa meḛ sí ila ne kas el. Ɓó lé dakasrɔ sí gə́ raga ya̰ maree yag-yag ndá kara rɔ sí gə́ kəi lé ɔs udu kəm rɔ sí’g red-red gə ndəa-ndəa.

2 Njé gə́ Kɔrḭtə 4:16 ပူးပေါင်းရင်းမြစ်များ

Pakɔsje 119:81

M’ndiŋga rɔm gə mba teḛ dɔ kaji’g ləi ləm, M’unda məəm yel gə́ dɔ ndukun’g ləi lé ya ləm tɔ.

Pakɔsje 27:13

Wai, ma m’gər gao, M’a koo meemaji lə Njesigənea̰ dɔ naŋg’d lə njésikəmbaje lé. Ɓó lé m’gər bèe el ndá See m’a ra ban wa.

Pakɔsje 51:10

Maji kari ulam ta kalrɔ gə ta rɔlel Ndá siŋgarɔmje gə́ i guru lé d’a kɔs na̰’d.

Pakɔsje 73:26

Dakasrɔm gə ɓəŋgərəm lé d’askəm tuji pugudu ya, Nɛ Ala a to biri mbal gə́ m’gəd rɔm dɔ’g ləm, Gə nédɔji ləm-ma ya saar-saar gə no̰ ləm tɔ.

Esai 40:29

Yeḛ gə́ dao lé Yeḛ aree siŋga ləm, Yeḛ gə́ oso rəb lé Yeḛ ar siŋgá ḭ dɔ maree’g ləm tɔ.

Esai 40:31

Nɛ deḛ gə́ d’ɔm meḛ dee dɔ Njesigənea̰’g lé Siŋga dee ḭ dɔ maree’d gə́ kédé-kédé. Deḛ nar to gə́ niŋgatə̰də bèe ləm, Deḛ d’aiŋgwɔd nɛ rɔ dee as dee el ləma, Deḛ njaa kara dao el ləm tɔ.

Jeremi 45:3

I pana: Meeko̰ nai dɔm’g! Mbata Njesigənea̰ ila kəmtondoo dɔ néɓəŋgərəti’g ləm ləm, tuma̰ gə́ ma m’tuma̰ ŋgururu-ŋgururu lé sɔ siŋgam am m’iŋga loo-kwa-rɔm el.

Lugu 11:3

Ar sí muru j’o̰ as meḛ sí béréré gə ndɔ sí ndɔ sí ləm,

Njé gə́ Rɔmə 12:2

Ndaji kəm dəwje gə́ d’isi dɔ naŋg nee ɓasinè el, nɛ maji kar sí tel toje dəwje gə́ sigi gə goo takə̰ji gə́ sigi gə́ to meḛ sí’g, ɓó gə mba sí kar go̰je ne né gə́ mee Ala wɔji gə́ to maji gə mba ra ləm, gə a ta kəmee ləma, gə a to maji kɔr njal ləm tɔ.

Njé gə́ Rɔmə 7:22

Mbata məəm gə́ kəi lé m’ra rɔlel dɔ godndu Ala’g ya

1 Njé gə́ Kɔrḭtə 15:58

Togə́bè ɓa, ŋgakɔmje gə́ m’unda sí dan kəm’g lé aarje kenḛg njaŋg ɓó ləŋje el. Raje kula lə Mbaidɔmbaije gə ŋgaŋgee béréré-béréré mbata seḭ gərje gao, kula gə́ seḭ raje ulaje rɔ sí ndubu keneŋ arje Mbaidɔmbaije lé a tel to né gə́ gə mḭdé el.

2 Njé gə́ Kɔrḭtə 12:15

Ma lé m’a kḭ gə məəm mba tuji néje ləm gə mbata lə sí ləm, darɔm ya kara m’a tujee gə mbata lə kankəmrɔ sí ləm tɔ. Ɓó lé ma m’unda sí dan kəm’g yaa̰ bèe lé see yee nja a kar goo ndigi gə́ seḭ ndigimje lé a yɔr ne wa.

2 Njé gə́ Kɔrḭtə 4:1

Gelee gə́ neelé ɓa, jeḛ gə́ Ala ɔm kula neelé ji sí’g gə goo meekɔrjol ləa lé meḛ sí ila ne kas el.

Njé gə́ Epesə 3:16

mba kar Ndilee ar meḛ sí gə́ kəi to kɔgərɔ-kɔgərɔ gə goo boo-ronduba ləa gə́ tur dɔ loo ləm,

Njé gə́ Epesə 4:23

ɓó gə mba kar takə̰ji gə́ meḛ sí’g lé tel to ne sigi ləm,

Njé gə́ Kolosə 3:10

ndá dəw gə́ sigi ɓa seḭ ulaje rɔ sí’g ya. Dəw gə́ sigi lé négər ləa ḭ mbaḭ-mbaḭ gə́ kédé-kédé aree tel to tana gə njekṵdá.

Titə 3:5

ndá yeḛ aji sí ya, meekɔrjol ləa lé gə batɛm gə́ yeḛ sugu sí ne ɓa yeḛ oji sí ne sigi gə goo siŋgamoŋ lə Ndilmeenda

1 Piɛrə 3:4

nɛ saŋgje né gə́ ka̰ ma̰də gə́ meḛ sí’g gə́ ula rəa meḛ sí’g kəi njuma̰ gə́ wɔji dɔ meenda kɔr jol-jol ləm, gə kaw yururu ləm tɔ yee ɓa gə́ né gə́ gadee dum ndogo no̰ Ala’g ya.

1 Piɛrə 4:14

Ɓó lé d’a taji sí mbata ri Kristi gə́ seḭ unje ndá seḭ sije dan rɔlel’g ya, mbata Ndil Ala gə́ njḛdubarɔ lé nai sə sí ya.