2 Njé gə́ Kɔrḭtə 4:14 - Maktub gə́ To gə Kəmee

¹⁴ Jeḛ n’gər gao, yeḛ gə́ ar Mbaidɔmbaije Jeju unda loo teḛ dan njé gə́ d’wəi’g lé a kar sí n’teḛ gə Jeju na̰’d ya ləm, yeḛ a kar síjeḛ sə sí n’teḛje j’aarje na̰’d nea̰’g ya ləm tɔ.

2 Njé gə́ Kɔrḭtə 4:14 ပူးပေါင်းရင်းမြစ်များ

Esai 26:19

Maji kar njé’g ləi gə́ d’wəi lé tel d’isi kəmba, Maji kar nin dəwje ləm d’ḭ tar! Ndelje dɔ ɓi’g, alje rɔ sí gə rɔlel, Seḭ gə́ rogoje babur’g! Mbata mán-tàl ləi to mán-tàl Gə́ ka̰ kar dəw si ne kəmba ləm, Naŋg a teḛ gə ndil njé gə́ d’wəi lé Kar dee d’isi kəmba gogo ləm tɔ.

Lugu 21:36

Sije dɔkəji sí’g kəgəgə, raje tamaji lé ta-ta togə́bè ɓa loo gə́ néje neelé a teḛ ndá siŋga sí a kas gə mba kɔrje dɔ sí keneŋ ləm, seḭ a teḛ kaarje ne tar no̰ Ŋgon-dəw’g lé ləm tɔ.

Néra Njékaḭkulaje 2:24

Nɛ Ala nja aree unda loo teḛ dan njé gə́ d’wəi’g, aree ti kúla lə yoo rəa’g mbata yoo lé askəm kwá ga̰-ga̰ gə dɔrea el.

Néra Njékaḭkulaje 2:32

Yee ɓa to Jeju neelé gə́ Ala aree unda loo teḛ loo-yoo’g lé, jeḛ lai n’to gə́ njékɔrgootareeje ya.

Njé gə́ Rɔmə 8:11

Ɓó lé Ndil yeḛ gə́ njeteḛ gə Jeju Kristi dan njé gə́ d’wəi’g lé to meḛ sí’g ndá yeḛ gə́ njeteḛ gə Jeju Kristi dan njé gə́ d’wəi’g lé a kaji darɔ sí gə́ njekunda naŋg lé gə goo Ndilee gə́ ra ɓee meḛ sí’g ya.

1 Njé gə́ Kɔrḭtə 6:14

Ala gə́ njekar Mbaidɔmbaije unda loo teḛ dan njé gə́ d’wəi’g lé ɓa a kar síjeḛ kara j’unda ne loo teḛ bèe to gə goo siŋgamoŋ ləa.

2 Njé gə́ Kɔrḭtə 11:2

Mbata kəm əḭ dɔ sí’g gə kəmkəḭ ka̰ Ala. Ma m’ar sí taaje Kristi gə́ ŋgaw-kar gə mba kam m’teḛ sə sí rɔ Kristi asəna gə ŋgoma̰də gə́ rəa àr ŋgad-ŋgad gə́ gər ŋgaw el ɓəi.

Njé gə́ Epesə 5:27

mba kar Eglisə lé nduba ne rəa nea̰’g, kar rəa ila ɓal el ləm, ɔm kúla el ləma, a kya̰ maree el ləm tɔ, nɛ yee a kàr raŋg-raŋg ləm, né gə́ tḛ́-tḛ́ bèe kara a kuba rəa təb el ləm tɔ.

Njé gə́ Kolosə 1:22

mba kar sí teḛje aarje nea̰’g gə́ njémeendaje ləm, mba meḛ sí ila ɓal el ləma, mba kar ta kára kara wa dɔ sí’g el ləm tɔ.

Njé gə́ Kolosə 1:28

Yeḛ nja ɓa j’ula sí ta ləa ləm, jeḛ n’tɔg ne dəwje lai ləma, jeḛ ndoo ne dəwje lai gə kəmkàree ləm tɔ gə mba kar deḛ lai tel ne maji d’ɔr njoroŋ gin Kristi’g ɓa j’aw ne sə dee no̰ Ala’g ɓəi.

1 Njé gə́ Tesalonikə 4:14

Mbata ɓó lé j’ɔm meḛ sí dɔ kwəi gə́ Jeju wəi’g ləm, gə dɔ teḛ gə́ yeḛ unda loo teḛ dan njé gə́ d’wəi’g ləm tɔ ndá maji kar sí j’ɔm meḛ sí dɔ tel gə́ Ala a kar deḛ gə́ d’wəi gin Kristi’g lé d’a tel ree gə Jeju na̰’d tɔ.

Maktub gə́ Jak ula ne ar ngan-Allaje 5:15

Ndá tamaji gə́ d’a ra gə meekun lé njerɔko̰ a kaji ne ɓa Mbaidɔmbaije a kundá kuree tar, ɓó lé yeḛ ra nékaiyaje ndá a kiŋga mee-ti-mbidi lé tɔ.

Jude 1:24

Yeḛ gə́ askəm lam sí loo-koso gə́ rara kara ləm, gə́ askəm teḛ sə sí gə rɔ sí gə́ àr ŋgad-ŋgad kar sí aarje ne gə rɔlel dan rɔnduba’g ləa ləm tɔ lé