2 Njé gə́ Kɔrḭtə 4:10 - Maktub gə́ To gə Kəmee

¹⁰ Né yoo Jeju lé jeḛ n’taa rɔ sí’g bura gə ndɔ sí ndɔ sí mba kar darɔ sí ɓa riba ne dɔ kaw kəmba lə Jeju təsərə.

2 Njé gə́ Kɔrḭtə 4:10 ပူးပေါင်းရင်းမြစ်များ

Tagə́maji gə́ Ja̰ ndang 14:19

Waga ba bèe ndá dəwje gə́ dɔ naŋg nee d’a koom el ŋga, nɛ seḭ lé seḭ a koomje ya mbata m’isi kəmba ndá seḭ kara a sije kəmba ya tɔ.

Njé gə́ Rɔmə 6:5

Tɔgərɔ ya, ɓó lé j’ɔm səa na̰’d yəg loo-kwəi’g ləa ndá j’a kɔm səa na̰’d yəg loo-teḛ-dɔkumbwa’g ləa ləm tɔ.

Njé gə́ Rɔmə 6:8

Ɓó lé j’wəi gə Kristi na̰’d ndá jeḛ j’ɔm meḛ sí dəa’g j’oo to gə́ j’a si səa kəmba gə no̰ tɔ,

Njé gə́ Rɔmə 8:36

To gə́ deḛ ndaŋg mee maktub’g pana: To mbata ləi-i nja ɓa deḛ goré gwɔb sí dɔɓee’g saar kàr ur naŋg jig ləm, D’oo sí asəna gə badje gə́ twa dee d’aw sə dee gə́ loo-kinja-gwɔs dee’g bèe ləm tɔ.

2 Njé gə́ Kɔrḭtə 1:5

To gə́ némeeko̰ lə Kristi taa rɔ sí pəl-pəl lé né gə́ ka̰ gɔl meḛ sí kara ḭ rɔ Kristi’g gə mba gɔl sí ne tɔ.

2 Njé gə́ Kɔrḭtə 1:9

Meḛ síjeḛ’g lé j’oo rɔ sí gə́ ka̰ yoo ya doŋgɔ. Nɛ j’ɔm meḛ sí dɔ Ala’g yeḛ gə́ njekar dəwje d’unda loo teḛ loo-yoo’g lé ɓó j’ɔm meḛ sí dɔ rɔ sí’g el.

2 Njé gə́ Kɔrḭtə 13:4

Mbata deḛ ɗaree kaar kag’d loo rəm’g ləa ya nɛ mbɔl dɔ siŋgamoŋ lə Ala lé yeḛ si ne kəmba ɓasinè tɔ. Jeḛ gə́ j’ɔm səa na̰’d lé kara j’isi loo rəm’g to nɛ mbɔl dɔ siŋgamoŋ lə Ala lé ɓa j’a si ne səa kəmba gə mba ra ne kula ləa mbuna sí’g tɔ.

2 Njé gə́ Kɔrḭtə 4:11

Jeḛ gə́ j’isi kəmba lé d’ɔm sí ta yoo’g ta-ta mbata lə Jeju, darɔ sí gə́ njekunda naŋg lé ɓa kaw kəmba lə Jeju a to ne raga ndəgəsə.

Njé gə́ Galati 6:17

Un ginee ɓasinè lé maji kar dəw kára kara ula kəm-ma ndòo el ŋga mbata tor nduna doo lə Jeju lé to rɔm’g mba̰.

Njé gə́ Kolosə 1:24

Ɓasinè m’al rɔm wɔji dɔ nékəmndoo gə́ ram mbata lə sí. Néurti gə́ ra Kristi lé dɔgea̰ gə́ nai ɓa m’taa m’ɔm dɔm’g mbata lə Eglisə gə́ nai gə́ darɔ Kristi lé.

2 Timote 2:11

Ta neelé to kankəmta ya: Ɓó lé j’wəi səa ndá j’a si kəmba səa na̰’d tɔ,

1 Piɛrə 4:13

Ɓó lé seḭ ɔmje meḛ sí na̰’d sad gə Kristi loo meeko̰’g ləa ndá raje rɔlel mba kar loo gə́ yeḛ a nduba rəa gə́ raga lé dɔ rɔlel lə sí a kɔr ne njal ləm, seḭ a kalje ne rɔ sí səa na̰’d ləm tɔ.

1 Piɛrə 4:14

Ɓó lé d’a taji sí mbata ri Kristi gə́ seḭ unje ndá seḭ sije dan rɔlel’g ya, mbata Ndil Ala gə́ njḛdubarɔ lé nai sə sí ya.

Loo gə́ killa rea kəm Ja̰’g 1:17

Loo gə́ ma m’ée ndá m’oso naŋg gɔlee’g asəna gə dəw gə́ wəi bèe. yeḛ ila jikɔlee dɔm’g pana: Maji kam m’ɓəl el.