2 Njé gə́ Kɔrḭtə 3:9 - Maktub gə́ To gə Kəmee

⁹ Ɓó lé kula gə́ wɔji dɔ kila ta dɔ dee’g teḛ dan rɔnduba’g ndá see kula gə́ wɔji dɔ kɔr ta dɔ dee’g lé rɔnduba gə́ wɔji dəa lé a dum dɔ yeḛ gə́ kédé lé el wa.

2 Njé gə́ Kɔrḭtə 3:9 ပူးပေါင်းရင်းမြစ်များ

Esai 46:13

M’ar néra gə́ gə dɔ najee ləm ree M’aree to mbɔr sí’g dəb ɓó to əw el, Kaji ləm kara a tila gə́ tila el tɔ. M’a kar kaji to mee ɓee gə́ Sio̰’g ləm, M’a kar rɔnduba ləm ɔm dɔ Israɛlje’g ləm tɔ.

Jeremi 23:6

Mee ndɔje’g ləa lé Judaje d’a kaji ləm, Israɛlje d’a si lɔm loo-si dee’g ləm tɔ, Aa ooje, ria gə́ d’a ɓaree ne ɓa nee: Njesigənea̰ to njegin meekarabasur lə sí.

Njé gə́ Rɔmə 4:11

Abrakam un mée kédé ar Ala tɔr ndia dəa’g ɓa inja tamɔdee ɓəi. Kinja tamɔd lé to ne nétɔji gə́ wɔji dɔ meekun ləa gə́ Ala tura gə́ némeekarabasur ləa loo gə́ yeḛ inja tamɔdee el ɓəi. Togə́bè ɓa Abrakam lé to ne bɔ deḛ lai gə́ d’ɔm meḛ dee dɔ Ala’g aree tura meekun lə dee gə́ darɔ meekarabasur lə deḛ gə́ lal kinja tamɔd dee lé.

1 Njé gə́ Kɔrḭtə 1:30

Togə́bè ɓa Ala nja ɔm sí na̰’d gə Jeju Kristi, yeḛ gə́ Ala nja undá gə́ kəmkàr lə sí ləm, gə njekɔr ta dɔ sí no̰ Ala’g lé ləm, gə nékunda sí gə kəmee lə sí ləma, gə nékoga dɔ sí ləm tɔ,

1 Njé gə́ Kɔrḭtə 15:41

Rɔndɔḭ lə kàr to ɓəd ləm, rɔndɔḭ lə naḭ to ɓəd ləma, rɔndɔḭ lə kéréméje kara to ɓəd ləm tɔ. Kéréméje lé rɔndɔḭ lə dee to ɓəd-ɓəd ɓó d’asəna lai el tɔ.

2 Njé gə́ Kɔrḭtə 3:8

bèe ŋga see yeḛ gə́ ka̰ Ndil lé see rɔnduba gə́ wɔji dəa lé a kur dɔ yeḛ gə́ kédé’g el wa.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Njé gə́ Galati 3:10

Deḛ lai gə́ d’ula rɔ dee loo néra godndu’g lé ndɔl yoo nai dɔ dee’g ya, mbata deḛ ndaŋg taree pana: Nana ɓa gə́ aa dɔ néje lai gə́ deḛ ndaŋg mee maktub godndu’g lé kər-kər el ləm, lal ra née ləm tɔ ndá ndɔl yoo nai dəa’g ya.

Tel tura Godndu 27:26

Meeko̰ a koso dɔ dəw gə́ ar ta godndu neelé aw lée’g béréré el ləm, gə ra née el ləm tɔ. Ndá koso-dəwje lai d’a kila dee keneŋ pana: A to togə́bè ya!

Njé gə́ Pilibə 3:9

gə mba kɔm ne səa na̰’d sad ləm tɔ. Meekarabasur gə́ to ka̰ godndu lé ɓa m’nai ne gelee’g el nɛ meekarabasur gə́ to ka̰ meekun gin Kristi gə́ ḭ rɔ Ala’g lé yee ɓa ma m’isi ne gelee’g.

2 Piɛrə 1:1

Ma Simo̰ Piɛrə, kura lə Jeju Kristi ləm, gə njekaḭkula ləa ləm tɔ. Ma m’ndaŋg maktub nee m’ar deḛ gə́ mbɔl dɔ meekarabasur lə Ala lə sí gə ka̰ Mbaikaji Jeju Kristi lé to ne njéboameekunje lə sí ya.