2 Njé gə́ Kɔrḭtə 3:7 - Maktub gə́ To gə Kəmee

⁷ Ɓó lé kula gə́ ka̰ yoo gə́ Ala ndaŋg dɔ bəgərə mbalje’g lé teḛ dan rɔnduba’g ar Israɛlje d’askəm kun kəm dee kila dɔ Moyis’g el mbata rɔnduba gə́ ar dɔ kəmee ndogó wər-wər lé nɛ rɔnduba neelé tel sané pa ɓəi

2 Njé gə́ Kɔrḭtə 3:7 ပူးပေါင်းရင်းမြစ်များ

Gḭ-Néje 3:21

Njesigənea̰ Ala un ndar da ra gə́ kubu mbata Adam gə dené ləa ndá yeḛ ula rɔ dee’g tɔ.

Nehemi 9:13

I risi ur dɔ mbal’d gə́ Sinai Ndá i ula dee ta gə ndui gə́ ḭ mee dara gə́ tar, Tɔɓəi i ar dee ndukunje gə́ danasur ləm, Gə godnduje gə́ to kankəmta ləm, Gə tornduje ləma, gə godnduje gə́ maji dum ləm tɔ.

Pakɔsje 119:174

Ǝi Njesigənea̰, ma lé mal kiŋga kaji ləi ram ŋgwɔd-ŋgwɔd, Godndui lé m’aree to gə́ nérɔlel ləm.

Pakɔsje 119:97

Ǝi, ma lé m’unda godndui dan kəm’g dana bab! To né gə́ m’la̰ji toree məəm’g ndɔje kára-kára lai

Teḛ-Raga 24:12

Njesigənea̰ ula Moyis pana: Al gə́ rɔm’g dɔ mbal’g neelé ndá sí keneŋ nee, m’a gə kari bəgərə mbalje, loo gə́ ma m’ndaŋg godndumje gə torndumje keneŋ mba kari ndoo dee lé.

Teḛ-Raga 31:18

Loo gə́ Njesigənea̰ tɔl ta ta gə́ yeḛ ula Moyis dɔ mbal’g gə́ Sinai lé bém ndá yeḛ aree bəgərə mbalje gə́ joo gə́ to ka̰ kɔrgoota lé, to bəgərə mbalje gə́ Ala ndaŋg ta keneŋ gə ŋgaw jia-yeḛ nja.

Teḛ-Raga 32:19

Loo gə́ yeḛ ree mbɔr loo-si dee’g dəb ndá yeḛ oo néndaji ŋgon maŋg lé ləm, gə njḛ́dam kal ne rɔ deeje lé ləm tɔ. Oŋg lə Moyis ḭ səa jugugu aree ula bəgərə mbalje gə́ to jia’g lé saar ɔm dee ar dee təd njigi-njigi mbɔr mbal’g lé tɔ.

Teḛ-Raga 34:1

Njesigənea̰ ula Moyis pana: I nja gə́ tɔl bəgərə mbalje joo asəna gə njé gə́ kédé lé ndá ta gə́ to bəgərə mbalje gə́ i təd njigi-njigi kédé lé m’a tel ndaŋg gogo ɓəi.

Néra Njékaḭkulaje 6:15

Dəwje lai gə́ d’isi loo-gaŋg-rəwta’g lə Jibje lé loo gə́ d’orè kəm dee dɔ Etien’g sḭ ndá d’oo kəmee to jəgəgə to gə́ ka̰ dəw gə́ dara bèe.

Njé gə́ Rɔmə 10:4

Kristi ɓa gə́ rudu godndu mba kɔr ne ta dɔ deḛ gə́ d’ɔm meḛ dee dəa’g ya.

Njé gə́ Rɔmə 4:15

Mbata godndu lé ɔs gel oŋg lə Ala, tɔɓəi loo gə́ godndu godo keneŋ ndá kalta kara godo keneŋ tɔ.

Njé gə́ Rɔmə 5:20

Godndu Moyis lé ree gə mba kila kalta gə́ raga kɔd, nɛ loo gə́ kaiya kila rəa keneŋ ndá noji ɓa turu dəa pubug

Njé gə́ Rɔmə 7:10

Togə́bè ɓa godndu gə́ a gə kar dəw ur loo gə́ a gə si gə kəmə lé keneŋ ndá ɔrm ilam ta yoo’g ɓa.

Njé gə́ Rɔmə 7:22

Mbata məəm gə́ kəi lé m’ra rɔlel dɔ godndu Ala’g ya

Njé gə́ Rɔmə 7:5

Tɔgərɔ ya, loo gə́ jeḛ nai gin darɔ’g ɓəi lé ndá mal ra kaiya gə́ godndu kila gel dee lé taa rɔ sí yéŋgé-yéŋgé ar sí j’andə ne gə kandə sí gə́ ka̰ yoo ya tɔ.

1 Njé gə́ Kɔrḭtə 13:10

Loo gə́ né gə́ maji ɔr njoroŋ lé a teḛ ndá né gə́ maji puduru neelé a kɔs bo̰-bo̰.

2 Njé gə́ Kɔrḭtə 3:3

Tɔgərɔ ya, seḭ toje asəna gə maktub kɔrginrɔ sí gə́ ḭ rɔ Kristi’g gə goo kula gə́ jeḛ n’ra mbuna sí’g. Ta gə́ ndaŋg keneŋ lé jeḛ ndaŋg gə manee kari ba el nɛ Ndil Ala gə́ njesikəmba lé yeḛ nja ɓa gə́ njḛda̰gee ləm, to ta gə́ ndaŋg bəgərə mbal’g el, nɛ seḭ dəwje lé dɔɓəŋgərə sí ɓa gə́ loo ndaŋgee ya ləm tɔ.

2 Njé gə́ Kɔrḭtə 3:6

Yeḛ nja ar sí siŋga sí tel sí ne gə́ njékɔrgoo manrɔ gə́ sigije lé yeḛ gə́ to ka̰ Ndil ɓó yeḛ gə́ deḛ ndaŋg gə́ ndaŋg el. Mbata yeḛ gə́ ndaŋg gə́ ndaŋg lé ɓa gə́ yoo, nɛ yeḛ gə́ ka̰ Ndil ɓa gə́ njekula kəmə meḛ sí’g.

2 Njé gə́ Kɔrḭtə 3:8

bèe ŋga see yeḛ gə́ ka̰ Ndil lé see rɔnduba gə́ wɔji dəa lé a kur dɔ yeḛ gə́ kédé’g el wa.

Njé gə́ Galati 3:10

Deḛ lai gə́ d’ula rɔ dee loo néra godndu’g lé ndɔl yoo nai dɔ dee’g ya, mbata deḛ ndaŋg taree pana: Nana ɓa gə́ aa dɔ néje lai gə́ deḛ ndaŋg mee maktub godndu’g lé kər-kər el ləm, lal ra née ləm tɔ ndá ndɔl yoo nai dəa’g ya.

Njé gə́ Galati 3:21

See godndu lé to gə mba kɔs ne ndukun lə Ala rəw wa. Wah! bèe el. Ɓó lé godndu kára to gən gə́ askəm kula kəmə meḛ dəwje’g ndá dəwje lé d’a si gə́ njémeekarabasurje gin godndu’g lé ya.

Tel tura Godndu 4:13

Yeḛ riba se sí dɔ manrɔ ləa gə́ yeḛ un ndia dɔ’g mba kar sí aaje dəa kər-kər, to godnduje gə́ dɔg gə́ yeḛ ndaŋg dee dɔ bəgrə-mbalje gə́ joo lé.

Tel tura Godndu 4:8

Esé see ginkoji dəwje gə́ boo gə́ ra ɓa d’aw gə godnduje gə ndukunje gə́ gəd-gəd to gə́ godnduje nee lai gə́ ma m’unda no̰ sí’g ɓogənè lé wa.

Tel tura Godndu 5:22

Yee gə́ nee ɓa gə́ ta gə́ Njesigənea̰ pa gə ndia gə́ tar wəl dɔ mbal’g, dan pər’d gə dan mum’g ləm, gə dan loo gə́ dəb bigim’g ləm tɔ, yee ɓa gə́ ta gə́ yeḛ ula sí lai loo-mbo̰-dɔ-na̰’g lə sí lal kila ta gə́ raŋg dɔ’g. Yeḛ ndaŋg dee dɔ bəgərə mbal’d gə́ joo lé am tɔ.

Tel tura Godndu 9:15

M’ḭ dɔ mbal’d gə́ pər o̰ keneŋ bilim-bilim gə bəgərəjə gə́ ka̰ manrɔ joo gə́ to jimje’g joo tɔ lé m’ur ne naŋg.

Ǝbrəje 12:18

Seḭ lé seḭ rəmje pər gə́ mbal gə́ d’askəm kwa peb gə́ taa pər gəgəgə lé el ləm, əsé gə́ ndi gə́ ḭ goḭ-goḭ el ləm, əsé gə́ loo gə́ ndul njudu-njudu el ləma, əsé gə́ lel-boo gə́ ula mbḭ-mbḭ el ləm tɔ.

Ǝbrəje 3:3

Mbata rɔnduba gə́ d’ula dɔ Jeju’g lé ur dɔ ka̰ Moyis’g, to gə́ rɔnduba gə́ d’ula dɔ njekunda kəi’g lé ur dɔ ka̰ kəi nee gə́ yeḛ unda lé bèe.

Ǝbrəje 9:4

ndá loo-tuu-né gə́ ra gə larlɔr mba tuu ne néje gə́ ə̰də sululu dɔ’g to keneŋ ləm, sa̰duk-manrɔ gə́ d’ɔr giree lai gə larlɔr to keneŋ ləm tɔ. Jo gə́ léḛ gə larlɔr gə́ d’ɔm muru gə́ ḭ dara mée’g lé to mee sa̰duk’g ləm, kag-tɔs lə Aaro̰ gə́ idi to keneŋ ləma, bəgərə mbalje gə́ ndaŋg ta manrɔ dɔ’g to keneŋ ləm tɔ.