2 Njé gə́ Kɔrḭtə 3:17 - Maktub gə́ To gə Kəmee

¹⁷ Mbaidɔmbaije lé to gə́ Ndil, nɛ loo gə́ Ndil Mbaidɔmbaije si keneŋ ndá lé neelé to loo ti rɔ guu lə dəwje tɔ.

2 Njé gə́ Kɔrḭtə 3:17 ပူးပေါင်းရင်းမြစ်များ

Pakɔsje 51:12

Ǝi Ala, maji kari tel məəm aree ndá londoŋ Ɓó gə ar ndil gə́ ka̰ kisi lɔm to məəm’g.

Tagə́maji gə́ Ja̰ ndang 6:63

Ndil ɓa gə́ njekula kəmə meḛ dəwje’g ɓó dakasrɔ lé askəm ra né el. Taje gə́ ma m’ula sí lé to ta gə́ ka̰ ndil lé ləm, gə ka̰ kəmə lé ləm tɔ.

Tagə́maji gə́ Ja̰ ndang 8:32

Seḭ a gərje kankəmta ndá kankəmta lé a bɔr kúla dɔ sí’g mbɔji ya.

Njé gə́ Rɔmə 8:2

Tɔgərɔ ya, godndu ka̰ Ndil gə́ ka̰ kisi kəmba gin Jeju Kristi lé ɔr ta godndu gə́ ka̰ kaiya gə́ ka̰ yoo lé dɔm’g.

1 Njé gə́ Kɔrḭtə 15:45

Gelee gə́ nee ɓa deḛ ndaŋg mee maktub’g pana: Adam, dəw gə́ doŋgɔr lé tel to dəw gə́ si kəmba. Adam gə́ rudu lé tel to ndil gə́ njekula kəmə meḛ dəwje’g.

2 Njé gə́ Kɔrḭtə 3:18

Jeḛ lai gə́ kəm sí to jəgəgə ar sí n’tən ne rɔnduba lə Mbaidɔmbaije asəna gə dəw gə́ oo kəmee tatara’g bèe lé jeḛ n’tel n’tanaje ne səa pai-pai, n’tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g ya.

2 Njé gə́ Kɔrḭtə 3:6

Yeḛ nja ar sí siŋga sí tel sí ne gə́ njékɔrgoo manrɔ gə́ sigije lé yeḛ gə́ to ka̰ Ndil ɓó yeḛ gə́ deḛ ndaŋg gə́ ndaŋg el. Mbata yeḛ gə́ ndaŋg gə́ ndaŋg lé ɓa gə́ yoo, nɛ yeḛ gə́ ka̰ Ndil ɓa gə́ njekula kəmə meḛ sí’g.

Njé gə́ Galati 4:6

Ala nja ula Ndil Ŋgonee meḛ sí’g mbata jeḛ n’to ŋganeeje, yee ɓa yeḛ pa gə ndia wəl pana: Aba! Bɔm.

Njé gə́ Galati 5:1

Kristi ɔr sí dan ɓər’g mba kar sí j’isi gə́ ŋgankojije ya. Bèe ndá sije keneŋ njaŋg ɓó ar deeje tel d’ila sí pəgərə gin ɓər’g lé el ŋga.

Njé gə́ Galati 5:13

Ŋgakɔmje, deḛ ɓar sí loo ŋgonkoji’g, nɛ loo ŋgonkoji gə́ seḭ sije keneŋ lé maji kar sí raje goso keneŋ mba ra né gə́ ka̰ darɔ ɓa el. Nɛ waje noji gə na̰ mba toje ne kuraje lə na̰.

2 Timote 1:7

Mbata ndil gə́ Ala ar sí lé to ka̰ siŋgamoŋ ləm, to ka̰ meenoji ləma, to ka̰ kəmkàr ləm tɔ ɓó to ka̰ ɓəl el.