2 Njé gə́ Kɔrḭtə 3:16 - Maktub gə́ To gə Kəmee

¹⁶ Nɛ loo gə́ d’ɔs badm tel gə́ rɔ Mbaidɔmbaije’g ndá kubu nee ḭ bəl oso gə́ raŋg tɔ.

2 Njé gə́ Kɔrḭtə 3:16 ပူးပေါင်းရင်းမြစ်များ

Teḛ-Raga 34:34

Loo gə́ Moyis aw aar no̰ Njesigənea̰’g gə mba kulá ta ndá yeḛ wa kubu gə́ on ne kəmee lé ɔr saar yeḛ unda ne loo teḛ raga, tɔɓəi loo gə́ yeḛ teḛ raga mba̰ ndá yeḛ ula Israɛlje taje lai gə́ Ala un ne ndia aree lé tɔ.

Esai 25:7

Ndá dɔ mbal’g neelé yeḛ a tuji kubu-kwa-ndòo Gə́ o̰ kəm dəwje lai lé pugudu ləm, Gə pal-kubu gə́ ɔn dɔ ginkoji dəwje gə raŋg lai lé ləm tɔ.

Esai 29:18

Mee ndəa’g neelé njémbikuduje d’a koo ta Gə́ to mee maktub’g gə mbi dee ləm, Njékəmtɔje gə́ d’oo loo el lé D’a kunda ne loo mee loo gə́ ndul njudu-njudu’g teḛ ləm tɔ.

Esai 54:13

Ŋganije lai gə́ diŋgam lé D’a to njekwakila Njesigənea̰-je ləm, Némajije d’a daa na̰ rɔ ŋganije’g lé rib-rib ləm tɔ.

Jeremi 31:34

Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Nɔ̰-ndôo gə́ wɔji dɔ Jerusalem 3:40

Ar sí n’tenje goo rəw-kaw síje lai ləm, Gə n’tən deeje so-so ləm tɔ Ɓa n’telje gə́ rɔ Njesigənea̰’g ɓəi.

Njé gə́ Rɔmə 11:23

Deḛ gə́ yeḛ tuga dee lé kara ɓó lé deḛ d’wa gam rɔ dee dɔ meekɔsŋgwoḭ’g lə dee el ndá Ala a tel sə dee kɔdé kəm kagɓee kula dee keneŋ ɓəi. Mbata siŋgamoŋ lə Ala lé askəm kula dee keneŋ gogo ɓəi ya.

2 Njé gə́ Kɔrḭtə 3:15

Saar ɓogənè kara loo gə́ deḛ tura maktub lə Moyis lé kubu neelé ḭ dəb meḛ dee’g bigim tɔ.

Tel tura Godndu 30:10

loo gə́ seḭ a kilaje koji dɔ torndu Njesigənea̰ Ala’g lə sí gə mba kaaje ne dɔ godndiaje gə ndukunje lai gə́ ndaŋg mee maktub godndu’g neelé ləm, loo gə́ seḭ a telje reeje rɔ Njesigənea̰ Ala’g lə sí gə dɔɓəŋgərə sí bura gə rɔ sí bura ləm tɔ.

Tel tura Godndu 4:30

Dan nékəmndoo’g lə sí lé néje nee lai d’a ree dɔ sí’g. Togə́bè ɓa ndəa gə́ gogo ndá seḭ a telje gə́ rɔ Njesigənea̰ Ala’g lə sí ləm, seḭ a kooje ndia ləm tɔ,