2 Njé gə́ Kɔrḭtə 3:12 - Maktub gə́ To gə Kəmee

¹² Meḛ sí gə́ j’unda yel dəa’g lé jeḛ n’ti ne rɔ sí guu, jeḛ n’riba ne dəa wagəsa gə raga gə meendakaḭ.

2 Njé gə́ Kɔrḭtə 3:12 ပူးပေါင်းရင်းမြစ်များ

Tagə́maji gə́ Ja̰ ndang 10:24

Jibje kiri na̰ dəa’g yir dəjee pana: See ndɔ gə́ ra ɓa i a kar meḛ sí oso naŋg po̰ ɓəi ɓa ar meḛ sí to kəgəgə bèe wa. Ɓó lé i to gə́ Kristi lé nja ndá ula sí təsərə ar sí j’oo səi nà.

Tagə́maji gə́ Ja̰ ndang 16:25

Ta néje neelé ma m’ula sí gə gosota. Nɛ ndɔ gə́ m’a kula sí gə́ gosota el lé kàree a teḛ ndá ndəa neelé m’a riba sə sí dɔ Bɔ-dəwje lé pərəg ya.

Tagə́maji gə́ Ja̰ ndang 16:29

Njékwakiláje d’ilá keneŋ pana: Ɓasinè tapai to raga təsərə ya ɓó i ula sí ta gə goso el ŋga.

Néra Njékaḭkulaje 14:3

Lé bèe kara deḛ nai Ikɔnə ndɔ dee bula bəl ya ɓəi. Deḛ d’ɔr ne ta gə kəm ŋgondiŋgam nduna rɔ dee rɔ Mbaidɔmbaije’g. Yeḛ nja ɓa ɔr ne goo ta noji’g ləa ar dee ra ne némɔrije gə néje gə́ dumkoo gə ji dee.

Néra Njékaḭkulaje 4:13

Loo gə́ deḛ d’oo Piɛrə gə Ja̰ pata gə́ gəd ya ndá kaar dee-deḛ dəwje neelé wa dee paḭ mbata deḛ d’oo dee gə́ dəwje gə́ mḭdé ba gə́ d’aw loo-ndoo-né’g el, nɛ deḛ tel gər dee gə́ njéboalookawje lə Jeju tɔ.

Néra Njékaḭkulaje 9:27

Yen ŋga Barnabas undá aw səa no̰ njékaḭkulaje’g, ɔr sor loo teḛ gə́ Mbaidɔmbaije teḛ dɔ Sool’g rəbə ləm, gə ta gə́ yeḛ ulá ləma, gə loo ta gə́ yeḛ ɔr gə ri Jeju ar deḛ gə́ Damas gə kəm ŋgon diŋgam lé ləm tɔ.

Néra Njékaḭkulaje 9:29

Yeḛ pata ləm, gə maḭta gə Helenje ləm tɔ, nɛ deḛje neelé saŋg rəw gə mba karee udu tɔ.

1 Njé gə́ Kɔrḭtə 14:19

No̰ Eglisə’g lé m’aw gə ta gel mi gə mba ndoo dee gə kəmkàree, yee ɓa ma m’ndigi unda pa takɔji dəwje-dəwje kubu pur-pur gə́ tɔl-dɔg-loo-dɔg gə mḭdé ba.

2 Njé gə́ Kɔrḭtə 10:1

Ma Pool lé ma m’ra ndòo rɔ sí’g gə goo kaw yururu gə meemaji lə Kristi lé, ma lé loo gə́ m’isi mbuna sí’g ndá m’əḭ kəm sí’g el nɛ loo gə́ m’isi ŋgərəŋ ndá m’tɔg sí pir.

2 Njé gə́ Kɔrḭtə 3:11

Tɔgərɔ ya, ɓó lé yeḛ gə́ nai waga ba ɓa sané pa ɓəi teḛ dan rɔnduba’g nɛ ɓəd ɓa see yeḛ gə́ to njaŋg gə no̰ lé rɔnduba gə́ wɔji dəa lé a kur dəa’g el wa.

2 Njé gə́ Kɔrḭtə 4:13

To gə́ meekun lə sí to gə goo ka̰ yeḛ gə́ ndaŋg taree mee maktub gə́ to gə kəmee’g pana: M’ɔm məəm dɔi’g, yee ɓa m’pa ne gə mbəa. Jeḛ kara j’ɔm meḛ sí dəa’g, yee ɓa jeḛ m’pa ne gə mbəa tɔ.

2 Njé gə́ Kɔrḭtə 7:4

Ma m’ɔm məəm dɔ sí’g jəb-jəb m’ti ne rɔm guu dɔ sí’g. M’isi gə meekulɔm ləm, m’isi gə meendakaḭ dan némeekonje’g lai ləm tɔ.

Njé gə́ Pilibə 1:14

Kúla gə́ deḛ tɔm ne neelé ula diŋgam meḛ kawal ŋgakɔmje gə́ ka̰ Mbaidɔmbaije lé ar dee d’ila ne mber ta lə Ala gə kəm ŋgon diŋgam unda nje gə́ kédé ɓó d’ar kaar dee ndəb dɔ’g el.

Njé gə́ Pilibə 1:20

Tɔgərɔ ya ma m’wa məəm kɔgərɔ m’unda məəm yel mba kar néje gə́ ram lé a kam m’ra ne rɔkul el. M’wa diŋgam məəm’g ɓasinè to gə́ kédé mba kar darɔm gə́ kəm əsé yeḛ gə́ yoo kara m’a kula ne rɔnduba dɔ Kristi’g.

Njé gə́ Kolosə 4:4

Bèe ndá m’a koo loo riba ne dəa gə́ raga ləm, m’a koo ta gə́ kəm pa lé ləm tɔ.

1 Njé gə́ Tesalonikə 2:2

Seḭ gərje gao, to gə́ d’ila rɔkul dɔ sí’g d’ar rɔ sí ndiri ne njigi-njigi mee ɓee gə́ Pilibə nɛ jeḛ j’ɔm meḛ sí dɔ Ala’g, j’wa ne diŋgam meḛ sí’g mba kula sí ne tagə́maji lə Ala gə kəm ŋgon diŋgam dan néje gə́ d’ɔs kaar sí’g.

1 Timote 3:13

Mbata deḛ gə́ ra kula ra dee gə goo rəbee-rəbee lé d’a kiŋga ne riɓar ləm, d’a pata gə́ wɔji dɔ meekun lə dee gin Jeju Kristi’g lé gə kəm ŋgon diŋgam ləm tɔ.

Piləmɔ̰ 1:8

Gelee gə́ nee ɓa gin Kristi’g ɓa ma m’askəm kwɔjii ne né gə́ kəm ra ya