2 Njé gə́ Kɔrḭtə 3:1 - Maktub gə́ To gə Kəmee

¹ See jeḛ j’a tel pidi rɔ sí tɔɓəi wa. Esé see jeḛ j’aw ndòo maktub kɔrginrɔ sí ɓa mba kaw ne rɔ sí-seḭ’g ɓəi əsé mba kḭ ne rɔ sí-seḭ’g kaw ne raŋg ɓəi to gə́ njé gə́ raŋg bèe wa.

2 Njé gə́ Kɔrḭtə 3:1 ပူးပေါင်းရင်းမြစ်များ

Néra Njékaḭkulaje 18:27

To gə́ yeḛ wɔji-kwɔji kaw gə́ Akai ndá ŋgako̰ na̰je d’ula diŋgam mée’g tɔɓəi deḛ ndaŋg maktub d’aree gə mba karee aw ne ar njékwakiláje ɓó gə kar dee d’wá ne gə́ rɔ dee’g. Loo gə́ yeḛ teḛ keneŋ ndá yeḛ la sə dee-deḛ gə́ mbɔl dɔ noji gə́ Ala wa sə dee lé d’un ne meḛ dee.

Njé gə́ Rɔmə 16:1

Ma m’ndəji sí mba kar sí tɔsje kəm sí dɔ Poebé, kɔnan sí gə́ dené gə́ to kura lə Eglisə gə́ Sa̰kre,

1 Njé gə́ Kɔrḭtə 10:33

raje to gə́ ma kara m’ula rɔm ndubu gə mba ra dɔ néje’g lai gə mba taa ne kəm dəwje lai ɓó m’saŋg né gə́ wɔji dɔ maji ləm-ma gə karm el. M’saŋg né gə́ wɔji dɔ maji lə koso-dəwje bura mba kar dee d’aji ne.

1 Njé gə́ Kɔrḭtə 16:3

Loo gə́ m’a teḛ mba̰ ndá m’a kiŋga dəwje gə́ seḭ ɔr deeje lé m’a kula dee gə maktub ji dee’g mba kar dee d’odo nénojije lə sí lé d’aw ne Jerusalem.

1 Njé gə́ Kɔrḭtə 3:10

Mbɔl dɔ noji gə́ Ala wa səm ɓa ma m’tum ne gin kəi asəna gə gɔŋgé-tum-gin-kəi ɓa dəw gə́ raŋg rɔd maree dɔ’g ɓəi. Nɛ maji kar nana kara tɔs kəmee dɔ kəi gə́ rɔd dɔ maree’g tar.

1 Njé gə́ Kɔrḭtə 4:15

Mbata ɓó lé ɓée síje-je gin Kristi d’a kaḭ tɔl-dɔg-loo-dɔg ndá bɔ síje-je d’a kaḭ bula el mbata ma nja Tagə́maji ɓa m’oji sí ne gin Jeju Kristi’g.

2 Njé gə́ Kɔrḭtə 10:12

Tɔgərɔ ya, njé gə́ na̰je mbuna deḛ gə́ pidi rɔ dee mbuna sí’g lé jeḛ j’as koo rɔ sí as gə ka̰ dee-deḛ el ləm, j’as kwa néra sí kwɔji ne néra dee el ləm tɔ. Ɓó lé deḛ nja d’wa rɔ dee d’wɔji ne na̰ ndá kəmkàr na meḛ dee tas.

2 Njé gə́ Kɔrḭtə 10:18

Mbata yeḛ gə́ ɔs gaji kula rəa gə dɔrea lé d’a kée gə́ majikoji lé el, nɛ yeḛ gə́ Mbaidɔmbaije ɓa ɔs gaji kula rəa ɓa d’a kée gə́ majikoji ya.

2 Njé gə́ Kɔrḭtə 10:8

Ɓó lé m’ti rɔm bəl dɔ ndu gə́ Mbaidɔmbaije un am mba kar rɔ sí ɔs ne ar sí undaje ne siŋga sí dɔ maree’g ɓó mba tuji sí ne el ndá m’a ra né kəmkul el.

2 Njé gə́ Kɔrḭtə 12:11

Ma m’pa tapa dəw gə́ ndilee igee. Nɛ to seḭ nja gə́ ɔsmje ɓɔḭ-ɓɔḭ mba karm m’ra togə́bè. To ta lə sí gə mba pidim ya mbata ɓó lé ma m’to gə́ né el kara deḛ njékaḭkulaje gə́ to dəwje gə́ boo lé deḛ dum ma gə né kára kara el.

2 Njé gə́ Kɔrḭtə 12:19

Ləw ba saar ɓasinè, seḭ ə̰jije meḛ sí’g pajena: Jeḛ lé n’saŋg loo gə mba taa rɔ sí ɓa ji sí-seḭ’g. Jeḛ lé j’ɔm na̰’d gə Kristi ɓa jeḛ m’pata nee no̰ Ala’g ɓa. Seḭ gə́ m’unda sí dan kəm’g lé jeḛ m’pata néje neelé mba kunda ne siŋga sí dɔ maree’g.

2 Njé gə́ Kɔrḭtə 2:17

Mbata jeḛ lé jeḛ n’tel ta lə Ala j’ila gel asəna gə ka̰ dəwje gə́ raŋg gə́ ra togə́bè lé el. Nɛ jeḛ ndá ne meḛ sí kaḭ m’pa ne ta mbata lə Ala ləm, jeḛ j’ɔm na̰’d gə Kristi m’pa ne ta no̰ Ala’g ləm tɔ.

2 Njé gə́ Kɔrḭtə 5:12

Jeḛ lé jeḛ m’pidi rɔ sí rɔ sí-seḭ’g gɔl kára tɔɓəi el nɛ j’ya̰ loo j’ar sí gə mba kar sí tije rɔ sí dɔ sí’g. Bèe ɓa deḛ gə́ nduba rɔ dee d’wɔji ne dɔ néje gə́ to darɔ dəw gə́ raga ɓó néje gə́ to mee dəw gə́ kəi’g lé el ndá seḭ a kasjekəm kila deeje keneŋ ya.