2 Njé gə́ Kɔrḭtə 2:7 - Maktub gə́ To gə Kəmee

⁷ Bèe ndá ɓasinè lé maji kar sí arje meḛ sí oso lemsé dəa’g ləm, gɔlje mée ləm tɔ gə mba kar nékəmndoo lé turu dəa el.

2 Njé gə́ Kɔrḭtə 2:7 ပူးပေါင်းရင်းမြစ်များ

Pakɔsje 124:3

Deḛ tur sí kəmba mba̰ Loo gə́ oŋg ḭ sə dee pu dɔ sí’g lé.

Pakɔsje 21:9

Njéba̰je ləi lé i a kwa dee gə jii peb, Jikɔli kara a kiŋga deḛ lai gə́ d’ḛjii bəḭ-bəḭ tɔ.

Pakɔsje 57:3

Ma m’ra né gə ndum gə́ boi wəl M’ɓar ne Ala gə́ to Njekurdɔloo’g, M’ɓar ne Ala gə́ to njera né la ne səm.

Gosota-Kəmkàrje 1:12

Ar sí n’turu deeje kəmba ya Asəna gə ɓee lə njé gə́ d’wəi bèe ləma, Ar sí n’turu deeje bura Asəna gə deḛ gə́ d’ɔm dee mee bwa’g ləm tɔ.

Gosota-Kəmkàrje 17:22

Mee dəw gə́ lelee lé to kuma̰ gə́ maji mbata lə darəa, Nɛ rɔkwəi sululu lé sɔ siŋgarea tɔ.

Esai 28:7

Nɛ deḛ nja kara d’ai mán-nduú d’aw ne jogè-jogè ləm, Nékai gə́ mḭ ar dɔ dee tel ne wagəsa ləm tɔ, Njékinjanéməsje gə njéteggintaje d’aw jogè-jogè dan nékai gə́ mḭ’g ləm, Man-nduú taa rɔ dee pəl-pəl ləm tɔ. Nékai gə́ mḭ ar dɔ dee tel wagəsa ləm, Deḛ d’aw jogè-jogè loo gə́ deḛ tegginta ləm, Deḛ ləŋg dɔ gaŋg rəwta’g ləm tɔ.

1 Njé gə́ Kɔrḭtə 15:54

Loo gə́ rɔ sí gə́ yɔlé a kun yeḛ gə́ a gə yɔlé el kula rəa’g ləm, rɔ sí gə́ ka̰ naŋg nee a kun yeḛ gə́ a kwəi el kula rəa’g ləm tɔ ndá ta gə́ to mee maktub gə́ to gə kəmee neelé a kaw lée’g béréré ya: Siŋgamoŋ tur dɔ yoo pubug mba̰.

2 Njé gə́ Kɔrḭtə 2:8

Ma m’ra ndòo rɔ sí’g mba kar sí tel wáje gə́ rɔ sí’g ya.

2 Njé gə́ Kɔrḭtə 5:4

Mbata loo gə́ jeḛ naije kəi-surum’g ɓəi lé jeḛ j’wa mḭ n’tuma̰ keneŋ ŋgururu-ŋgururu asəna gə dəw gə́ odo nékodo gə́ wɔi bèe, mbata jeḛ ndiŋga rɔ sí mba bɔr dɔ sí yeḛ gə́ ləw’g mbɔji el nɛ mba kiŋga yeḛ gə́ sigi. Bèe ɓa rɔ sí gə́ a gə kunda naŋg lé kəmə gə́ sigi a ko̰ bia̰ dɔ’g réd kudu.

2 Njé gə́ Kɔrḭtə 7:10

Tɔgərɔ ya, nékəmndoo gə́ Ala nja wɔji ɓa ar dəw wa ne ndòo rəa dɔ kaiya’g ləa mba teḛ ne rəw-kaji’g, ɓó a tel kɔm rəd gogo el. Nɛ nékəmndoo gə́ ka̰ naŋg nee ɓa oji yoo.

Njé gə́ Epesə 4:32

Raje meemaji gə na̰ ləm, ooje kəmtondoo lə na̰ ləm tɔ. Maji kar sí arje meḛ sí oso lemsé dɔ na̰’g to gə́ Ala kara ar mée oso lemsé dɔ sí-seḭ gə́ ɔmje na̰’d gin Kristi’g lé tɔ.

Njé gə́ Pilibə 2:27

Tɔgərɔ ya, rɔko̰ oso dəa’g ar ta yée nai tebdé bèe, nɛ Ala oo kəmtondoo ləa gə karee el, yeḛ oo kama ya tɔ, mba kar némeeko̰ gə́ ram lé a kɔs dɔ maree-maree el.

Njé gə́ Kolosə 3:13

Ilaje meḛ sí po̰ dɔ na̰’g tɔɓəi ɓó lé ta oso mbuna sí’g ndá arje meḛ sí ti mbidi dɔ na̰’g tɔ. To gə́ Kristi ar mée ti mbidi dɔ sí’g lé seḭje kara raje gə na̰ togə́bè tɔ.

1 Njé gə́ Tesalonikə 4:13

Ŋgako̰ síje, ta gə́ wɔji dɔ dəwje gə́ toɓi lé jeḛ ndigi kar sí sije keneŋ dɔ mbə’g el, nà seḭ a kulaje ne rɔ sí ndòo gə dəwje gə́ raŋg na̰’d gə́ nékunda-mee-yel dɔ’g lə dee godo.

2 Njé gə́ Tesalonikə 3:6

Ŋgako̰ síje, jeḛ ndəji sí gə ri Mbaidɔmbaije lə sí Jeju Kristi mba kar sí saaje rɔ sí rɔ ŋgoko̰ sí gə́ rara kara gə́ gər kwa dɔ gɔl rəa el lé ləm, əsé gə njaa goo ta gə́ jeḛ ndoo sí lé el ləm tɔ.