2 Njé gə́ Kɔrḭtə 13:5 - Maktub gə́ To gə Kəmee

⁵ Tenje meḛ sí-seḭ nja gə mba koo, see seḭ síje gə meekun nja ɓəi wa. Urje meḛ sí seḭ nja ooje. See seḭ ooje to gə́ Jeju Kristi to meḛ sí’g lé el wa. Nà mbata banelə kur gə́ seḭ urje meḛ sí lé a tel kila ne boo-rɔkul dɔ sí’g.

2 Njé gə́ Kɔrḭtə 13:5 ပူးပေါင်းရင်းမြစ်များ

Pakɔsje 119:59

Ma lé m’ə̰ji dɔ rəw kabmje’g ndá M’tel m’ɔm ne gɔlm par gə́ dɔ tornduije’g ya.

Pakɔsje 17:3

Ɓó lé i naa meekuru ləm Esé tən néram loondul’g, Ɓó lé i aḭ məəm ndá I a kiŋga né gə́ raŋg kára keneŋ el, Takə̰ji ləm tɔ ɓəd gə ta gə́ teḛ tam’g el tɔ.

Pakɔsje 26:2

Njesigənea̰, maji kari ur məəm, Aḭ ne məəm oo ɓa, Maji kari naa məəm gə takə̰ji ləm To gə́ naa ne lar loo-kula-bṵda’g bèe tɔ.

Jeremi 6:30

Deḛ ɓar dee lar gə́ kəm kɔm kɔrɔ Mbata Njesigənea̰ mbad dee Ɔm dee kɔrɔ.

Nɔ̰-ndôo gə́ wɔji dɔ Jerusalem 3:40

Ar sí n’tenje goo rəw-kaw síje lai ləm, Gə n’tən deeje so-so ləm tɔ Ɓa n’telje gə́ rɔ Njesigənea̰’g ɓəi.

Ejekel 18:28

Ɓó lé kəmee inja dɔ rəa’g aree uba goo kaltaje ləa lai gə́ yeḛ al lé ya̰ ndá yeḛ a si kəmba ya ɓó a kwəi el.

Ajee 1:5

Ɓasinè Njesigənea̰ gə́ njeboo-néje pa togə́bè pana: Maji kar sí sije gèŋ ə̰jije ta dɔ néje gə́ sí ra sí lé ooje.

Ajee 1:7

Njesigənea̰ gə́ njeboo-néje pa togə́bè pana: Maji kar sí síje gèŋ ə̰jije ta dɔ néje gə́ sí ra sí lé ooje.

Tagə́maji gə́ Ja̰ ndang 14:23

Jeju ilá keneŋ pana: Dəw gə́ rara ɓa gə́ undam dan kəmee’g lé a kaa dɔ ta ləm kər-kər ya ndá Bɔm a kundá dan kəmee’g kar síjeḛ səa n’ree rəa’g j’uru kəi mée’g tɔ.

Tagə́maji gə́ Ja̰ ndang 15:4

Namje kaarm’g ndá ma kara m’a nai sə sí tɔ. To gə́ barkəm nduú gə́ nam kaar nduú’g el lé askəm kandə gə dɔrea el lé togə́bè ɓa seḭje kara ɓó lé seḭ namje kaarm’g el ndá seḭ asje kəm ka̰dje gə dɔrɔ sí el tɔ.

Tagə́maji gə́ Ja̰ ndang 17:23

Ma lé m’isi meḛ dee’g ləm, i kara si məəm’g ləm tɔ, yee ɓa d’a kɔm na̰’d kára ba téréré ya ndá njé gə́ naŋg nee lé d’a gər gao to gə́ i ɓa gə́ njekulam ləm, i unda dee dan kəmi’g to gə́ i undam-ma dan kəmi’g bèe ya ləm tɔ.

Tagə́maji gə́ Ja̰ ndang 17:26

Ma m’riba sə dee dɔ rii mba̰, nɛ m’a tel riba sə dee ya ɓəi to mba kar meenoji gə́ i undam ne dan kəmi’g lé a to meḛ dee’g ləm, ma kara m’a kɔm sə dee na̰’d téréré ya ləm tɔ.

Tagə́maji gə́ Ja̰ ndang 6:56

Yeḛ gə́ sɔ darɔm ləm, gə ai məsm lé ləm tɔ ndá yeḛ uru məəm’g ləm, ma kara m’uru mée’g ləm tɔ.

Tagə́maji gə́ Ja̰ ndang 6:6

Yeḛ pa togə́bè gə mba kaḭ ne mee Pilibə mbata yeḛ gər né gə́ yeḛ a gə ra lé gao.

Njé gə́ Rɔmə 1:28

To gə́ deḛ d’un ne kəm dee rəw dɔ gər Ala’g lé ndá yeḛ nja sula dee ne sɔgɔ dan néraje’g lə dee gə́ kərm-kərm’g gə mba kar dee ra néra gə́ ram lé ya.

Njé gə́ Rɔmə 8:10

Ɓó lé Kristi to meḛ sí’g ndá darɔ sí yḛ̀ a kwəi gə mba kaiya ya, nɛ ndil sí ɓa si gə kəmə lé gə mba meekarabasur lé tɔ.

1 Njé gə́ Kɔrḭtə 11:28

Bèe ndá maji kar dəwje kára-kára lai tən meḛ dee kédé ɓa d’a ko̰ muru ləm, gə d’a kai né mee ŋgo-kai-né’g ɓəi ləm tɔ,

1 Njé gə́ Kɔrḭtə 11:31

Ɓó lé jeḛ nani dɔ néra sí j’udu ne dəa ndá d’a kila ta dɔ sí’g el.

1 Njé gə́ Kɔrḭtə 3:16

Seḭ toje kəi-Ala, Ndil Ala si meḛ sí’g tɔ. See seḭ gərje bèe el wa.

1 Njé gə́ Kɔrḭtə 6:15

See seḭ gərje to gə́ darɔ sí lé to barkəm Kristi el wa. Bèe ŋga see m’a kwa dəb rɔ Kristi kára lé telee gə́ barkəm rɔ kaiya-dené ɓəi wa. Maji kar Ala ɔgm lée ya!

1 Njé gə́ Kɔrḭtə 6:19

See seḭ gərje to gə́ darɔ sí to kəi-si Ndilmeenda gə́ Ala nja aree ree sí keneŋ meḛ sí’g el wa. Bèe ndá seḭ toje dəw dɔ rɔ sí el.

1 Njé gə́ Kɔrḭtə 6:2

See seḭ gərje to gə́ deḛ gə́ to gə kəmee ɓa d’a gə gaŋg rəwta dɔ njé gə́ dɔ naŋg neelé el wa. Ɓó lé seḭ a gə gaŋgje rəwta dɔ njépole-magəje’g ndá see seḭ asjekəm gɔlje ŋgan taje gə́ togə́bè mbuna sí’g el wa.

1 Njé gə́ Kɔrḭtə 9:24

See seḭ gərje el wa. Deḛ gə́ ndum na̰ gə ŋgwɔd loo-naḭ’g lé d’aiŋgwɔd lai ya nɛ dəw gə́ dum mareeje ɓa a kiŋga née, see gərje bèe el wa. Bèe ndá maji kar sí aḭjḛgwɔd gə mba kiŋga ne néngwɔd lə sí.

1 Njé gə́ Kɔrḭtə 9:27

Ma lé m’ɔb rɔm kag m’wa rɔm gə́ ɓər, nà banelə loo gə́ m’ila mber m’ar dəwje gə́ raŋg ɓa dee lé d’a kundam ɓad.

2 Njé gə́ Kɔrḭtə 6:16

See kəi-Ala gə ka̰ magə-poleje yḛ̀, d’a kula dee na̰’d loo gə́ ra wa. Mbata jeḛ lé n’to kəi-Ala gə́ njesikəmba to gə́ Ala nja pa pana: N’a sí keneŋ ləm, n’a njaa mbuna dee’g ləm tɔ, N’a to Ala lə dee ləm, deḛ nja kara d’a to koso-dəwje lə neḛ ləm tɔ.

Njé gə́ Galati 2:20

Ma m’ɗar rɔm gə Kristi na̰’d, ɓó lé m’isi kəmba ndá kara to ma el ŋga, nɛ Kristi ɓa si kəmba məəm’g, ɓó lé m’isi kəmba gə darɔm ɓasinè ndá kara meekun gə́ m’un m’ar Ŋgon-Ala lé ɓa m’isi ne kəmba. Yeḛ nja ɓa undam dan kəmee’g, ya̰ rəa ar yoo mbata ləm tɔ.

Njé gə́ Galati 4:19

Ŋganəmje, koji gə́ ma m’oji sí lé ndée ulam ndubu gɔl kára tɔɓəi, a kulam ndubu saar Kristi a kula rəa meḛ sí’g ya.

Njé gə́ Galati 6:4

Maji kar nana kara tən kula rəa-yeḛ nja maji oo ɓa, yeḛ a koo loo mba pidi ne rəa gə karee ba, ɓó a pidi rəa kim ne maree el tɔ.

Njé gə́ Epesə 3:17

gə mba kar Kristi uru kəi meḛ sí’g gə goo meekun lə sí ləm tɔ. Bèe ɓa seḭ a kɔmje jam sí dan meenoji’g

Njé gə́ Kolosə 1:23

Nɛ kar sí-seḭ naije dan meekun’g lə sí njaŋg, lal yəje rɔ sí keneŋ ləm, meekundayel gə́ wɔji dɔ Tagə́maji gə́ seḭ ooje mba̰ lé seḭ a tɔje pum kubaje kya̰je el ləm tɔ lé yee ɓa gə́ kuma̰. Tagə́maji neelé d’ila mberee d’ar nékundaje lə Ala lai gə́ d’isi gin dara’g d’oo ya ləm, ma Pool kara d’undam gə́ njekɔrgoo gée ya ləm tɔ.

Njé gə́ Kolosə 1:27

Ndərta nee gə́ to loo-kiya’g gə́ to ta gə́ maji dum gə́ Ala nja ndigi kar njépole-magəje d’oo lé ɓa nee: Kristi gə́ to meḛ sí’g lé yeḛ nja gə́ njegin rɔnduba gə́ seḭ undaje meḛ sí yel gə́ dɔ’g.

Njé gə́ Kolosə 2:19

Deḛ d’ɔm na̰’d gə dɔ dəw lé el. Mbɔl dɔ dɔ dəw lé ɓa dɔ-kuru-rəa kuna ne gə darəa na̰’d, ar darəa ḭ ne dɔ maree’g gə́ kédé-kédé gə goo rəw gə́ Ala ɓa wɔji.

Njé gə́ Kolosə 2:7

Ulaje ŋgira sí naŋg rəa’g kiŋ-kiŋ, ɓa meekun lə sí a ɓəbərə ne dɔ’g kaw-kaw ɓəi gə goo ta gə́ deḛ ndoo sí ləm, arje ta ra Ala oiyo oji ne na̰ ta sí’g dḛ̀gé-dḛ̀gé ləm tɔ.

1 Timote 2:15

Lé kalta nai dəa’g ɓəi kara ɓó lé yeḛ aw yururu ai mée sam-sam dɔ meekun’g ləm, gə dɔ meenoji’g ləma, gə dɔ meenda’g lé ləm tɔ ndá a kaji ne loo koji ŋganeeje’g ya.

2 Timote 3:8

To gə́ Janes gə Jambres d’ɔs ta lə Moyis rəw lé deḛ kara d’ɔs kankəmta rəw d’aar ne ŋgəd-ŋgəd tɔ. Takə̰ji lə dee to ta gə́ yèr ləm, meekun lə dee ɓa lé naa kara a kwa loo wodolo ləm tɔ.

Titə 1:13

Ta nee gə́ yeḛ ɔr lé to gə́ kankəmta ya. Bèe ndá maji kari pa sə dee ta gə́ nuŋga so mba kar meekun lə dee inja ne paw ləm,

Titə 1:16

Deḛ pa gə ta dee pana: Neḛ n’gərje Ala, nɛ néra dee ɓa deḛ d’unda ne wal gaŋg. Deḛ to né gə́ to kḛji ləm, gə njékɔs ta rəwje ləma, néra gə́ maji kára kara d’askəm ra el ləm tɔ.

Titə 2:2

Maji kar tɔg-dəwje d’isi lɔm ləm, d’ai meḛ dee sam-sam ləma, d’a tɔ meḛ dee ga̰-ga̰ ləm tɔ. Maji kar dee to bao-meekunje ləm, gə bao-meenojije ləma, gə bao-meekilaje ləm tɔ.

Ǝbrəje 12:15

Undaje kəmkàr dɔ rɔ sí’g mba kar dəw kára kara mbuna sí’g lal kiŋga noji lə Ala el, mba kar ŋgira meekad uba meḛ sí’g jugugu-jugugu el tɔ, nà dəwje d’a kaw ne pum-pum kunda ne mar deeje bula rəw tuji’g.

Ǝbrəje 4:1

Ndukun gə́ d’un d’ar sí pana: J’a kaw loo-kwa-rɔ’g lé to njaŋg ɓəi. Bèe ndá maji kar sí ɓəlje ne mba kar dəw kára mbuna sí’g a kwa toree el.

Ǝbrəje 6:8

Nɛ ɓó lé naŋg a kinja gə kun əsé kiro ndá yeḛ a rəm gə ndia dəa’g mba manee ne ləm, a to gə́ né gə́ ka̰ roo ləm tɔ.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.

1 Piɛrə 5:9

Oseeje rəw, aarje dɔ gɔl sí’g njaŋg dɔ meekun’g lə sí mbata seḭ gərje gao, némeeko̰ gə́ ra sí lé ra ŋgako̰ síje gə́ sané na̰ dɔ naŋg neelé togə́bè ya tɔ.

Loo gə́ killa rea kəm Ja̰’g 2:5

Bèe ndá maji kari ar məəi olé dɔ loo gə́ i ḭ keneŋ oso lé ɓa ɔs badm tel dɔ nérai gə́ kédé lé, ɓó lé bèe el ndá m’a ree kiŋgai kɔr ne kag pərndɔ ləi gə́ gogo. Ɓó lé i a kəw el ndá m’a ra bèe ya.