2 Njé gə́ Kɔrḭtə 12:6 - Maktub gə́ To gə Kəmee

⁶ Ɓó lé ma m’ndigi ti rɔm ndá m’a to asəna gə dəw gə́ ndilee igee lé el mbata m’a pa kankəmta. Nɛ ma m’ɔg rɔm dɔ’g mba kar dəw kára kara oom gə́ dəw gə́ boo ur dɔ né gə́ yeḛ oo rɔm’g əsé ta gə́ yeḛ oo wɔji ne dɔm’g lé el.

2 Njé gə́ Kɔrḭtə 12:6 ပူးပေါင်းရင်းမြစ်များ

Maktub gə́ wɔji dɔ Jɔb 24:25

Ɓó lé to togə́bè el ndá see na̰ ɓa a maḭ səm wa. See na̰ ɓa a tel ta ləm karee to ta gə́ kari ba wa.

Njé gə́ Rɔmə 9:1

Ma gə́ m’to ka̰ Kristi lé kankəmta ɓa m’ula sí ɓó gə́ taŋgɔm ɓa m’ula sí el. Ndilmeenda ɓa oso gelm’g am m’oo ne tapam gə́ ta gə́ tɔgərɔ ya.

1 Njé gə́ Kɔrḭtə 3:5

See Apolɔs ɓa gə́ na̰ ɓəi wa. Esé see Pool ɓa gə́ na̰ ɓəi wa. Deḛ joo bɔr to kuraje lə Mbaidɔmbaije gə goo rəw gə́ yeḛ nja ɔr dee ne. Mbɔl dɔ dee-deḛ nja ɓa seḭ ɔmje ne meḛ sí dəa’g.

2 Njé gə́ Kɔrḭtə 1:18

To gə́ Ala lé to mbai-dəw tɔgərɔ ya ɓó loo maḭyee godo lé ta gə́ jeḛ j’ula sí kara to gə́ ta kula sí na̰’d el.

2 Njé gə́ Kɔrḭtə 11:16

Ma m’pa gɔl kára tɔɓəi, maji kar dəw kára kara oom gə́ mbə-dəw el. Esé maji kar sí wamje gə́ rɔ sí’g asəna gə mbə-dəw mba karm-ma nja m’ti rɔm bəl tɔ ŋga ɓa.

2 Njé gə́ Kɔrḭtə 11:31

Ala gə́ to Bɔ Mbaidɔmbaije Jeju ləm, gə́ to njedɔkaisəgərə gə ləbee-ləbee gə no̰ ləm tɔ lé yeḛ nja gər gao to gə́ ma m’pata ŋgɔm el.

2 Njé gə́ Kɔrḭtə 12:11

Ma m’pa tapa dəw gə́ ndilee igee. Nɛ to seḭ nja gə́ ɔsmje ɓɔḭ-ɓɔḭ mba karm m’ra togə́bè. To ta lə sí gə mba pidim ya mbata ɓó lé ma m’to gə́ né el kara deḛ njékaḭkulaje gə́ to dəwje gə́ boo lé deḛ dum ma gə né kára kara el.

2 Njé gə́ Kɔrḭtə 12:7

Tɔɓəi gə mba kam m’beelé m’ti ne rɔm mbata lə néje gə́ dumkoo gə́ to loo-kiya’g gə́ deḛ riba dɔ dee’g d’am m’oo lé el ndá d’ar kun ɔs ne dakasrɔm, yee ɓa to njekula lə Njekurai gə a gə kɔsm ta-ta mba kɔgm ne loo ti ne rɔm mugugu-mugugu ya.

2 Njé gə́ Kɔrḭtə 5:13

Tɔgərɔ ya, ɓó lé dɔm tel wagəsa ndá Ala ɓa m’ra gə mbəa. Ɓó lé dɔm tel to lɔm ndá to lɔm mbata lə sí tɔ.

2 Njé gə́ Kɔrḭtə 7:14

Ɓó lé m’ti rɔm lam dɔ sí’g nea̰’g ndá m’tel m’ra kəm kul dɔ’g el, mbata to gə́ ta gə́ jeḛ j’ula sí ta-ta to kankəmta lé ta gə́ jeḛ n’ti ne rɔ sí dɔ sí’g kəm Titə’g kara to gə́ kankəmta tɔ.