2 Njé gə́ Kɔrḭtə 12:4 - Maktub gə́ To gə Kəmee

⁴ Ma nja m’gər gao, né unee ŋgə̰dərə saar aw uru səa paradis ndá yeḛ oo ta gə́ dumkoo keneŋ gə́ dəw askəm pa taree el lé.

2 Njé gə́ Kɔrḭtə 12:4 ပူးပေါင်းရင်းမြစ်များ

Ejekel 31:9

Neḛ n’aree maji péd-péd Gə barkəmeeje gə́ tɔ yéŋgé-yéŋgé Ndá kagje lai gə́ Edḛ mee ndɔ’g lə Ala ra kəmkəḭ dəa’g.

Ejekel 8:3

Yeḛ ula né gə́ tana gə ji dəw bèe naŋg wa ne yiŋga dɔm. Ndil lé unm naŋg aw səm mbuna naŋg gə dara’g ndá yeḛ unm dan némḭdije gə́ ḭ rɔ Ala’g lé aw səm Jerusalem, tarəw gə́ mee kəi gə́ to par gə́ kel dɔgel, loo gə́ magə-kəmkəḭ gə́ ɔs gel kəmkəḭ lə Njesigənea̰ lé to keneŋ.

Lugu 23:43

Jeju ndigi təa’g pana: Ma m’ulai kankəmta təsərə ya, ɓogənè ɓa i a si səm na̰’d paradis ya.

Néra Njékaḭkulaje 8:39

Loo gə́ d’unda loo mán teḛ mba̰ ndá Ndil Mbaidɔmbaije un Pilibə sèn, igi səa kág ar njekuji ée gogo el nja saar. Nɛ njekuji lé un rəw ləa gə rɔlel mée’g.

1 Njé gə́ Kɔrḭtə 13:1

Ɓó lé m’pa tapa dəwje gə́ naŋg nee əsé njé gə́ dara nɛ meenoji godo məəm’g ndá ma m’to asəna gə ma̰də gə́ ɓar bərəŋ-bərəŋ əsé lar gə́ kas gə́ ɓar kèŋ-kèŋ tɔ.

2 Njé gə́ Kɔrḭtə 12:2

Ma m’gər diŋgam kára gə́ ɔm na̰’d gə Kristi lé ndá mee ləb dɔg-giree-sɔ gə́ dəs lé né unee ŋgə̰dərə uru səa mee dara gə́ njekɔm’g munda lé. Ɓó lé gə darəa bura əsé darəa nai naŋg ŋga ndilee ɓa teḛ aw ɓəi, yee ɓa, ma m’gər bèe el, Ala nja ɓa gər.

1 Njé gə́ Tesalonikə 4:17

Gée gə́ gogo jeḛ gə́ j’aw kəmba dɔ naŋg nee ɓəi lé jeḛ sə deeje j’a kḭ na̰’d kuru dan loo-kil’g lə ndi’g dəs tar mba tila kəm Mbaidɔmbaije par gə́ dara lé. Bèe ɓa j’a nai gə Mbaidɔmbaije gə no̰ ya.

Loo gə́ killa rea kəm Ja̰’g 12:5

Yeḛ oji ŋgon gə́ diŋgam gə́ a ko̰ ginkoji dəwje gə raŋg lai gə́ kag-lar. Ŋgonee lé d’undá d’unee d’aw səa par gə́ rɔ Ala’g ləm, gə no̰ kalimbai’g ləa ləm tɔ.

Loo gə́ killa rea kəm Ja̰’g 2:7

Yeḛ gə́ mbia to gən ndá maji karee oo ne ta gə́ Ndil nja ɓa ula Eglisəje. Dəw gə́ a kun baŋga ndá m’a karee sɔ kandə kag kəmə gə́ to mee paradis’g lə Ala lé ya.