2 Njé gə́ Kɔrḭtə 12:21 - Maktub gə́ To gə Kəmee

²¹ Meem to kərm nà loo gə́ m’a teḛ dɔ sí’g lé Ala a kila rɔkul dɔm’g gə mbata lə sí ya tɔɓəi ləm, m’a gə no̰-no̰ njé gə́ na̰je gə́ d’oso dan kaiya’g ɓa d’wa ne ndòo rɔ dee dɔ mɔdkaiya’g gə kəmnda gə néraje gə́ kori-kori gə́ d’ula rɔ dee keneŋ lé el ɓəi ləm tɔ.

2 Njé gə́ Kɔrḭtə 12:21 ပူးပေါင်းရင်းမြစ်များ

Esdras 10:1

Loo gə́ Esdras oso naŋg bəbərə gə mán-no̰ kəmee’g ra ne tamaji neelé teg ne gin kaiya neelé ndá koso-Israɛlje bula ree mbo̰ dɔ na̰ rəa’g, diŋgamje ləm, gə denéje ləma, gə ŋganje ləm tɔ, dəwje neelé no̰ gə mán-no̰ kəm dee’g ɓugudu-ɓugudu.

Esdras 9:3

Loo gə́ ma m’oo ta neelé ndá ma m’til kubuje ləm gə yee gə́ boi yul gə́ dɔ maree’g ləm, ma m’ndisa yiŋga dɔm gə mbaitam ləm tɔ ndá m’isi naŋg gə kəmndoo.

Pakɔsje 119:136

Man-no̰ ruba kəm’g asəna gə kəm-rəw-mán gə́ aḭ kuji-kuji bèe Mbata dəwje d’aa dɔ godndui el.

Teḛ-Raga 32:31

Moyis tel aw rɔ Njesigənea̰’g ulá pana: Kaaii! Dəwje neelé ra kaiya gə́ boo. Deḛ nja léḛ larlɔr reá gə́ magə lə dee.

Jeremi 13:17

Ɓó lé seḭ ooje ta el ndá N’a no̰ gə goo ŋgəḭ mbata beelé lə sí, Man no̰ a ruba kəm neḛ’g pɔ-pɔ, Mbata koso-dəwje gə́ to nékulje Le Njesigənea̰ lé d’a kaw sə dee ɓee-ɓər’g.

Jeremi 9:1

Wai! Lée m’iŋga ŋgon Kəi-to-mbàje dɔdilaloo’g ndá M’a kuba koso-dəwje ləm kya̰ dee kaw əw keneŋ! Mbata deḛ lai to njémɔdkaiyaje ləm, Deḛ to kudu dəwje gə́ njékun dɔ mar deeje ləm tɔ.

Njé gə́ Rɔmə 13:13

Ar sí njaaje danasur asəna gə dəw gə́ njaa dan kàrá. Ɓər lə kido ləm, gə néraje gə́ ndəl-ndəl ləm, gə kəmnda ləm, gə mɔdkaiya ləm, gə kɔl na̰ ləma, gə kəmkəḭ ləm tɔ, néje neelé saaje rɔ sí keneŋ rəw.

Njé gə́ Rɔmə 9:2

M’isi gə meḛdul kɔl-kɔl ar meeko̰ ɔsm ne ta-ta.

1 Njé gə́ Kɔrḭtə 5:1

Dəwje d’ɔr soree d’aw ne wəg-wəg pana: Ta kaiya to mbuna sí’g, nɛ gar kaiya neelé dəw a kiŋga bèe ɓee lə njépole-magəje el. Diŋgam kára taa dené lə bɔbeeje si səa mbuna sí’g nee.

2 Njé gə́ Kɔrḭtə 10:6

Jeḛ j’aar dɔ gɔl sí’g kəgəgə mba kar bo̰ kalta lə sí gə́ rara kara ɔs ta sí’g bɔsɔrɔ loo gə́ dɔ ŋgonkoji lə sí ɔr ne njal lé.

2 Njé gə́ Kɔrḭtə 12:7

Tɔɓəi gə mba kam m’beelé m’ti ne rɔm mbata lə néje gə́ dumkoo gə́ to loo-kiya’g gə́ deḛ riba dɔ dee’g d’am m’oo lé el ndá d’ar kun ɔs ne dakasrɔm, yee ɓa to njekula lə Njekurai gə a gə kɔsm ta-ta mba kɔgm ne loo ti ne rɔm mugugu-mugugu ya.

2 Njé gə́ Kɔrḭtə 13:2

Loo gə́ m’aw gə́ rɔ sí’g kédé njekɔm’g gɔl joo ləm lé ma m’ula sí taree mba̰ ya nɛ ɓogənè gə́ ma m’godo mbuna sí’g kara ma m’ula deḛ lai gə́ ra kaiya kédé ləm, gə deḛ gə́ raŋg lai ləm tɔ lé ɓó lé m’a tel mbuna sí’g ndá né gə́ m’a gə ra lé m’a ra njaŋg ɓó m’a kər ne kəm dəw el.

2 Njé gə́ Kɔrḭtə 8:24

Bèe ndá undaje rɔ nojikwa lə sí lé kəm Eglisəje’g ar deeje d’oo ləm, tɔji deeje ar deeje d’oo pidi gə́ boo gə́ jeḛ m’pidi sí lé aw lée’g ya ləm tɔ.

Njé gə́ Galati 5:19

Néraje gə́ ka̰ darɔ lé to raga pai-pai ya, deḛje ɓa to nee ya: Mɔdkaiya ləm, gə kəmnda ləm, gə kaw kori-kori ləm,

Tel tura Godndu 9:15

M’ḭ dɔ mbal’d gə́ pər o̰ keneŋ bilim-bilim gə bəgərəjə gə́ ka̰ manrɔ joo gə́ to jimje’g joo tɔ lé m’ur ne naŋg.

Tel tura Godndu 9:25

M’oso naŋg rəb m’dəb kəm naŋg no̰ Njesigənea̰’g, ndɔm rɔ-sɔ dan kàrá gə loondul’g mbata Njesigənea̰ pana neḛ ndigi tuji sí.

Njé gə́ Kolosə 3:5

Bèe ndá arje mal néje gə́ ra sí gə́ wɔji dɔ naŋg neelé wəi mburug rɔ sí’g, yee ɓa to mɔdkaiya ləm, gə kəmnda ləm, gə mal néje gə́ ula pər meḛ sí’g ləma, gə mwəiyoolar gə́ to gə́ magəpole lə dəwje lé ləm tɔ.

Ǝbrəje 13:4

Maji kar sí-seḭ lai ooje taa na̰ lə diŋgam gə dené lé gə́ né gə́ kəm pidi ləm, a kooje tira-to taa na̰ lé kara gə́ né gə́ to mbo̰ el ləm tɔ. Mbata deḛ gə́ d’aw gə́ balgogé əsé ndal mɔdkaiya ndá Ala a gaŋg rəwta dɔ dee’g ya.

2 Piɛrə 2:18

Deḛ d’un ta beeléje pa ne ta gə goo kaiya ra dee gə́ ula pər meḛ dee’g ɓa su ne kəm deḛ gə́ d’unda loo rad dan dəwje gə́ d’isi ndəm lé teḛ ya.

Jude 1:23

njé gə́ raŋg lé wa deeje dan pər’g wɔgədɔ aji deeje ləma, deḛ gə́ raŋg ya ɓəi kara maji koo kəmtondoo lə dee ya ləm tɔ nɛ arje meḛ sí aar dɔ dee’g kərm ɓəi, won kaiya gə́ nai kubu’g lə dee lé kara ə̰jije bəḭ-bəḭ ya.

Jude 1:7

Tɔɓəi Sɔdɔm gə Gɔmɔr gə ɓeeje gə́ gugu dɔ deḛ gə́ d’ula rɔ dee dan kaiya’g d’ar mal néje gə́ mina̰ ula pər meḛ dee’g lé deḛje neelé bo̰ néra dee ɔs ta dee’g dan pər gə́ o̰ bilim-bilim gə́ to gə no̰. Ala unda dee no̰ sí’g unda rɔ dee ar sí j’oo, wɔji ne pia gə́ a gə ra sə sí lé ya tɔ kən.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.

Loo gə́ killa rea kəm Ja̰’g 22:20

Yeḛ gə́ ɔr goo ta nee ar sí lé pana: Oiyo, waga ɓa m’a teḛ wai ɓəi. Amen! Mbaidɔmbaije Jeju, maji kari ree ya kɔgərɔ kari.

1 Samel 15:35

Samel aw iŋga Sawul gogo el saar teḛ ndɔ kwəi’g ləa mbata Samel no̰ gə mba Sawul mbata Njesigənea̰ im rəa dɔ kunda gə́ yeḛ unda Sawul gə́ mbai lə Israɛlje lé ya.