2 Njé gə́ Kɔrḭtə 12:15 - Maktub gə́ To gə Kəmee

¹⁵ Ma lé m’a kḭ gə məəm mba tuji néje ləm gə mbata lə sí ləm, darɔm ya kara m’a tujee gə mbata lə kankəmrɔ sí ləm tɔ. Ɓó lé ma m’unda sí dan kəm’g yaa̰ bèe lé see yee nja a kar goo ndigi gə́ seḭ ndigimje lé a yɔr ne wa.

2 Njé gə́ Kɔrḭtə 12:15 ပူးပေါင်းရင်းမြစ်များ

2 Samel 13:39

Mbai Dabid lé əw rəa korə Absalɔm mbata mée tel to lɔm dɔ kwəi’g lə Amno̰ lé ŋga.

Njé gə́ Rɔmə 9:3

Ma m’ndigi kar dɔm udu ləm, ma m’ndigi kar Kristi ya̰’m gə no̰ ləm tɔ gə mba ŋgakɔmje gə njénojije ləm gə́ gin darɔ’g,

2 Njé gə́ Kɔrḭtə 1:14

Seḭ ooje loo mba kar kəm sí tudu kurm dɔ síjeḛ’g, to gə́ jeḛ kara kəm sí a tudu kurm dɔ sí seḭ’g ndɔ ka̰ Mbaidɔmbaije Jeju lé. Yee ɓa seḭ gərje gao mba̰.

2 Njé gə́ Kɔrḭtə 1:6

Ɓó lé j’isi dan némeeko̰’g ndá to gə mba gɔl ne meḛ sí-seḭ ləm, mba kar sí iŋgaje ne kaji ləm tɔ. Esé lé deḛ gɔl meḛ sí d’ar sí j’isi dan meelɔm’g kara yee ɓa to gə mba gɔl ne meḛ sí-seḭ kar meḛ sí to ne lɔm loo gə́ seḭ ilaje meḛ sí po̰-po̰ dan némeeko̰’g gə́ to asəna gə ka̰ síjeḛ lé tɔ.

2 Njé gə́ Kɔrḭtə 11:11

See ban ɓa m’pa bèe wa. See mba kunda gə́ m’unda sí dan kəm’g el ɓa m’pa ne bèe wa. Wah! Ala gər gao!

2 Njé gə́ Kɔrḭtə 12:14

Aa ooje, as gɔl munda ɓasinè, ma m’wa dɔ gɔl rɔm gə mba kaw rɔ sí’g ndá ndòo né gə́ ram lé ɓa m’a gə kaw kabee ji sí’g el, mbata darɔ sí ɓa m’aw kabee ɓó gə mba nékiŋga lə sí ɓa el. Tɔgərɔ ya, to ta lə ŋganje ɓa gə mba mbo̰ nébaoje kar njékoji deeje el, nɛ to ta lə njékoji deeje ɓa gə mba mbo̰ nébaoje gə mba kar ŋgan deeje.

2 Njé gə́ Kɔrḭtə 12:9

Ndá yeḛ ilam keneŋ pana: Meenoji ləa a kasm nag ya, mbata siŋgamoŋ ləa a kɔr dɔ loo rəm’g ləm njal ya. Yen ɓa m’a kḭ gə́ rɔm ti ne rɔm dɔ nérəmje’g ləm mba kar siŋgamoŋ lə Kristi nai ne rɔm’g.

2 Njé gə́ Kɔrḭtə 2:3

Ma m’ndaŋg maktub m’ar sí togə́bè mba kar ndɔ gə́ m’a teḛ dɔ sí’g lé deḛ gə́ m’ŋgina rɔlel rɔ dee’g lé d’a kam rɔlel ya ɓó kəmndoo el. Mbata ma m’gər gao, rɔlel lə sí wɔji dɔ kama ya.

2 Njé gə́ Kɔrḭtə 4:12

Togə́bè ɓa yoo ɓa uru kəi meḛ síjeḛ’g nɛ seḭ lé kəmə lé ɓa uru kəi meḛ sí-seḭ’g.

2 Njé gə́ Kɔrḭtə 7:2

Seḭ lé arje meḛ sí to tag mbata lə síjeḛ ya. Jeḛ j’ra majel gə dəw kára kara el ləm, j’ula sul dɔ dəw kára kara el ləma, jeḛ j’unda kəm dəw kára kara jibi n’taa ne né ləa el ləm tɔ.

2 Njé gə́ Kɔrḭtə 7:3

Ma m’pa togə́bè mba kila ne ta dɔ sí’g el, mbata ma m’ula sí mba̰, meḛ sí to na̰’d kára ba loo kaw kəmba’g ləm, gə loo kwəi’g ləm tɔ.

Njé gə́ Galati 4:10

Seḭ tɔsje kəm sí bao-bao dɔ ndɔje’g ləm, gə dɔ naḭje’g ləm, gə dɔ ndɔ ra naḭje’g ləma, gə dɔ ləbje’g ləm tɔ.

Njé gə́ Pilibə 2:17

Ɓó lé məsm a kaḭ kula naŋg ndá m’a koo gə́ nékinjaməs gə nékarnoji gə́ m’ar sí mba gɔl ne meekun lə sí, yee ɓa ma m’ra ne rɔlel m’al ne rɔm sə sí na̰’d.

Njé gə́ Kolosə 1:24

Ɓasinè m’al rɔm wɔji dɔ nékəmndoo gə́ ram mbata lə sí. Néurti gə́ ra Kristi lé dɔgea̰ gə́ nai ɓa m’taa m’ɔm dɔm’g mbata lə Eglisə gə́ nai gə́ darɔ Kristi lé.

1 Njé gə́ Tesalonikə 2:8

Kunda gə́ j’unda sí dan kəm sí’g dana ɗəŋgərə lé ɓa ar sí j’wɔji mba kar sí Tagə́maji lə Ala lé gə karee el nɛ j’wa rɔ sí bura j’ar sí mbata jeḛ sə síje lé n’tel n’to j’asəna gə darɔ gə́ kára ba tɔ.

2 Timote 2:10

Gelee gə́ nee ɓa, m’wa ne siŋgam kɔgərɔ dɔ néje’g lai mbata lə deḛ gə́ yeḛ mbər dee lé gə mba kar dee-deḛ nja kara d’iŋga kaji gin Jeju Kristi lé na̰’d gə rɔnduba gə́ to gə no̰ lé tɔ.

Ǝbrəje 13:17

Ilaje ŋgonkoji dɔ njékɔrno̰ síje’g gə́ d’aḭ bada dɔ sí’g, ḭje kalaŋ-kalaŋ no̰ dee’g, mbata loo gə́ d’a kula njea taree ndá d’a kulá gə ŋgaŋ kogo. Ɓó lé d’a kulá taree gə rɔkim ndá lé a maji dɔ sí’g el.