2 Njé gə́ Kɔrḭtə 11:7 - Maktub gə́ To gə Kəmee

⁷ Loo gə́ ma m’ula sí Tagə́maji lə Ala ɓa ma m’tɔji sí kari kari-kari ləm, ma nja m’oso ne kul gə mba kun sí kunda sí ne gə́ tar ləm tɔ lé see to né gə́ to lée’g el ɓa ma m’ra wa.

2 Njé gə́ Kɔrḭtə 11:7 ပူးပေါင်းရင်းမြစ်များ

Néra Njékaḭkulaje 20:33

Ma lé larnda əsé larlɔr əsé kubu lə dəw kára kara malee ram el.

Néra Njékaḭkulaje 20:34

Seḭje lé seḭ gərje gao jim-ma ya ɓa m’ra ne kula m’iŋga ne né gə́ lalm ləm, gə lal deḛ gə́ d’isi səm lé ləm tɔ.

Njé gə́ Rɔmə 1:1

Ma Pool, kura lə Jeju Kristi, gə́ Ala ɓarm undam gə́ njekaḭkula ləm, yeḛ ɔrm undam gə kəmee mba karm m’aw m’ila mber Tagə́maji lə Ala lé ləm tɔ.

1 Njé gə́ Kɔrḭtə 9:12

Ɓó lé njé gə́ raŋg d’isi gə torndu gə mba kiŋga ne ji sí’g bèe lé nɛ ɓəd ɓa see jeḛ lé j’a kunda dee gə lèlé ba el wa. Nɛ torndu gə́ togə́bè lé j’isi ne el, jeḛ j’ula rɔ sí ndubu dɔ néje’g lai ɓó gə mba kar né kára kara ɔg rəw tagə́maji lə Kristi el.

1 Njé gə́ Kɔrḭtə 9:6

Esé see jeḛ gə Barnabas gə kar sí ba ɓa j’askəm lal ra kula el wa.

2 Njé gə́ Kɔrḭtə 10:1

Ma Pool lé ma m’ra ndòo rɔ sí’g gə goo kaw yururu gə meemaji lə Kristi lé, ma lé loo gə́ m’isi mbuna sí’g ndá m’əḭ kəm sí’g el nɛ loo gə́ m’isi ŋgərəŋ ndá m’tɔg sí pir.

2 Njé gə́ Kɔrḭtə 10:16

kar sí j’aw j’ila mber Tagə́maji lé njal gə́ mee ɓeeje gə́ to gir ɓee’g lə sí lé ləm tɔ, ɓó j’a kunda rɔ sí dɔ kula’g lə mar síje ti ne rɔ sí el.

2 Njé gə́ Kɔrḭtə 12:13

See ri ɓa ma m’ra gə Eglisəje gə́ raŋg maji unda sí-seḭ lé wa. Ndoo né gə́ ram ɓa m’aw kabee ji dee’g nɛ m’aw kabee ji sí-seḭ’g el. Ɓó lé seḭ ooje gə́ né gə́ dana el gə́ m’ra sə sí ndá maji kar sí arje meḛ sí ti mbidi dɔm’g.

2 Njé gə́ Kɔrḭtə 2:12

Loo gə́ m’teḛ Troas mba kɔr gin Tagə́maji keneŋ lé Mbaidɔmbaije ar rəw to tag ya, nɛ m’oo loo kila rɔm po̰ keneŋ el mbata ma m’iŋga ŋgokɔm Titə keneŋ el.

1 Njé gə́ Tesalonikə 2:9

Ŋgako̰ síje, kula ra sí gə́ jeḛ j’ula ne rɔ sí ndubu dṵda’d gə dan kàrá mba kar sí j’wɔi ne dəw kára kara mbuna sí’g el lé meḛ sí a kolé dɔ’g ya, togə́bè ɓa, j’ɔr ne gin Tagə́maji lə Ala lé j’ar sí.

2 Njé gə́ Tesalonikə 3:8

Jeḛ j’usɔ né lə dəw kára kara kari ba el, nɛ jeḛ n’ra kula dan kàrá gə loondul’g, j’ula ne rɔ sí ndubu keneŋ n’dao ne mba kar dəw kára kara oo ne ndòo mbata lə sí el.