2 Njé gə́ Kɔrḭtə 11:31 - Maktub gə́ To gə Kəmee

³¹ Ala gə́ to Bɔ Mbaidɔmbaije Jeju ləm, gə́ to njedɔkaisəgərə gə ləbee-ləbee gə no̰ ləm tɔ lé yeḛ nja gər gao to gə́ ma m’pata ŋgɔm el.

2 Njé gə́ Kɔrḭtə 11:31 ပူးပေါင်းရင်းမြစ်များ

Nehemi 9:5

Juje gə Kadmiel gə Bani gə Hasabnia gə Serebia gə Hodija gə Sebania gə Petaja, gə́ to Ləbije neelé pana: Ḭje tar ɔsje gaji Njesigənea̰, Ala lə sí gə́ njesi gə ləbee-ləbee gə no̰ lé! Maji kar dee d’ɔs gaji rɔnduba lə ri Gə́ ur dɔ ndutɔrje lai ləm, Gə dɔ ta pidije lai ləm tɔ lé.

Pakɔsje 41:13

I gədm mbata i oo néram gə́ to gə goo rəbee, Yee ɓa i undam ne nɔḭ’g ta-ta ya.

Tagə́maji gə́ Ja̰ ndang 10:30

Ma jeḛ gə Bɔm lé jeḛ n’to gə́ kára ba bèe.

Tagə́maji gə́ Ja̰ ndang 20:17

Jeju tel ilá keneŋ pana: Ɔrɔ rɔm el, mbata m’ḭ m’aw rɔ Bɔm’g el ɓəi. Nɛ ɔd aw iŋga ŋgabɔmje ula dee: M’isi m’aw gə́ rɔ Bɔm gə́ to Bɔ síje lé ləm, m’isi m’aw gə́ rɔ Ala’g lé ləm gə́ to Ala lé lə sí ləm tɔ.

Njé gə́ Rɔmə 1:25

Deḛ lé tel kankəmta lə Ala lé gə́ taŋgɔm ləm, d’wa nékunda lə Ala meḛ dee’g d’ula ne rɔ dee ndòo d’aree ur dɔ Njekunda néje lai gə́ si gə dɔkaisəgərə gə ləbee-ləbee saar gə no̰ lé ləm tɔ. Amen.

Njé gə́ Rɔmə 1:9

Ala gə́ m’wa məəm’g gə ndiləm bura lé m’ila ne mber Tagə́maji lə Ŋgonee lé yeḛ nja to gə́ njekɔrkəmta ləm gə́ gəd mbata yeḛ oom to gə́ m’ɓar ri sí loo gə́ m’ra tamaji ləm ta-ta ləm,

Njé gə́ Rɔmə 15:6

mba kar sí lai lé a kundaje ne ndu sí na̰’d kára ba mba kula ne rɔnduba dɔ Ala lé gə́ to Bɔ Mbaidɔmbaije lə sí Jeju Kristi lé.

Njé gə́ Rɔmə 9:1

Ma gə́ m’to ka̰ Kristi lé kankəmta ɓa m’ula sí ɓó gə́ taŋgɔm ɓa m’ula sí el. Ndilmeenda ɓa oso gelm’g am m’oo ne tapam gə́ ta gə́ tɔgərɔ ya.

Njé gə́ Rɔmə 9:5

gə ndukunje ləa ləm, ginka deḛ gə́ to gə kəmee ləma, Kristi gə́ to gə́ dəw dɔ néje lai kara darəa ḭ rɔ dee’g ləm tɔ. Maji kar Ala tɔr ndia dəa’g gə mba kar dəa ai səgərə saar-saar gə no̰. Amen.

2 Njé gə́ Kɔrḭtə 1:23

Ala nja gə́ m’wa məəm’g to njekoogoo ta ləm ya: kaw gə́ m’aw Korintə el ɓəi lé to gə mba m’sa rɔm rəw ndɔr sí ne jan-jan ɓəi.

2 Njé gə́ Kɔrḭtə 1:3

Maji kar dɔ ri Ala lé ai səgərə, yeḛ gə́ to Bɔ Mbaidɔmbaije lə sí Jeju Kristi ləm, gə bao-meekɔrjol ləma, gə Ala gə́ bao-njegɔl meḛ dəwje ləm tɔ.

2 Njé gə́ Kɔrḭtə 11:11

See ban ɓa m’pa bèe wa. See mba kunda gə́ m’unda sí dan kəm’g el ɓa m’pa ne bèe wa. Wah! Ala gər gao!

Njé gə́ Galati 1:20

Ta nee gə́ ma m’ndaŋg m’ar sí lé kəm Ala’g lé ma m’pa gə́ taŋgɔm el.

Njé gə́ Epesə 1:3

Maji kar dɔ Ala Bɔ Mbaidɔmbaije lə sí Jeju Kristi lé ai səgərə, mbɔl dɔ Kristi ɓa yeḛ tɔr ne ndia dɔ sí’g ar sí j’isi ne gə nénojije ɓəd-ɓəd gə́ ka̰ Ndil lé mee dara’g.

Njé gə́ Epesə 3:14

Gelee gə́ nee ɓa, m’rəm ne gə kəjim gə́ naŋg yəm gə́ no̰ Bɔ síje’g

Njé gə́ Kolosə 1:3

Jeḛ n’ra Ala gə́ to Bɔ Mbaidɔmbaije lə sí Jeju Kristi lé oiyo ta-ta mbata lə sí ləm, jeḛ n’ra tamaji mbata lə sí ləm tɔ

1 Njé gə́ Tesalonikə 2:5

Seḭ gərje gao, jeḛ lé ndɔ kára kara jeḛ lèbè kəm dəw el ləm, j’unda meḛ sí dɔ né’g lə dəw el ləm tɔ. Ala ɓa oo gée gao ya.

1 Timote 1:11

Ta neelé aw na̰’d gə Tagə́maji lə Ala gə́ njḛgɔ-ronduba gə njemeemaji ləm, yee ɓa to Tagə́maji gə́ yeḛ ɔm jim’g mba karm m’ndoo dəwje ləm tɔ.

1 Timote 1:17

Yeḛ gə́ to Mbaidɔmbaije gə́ ləw-ləw ləm, gə njesi gə ləbee-ləbee gə nea̰ ləma, gə yeḛ gə́ dumkoo ləm tɔ, yeḛ ɓa to Ala kára ba kiao lé, maji kila riɓar dəa’g ləm, gə kula rɔnduba dəa’g ləm tɔ gə ləbee-ləbee saar gə no̰. Amen!

1 Timote 6:16

Yeḛ nja kára ba kiao ɓa to Njesigənea̰ ləm, yeḛ si dan lookàr gə́ ɔs kəm loo ŋgərəŋ ləma, dəw kára kara ila kəmee dəa’g əsé askəm kée el ləm tɔ lé maji kila riɓar dəa’g ləm, maji karee dum dɔ loo gə ləbee-ləbee saar-saar gə no̰ ləm tɔ. Amen!

1 Piɛrə 1:3

Maji kar dɔ ri Ala Bɔ Jeju Kristi Mbaidɔmbaije lə sí lé ai səgərə. Yeḛ ar mée oso lemsé dɔ sí’g oji sí ne sigi, tɔɓəi teḛ gə́ yeḛ ar Jeju Kristi teḛ dan njé gə́ d’wəi’g lé ar meekundayel lə sí to ne kəmba tɔ.