2 Njé gə́ Kɔrḭtə 11:28 - Maktub gə́ To gə Kəmee

²⁸ Ges néje gə́ kəm pa el nai bura ɓəi tɔ. Tɔɓəi gə ndɔm-ndɔm məəm to kərm dɔ Eglisəje’g lai ya.

2 Njé gə́ Kɔrḭtə 11:28 ပူးပေါင်းရင်းမြစ်များ

Néra Njékaḭkulaje 15:36

Ndɔ dee aḭ bula bəl ndá Pool ula Barnabas pana: Ar sí n’tel j’aw j’ooje ŋgako̰ síje gə dɔɓee-dɔɓee loo gə́ jeḛ ndoo dee ta lə Mbaidɔmbaije keneŋ kédé lé j’aw j’oo dee see d’isi banwa.

Néra Njékaḭkulaje 18:23

Loo gə́ Pool si Antiɔs waga ndá yeḛ un rəw aw gə loo-loo dəb ɓeeko̰ gə́ Galati ləm, gə Prigi ləm tɔ ula ne diŋgam meḛ njékwakiláje’g lai-lai ya.

Néra Njékaḭkulaje 20:2

Yeḛ aw gə loo-loo dɔ naŋg neelé ula ne njékwakiláje ta ndəji dee ne bər-bər loo bula ɓa yeḛ ɔd keneŋ aw Grɛs.

Néra Njékaḭkulaje 9:31

Togə́bè ɓa Eglisə si ne gə loo kulee lɔm dɔ naŋg gə́ Jude ləm, gə Galile ləma, gə Samari ləm tɔ. Deḛ d’ula diŋgam meḛ na̰’d ləm, deḛ njaa na̰’d ɓəl ne Ndil Mbaidɔmbaije ləm tɔ ndá deḛ ra tɔg gə́ kédé-kédé mbata Ndilmeenda to gə́ dərgel dee tɔ.

Njé gə́ Rɔmə 1:14

Ma m’to njeɓaŋ lə Grekje gə deḛ gə́ to Grekje el ləm, ma m’to njeɓaŋ lə njégosokəmkàrje gə ka̰ mbəje ləm tɔ.

Njé gə́ Rɔmə 11:13

Seḭ njépole-magəje lé ma m’ula sí ta nee ya, ma gə́ m’to gə́ njekaḭkula gə́ rɔ njépole-magəje’g lé ma m’ti rɔm dɔ kula’g ləm ya.

Njé gə́ Rɔmə 15:16

ɔrm ne am m’to ne kura lə Jeju Kristi mbuna njépole-magəje’g. Kula gə́ wɔji dɔ Tagə́maji lə Ala lé m’ra gə mba kun ne njépole-magəje gə́ Ndilmeenda ɔr dee unda dee gə kəmee mba kar dee to nékar Ala gə́ a taa kəmee rəgm.

Njé gə́ Rɔmə 16:4

Deḛ lé d’ɔs dɔ dee yoo’g gə mba kajim ne. Ma m’ra dee oiyo gə karm el nɛ Eglisəje lai gə́ to ɓee lə njépole-magəje kara ra dee oiyo ya tɔ.

1 Njé gə́ Kɔrḭtə 7:17

Nɛ maji kar nana kara njaa gə panjaa ləa gə́ Mbaidɔmbaije tɔjee loo gə́ Ala ɓaree keneŋ. Yee gə́ bèe ɓa m’un ndum m’ar Eglisəje gə́ loo lai.

Njé gə́ Kolosə 2:1

Tɔgərɔ ya, ma m’ndigi kar sí gərje gao, ma lé m’təd loo rém-rém mbata lə sí-seḭ ləm, gə deḛ lai gə́ d’isi Laodise ləma, gə deḛ gə́ kəm dee oso dɔm’g el ɓəi kara ləm tɔ