2 Njé gə́ Kɔrḭtə 11:23 - Maktub gə́ To gə Kəmee

²³ See deḛ to kuraje lə Kristi wa. (Ma m’pata asəna gə dəw gə́ ndilee igee.) Ma lé m’to kura lə Kristi gə́ ur dɔ ɓəi gə goo kula ramje gə́ to yaa̰ unda ka̰ dee-deḛ ləm, gə goo kunda gə́ deḛ kundam yaa̰ unda dee-deḛ ləma, gə goo kisi gə́ m’isi daŋgai’g gɔl bula unda dee ləm tɔ. Ta-ta m’isi ta yoo’g ləm,

2 Njé gə́ Kɔrḭtə 11:23 ပူးပေါင်းရင်းမြစ်များ

Jeremi 36:5

Tɔɓəi Jeremi un ndia ar Baruk pana: M’a lé d’ɔgm ɓó m’askəm kaw mee kəi’g lə Njesigənea̰ el.

Néra Njékaḭkulaje 14:19

Yen ɓa Jibje gə́ d’ḭ Antiɔs gə Ikɔnə ree d’iŋga dee keneŋ ndá d’ula meḛ koso-dəwje na̰’d, d’ar dee tila Pool gə kɔri-ər, deḛ ndɔree d’ilá ŋgaŋloo’g d’ə̰ji ta meḛ dee’g pana: Yeḛ wəi mba̰.

Néra Njékaḭkulaje 20:23

Nɛ gə ɓee-ɓee lai lé Ndilmeenda ulam keneŋ təsərə pana: Kula tɔm ləm, gə nékəmndoo gə́ a gə ram lé to ŋginam ya.

Néra Njékaḭkulaje 21:11

Yeḛ ree rɔ sí’g ndá un ndar lə Pool tɔ ne gɔlee gə jia-yeḛ ya ɓa tel pana: Aa ooje, ta gə́ Ndilmeenda riba dəa lé ɓa nee: Dəw gə́ njendar neelé Jibje d’a teá ne togə́bè Jerusalem’g ɓó gə kulá ne ji njépole-magəje’g ya.

Néra Njékaḭkulaje 25:14

To gə́ d’isi keneŋ ndɔ dee aḭ bula lé ndá Pestus ɔr ta lə Pool ar mbai lé ulá ne pana: Pelis ula dəw kára daŋgai’g yá̰ keneŋ.

Néra Njékaḭkulaje 27:1

Loo gə́ d’wɔji-kwɔji gə mba kar sí j’uru mee bato’g gə mba kaw Itali ndá d’ila Pool gə daŋgai mareeje gə́ na̰je ji Julius’g gə́ to njekɔrno̰ njérɔje gə́ tɔl gə́ ɓar dee ka̰ Augustə.

Néra Njékaḭkulaje 28:16

Loo gə́ jeḛ n’teḛ Rɔm mba̰ ndá d’un ndu dee d’ar Pool gə mba karee wa kəi sí keneŋ, nɛ njerɔ kára sí səa gə mba kaa dəa tɔ.

Néra Njékaḭkulaje 28:30

Pool si kəi-kwa’g lé as ləb joo ya doŋgɔ bugum. Deḛ lai gə́ ree gə mba kée lé yeḛ wa dee gə́ rəa’g tɔ.

Néra Njékaḭkulaje 9:16

Tɔɓəi ma nja m’a tɔjee loo némeeko̰ gə́ a kiŋgá gə mbata lə no̰’m gə́ yeḛ a kunda lé karee oo gao ya ɓəi.

Njé gə́ Rɔmə 8:36

To gə́ deḛ ndaŋg mee maktub’g pana: To mbata ləi-i nja ɓa deḛ goré gwɔb sí dɔɓee’g saar kàr ur naŋg jig ləm, D’oo sí asəna gə badje gə́ twa dee d’aw sə dee gə́ loo-kinja-gwɔs dee’g bèe ləm tɔ.

1 Njé gə́ Kɔrḭtə 15:10

Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

1 Njé gə́ Kɔrḭtə 3:5

See Apolɔs ɓa gə́ na̰ ɓəi wa. Esé see Pool ɓa gə́ na̰ ɓəi wa. Deḛ joo bɔr to kuraje lə Mbaidɔmbaije gə goo rəw gə́ yeḛ nja ɔr dee ne. Mbɔl dɔ dee-deḛ nja ɓa seḭ ɔmje ne meḛ sí dəa’g.

1 Njé gə́ Kɔrḭtə 4:1

Togə́bè ɓa maji kar dee d’oo sí gə́ kuraje lə Kristi ləm, gə njékaa dɔ kankəmtaje lə Ala gə́ to loo-kiya’g lé ləm tɔ.

1 Njé gə́ Kɔrḭtə 4:11

Jeḛ lé saar ɓasinè kara ɓoo biri sí ləm, gə kṵdaman ula kəm sí ndòo ləma, j’aw gə kudu sí dum ləm tɔ: deḛ kunda kwɔji sí ləm, j’ila tar mbir-mbir gə́ yo gə nee ləm tɔ.

1 Njé gə́ Kɔrḭtə 4:9

Mbata məəm ndaji ta m’pana: Jeḛ njékaḭkulaje lé Ala unda sí gə́ né kudu kula ləa ləm, gə dəwje gə́ ta yoo wa dɔ dee ləm tɔ mbata jeḛ n’tel n’to gə́ né mbo̰ kəm dɔ’g sɔmɔmo̰ lə dəwje gə́ naŋg nee bura ya, ka̰ kuraje lə Ala gə́ dara ləm, gə dəwje lé ləm tɔ.

2 Njé gə́ Kɔrḭtə 10:7

Gir né gə́ raga gə́ seḭ ooje puduru ba lé see to né mba̰ wa. Ɓó lé dəw kára ə̰ji ta mée’g pana: Neḛ n’to ka̰ Kristi ndá maji karee oo gao to gə́ jeḛ kara jeḛ n’to ka̰ Kristi tɔ.

2 Njé gə́ Kɔrḭtə 11:5

Njékaḭkulaje neelé gə́ to dəwje gə́ boo lé ma m’oo to gə́ deḛ dum-ma gə né kára kara el.

2 Njé gə́ Kɔrḭtə 3:6

Yeḛ nja ar sí siŋga sí tel sí ne gə́ njékɔrgoo manrɔ gə́ sigije lé yeḛ gə́ to ka̰ Ndil ɓó yeḛ gə́ deḛ ndaŋg gə́ ndaŋg el. Mbata yeḛ gə́ ndaŋg gə́ ndaŋg lé ɓa gə́ yoo, nɛ yeḛ gə́ ka̰ Ndil ɓa gə́ njekula kəmə meḛ sí’g.

2 Njé gə́ Kɔrḭtə 4:11

Jeḛ gə́ j’isi kəmba lé d’ɔm sí ta yoo’g ta-ta mbata lə Jeju, darɔ sí gə́ njekunda naŋg lé ɓa kaw kəmba lə Jeju a to ne raga ndəgəsə.

2 Njé gə́ Kɔrḭtə 6:9

ri sí ɓar yaa̰ nɛ deḛ gər sí gə́ dəwje el ləm, j’aw kɔgərɔ-kɔgərɔ nɛ d’oo sí gə́ yɔ-dəwje ləm, deḛ d’oo sí gə́ dəwje gə́ ta yoo wa dɔ dee nɛ jeḛ j’wəi ne el ɓəi ləm,

Njé gə́ Galati 6:17

Un ginee ɓasinè lé maji kar dəw kára kara ula kəm-ma ndòo el ŋga mbata tor nduna doo lə Jeju lé to rɔm’g mba̰.

Njé gə́ Epesə 3:1

Gelee gə́ nee ɓa, ma Pool m’to ne daŋgai lə Kristi mbata lə sí-seḭ njépole-magəje lé ...

Njé gə́ Epesə 4:1

Ma gə́ m’isi daŋgai’g mbata Mbaidɔmbaije lé ma m’ndəji sí bər-bər mba kar néra sí wa bua kula gə́ yeḛ ɓar sí keneŋ.

Njé gə́ Epesə 6:20

Yee ɓa ma m’to ne njenai gə dəwje mba Kristi nɛ m’isi gə kúla lar gwɔsm’g. Bèe ndá raje tamaji mba karm m’pa ne ta gə́ dum maḭ gə́ to kəm karm m’pa taree lé ya.

Njé gə́ Pilibə 1:13

Tɔgərɔ ya, mee gadloo-si njérɔje ləm, gə looje gə́ raŋg’d lai ləm tɔ lé deḛ d’oo gao to gə́ m’isi daŋgai’g mbata lə Kristi ya.

Njé gə́ Pilibə 2:17

Ɓó lé məsm a kaḭ kula naŋg ndá m’a koo gə́ nékinjaməs gə nékarnoji gə́ m’ar sí mba gɔl ne meekun lə sí, yee ɓa ma m’ra ne rɔlel m’al ne rɔm sə sí na̰’d.

Njé gə́ Kolosə 1:24

Ɓasinè m’al rɔm wɔji dɔ nékəmndoo gə́ ram mbata lə sí. Néurti gə́ ra Kristi lé dɔgea̰ gə́ nai ɓa m’taa m’ɔm dɔm’g mbata lə Eglisə gə́ nai gə́ darɔ Kristi lé.

Njé gə́ Kolosə 1:29

Yee ɓa, m’ra ne kula m’təd ne loo, gə goo siŋgamoŋ ləa gə́ yeḛ ula məəm’g ɔsm ne ɓɔḭ-ɓɔḭ.

1 Njé gə́ Tesalonikə 3:2

ndá jeḛ j’ula Timote rɔ sí’g. Yeḛ lé to ŋgoko̰ sí gə́ to kura lə Ala loo kɔr goo Tagə́maji lə Kristi ndá jeḛ j’ulá mba karee ndəji sí kar sí ŋgəŋje ne dan meekun’g lə sí ləm,

1 Timote 4:6

Ɓó lé i ɔr ginta neelé ar marije gin Kristi’g lé ndá i a to njekɔrgoota lə Jeju Kristi gə́ maji ya. Ta meekun ləm, gə gin kankəmta gə́ i ula rɔi keneŋ ləm tɔ lé yee ɓa gə́ nésɔi ya.

2 Timote 1:16

Maji kar Mbaidɔmbaije ra meemaji gə Onesipɔrə gə njénojije ləa mbata yeḛ nja ɓa gɔl məəm gɔl bula ləm, yeḛ ra kəmkul dɔ kúla lar gə́ deḛ tɔm ne el ləm tɔ.

2 Timote 1:8

Bèe ndá maji kari ra kəmkul dɔ kɔr goo ta lə Mbaidɔmbaije lə sí el ləm, ma gə́ m’isi daŋgai’g gə mbəa kara ra rɔkul gə mbàm el ləm tɔ. Nɛ maji kula rɔi ndubu səm na̰’d mbata Tagə́maji lé gə goo siŋgamoŋ lə Ala ya.

2 Timote 2:9

Yee ɓa, deḛ tɔm ne, d’am m’isi ne dan némeeko̰’g asəna gə njera néje gə́ majel bèe. Nɛ ta lə Ala lé ndá təa el.

2 Timote 3:11

gə nékəmndooje gə némeekonje gə́ teḛ dɔm’g ləm tɔ. Némeeko̰je gə́ teḛ dɔm’g Antiɔs, gə Ikɔnə, gə Listrə ləm, gə nékəmndooje gə́ ram yaa̰ ləm tɔ lé i gər gao ya tɔ. Nɛ Mbaidɔmbaije taa dɔm ya.

Piləmɔ̰ 1:9

nɛ ma Pool gə́ m’to ɓuga dəw ləm, saar ɓogənè kara m’isi daŋgai’g mbata lə Jeju Kristi ləm tɔ lé ma m’ra ne ndòo rɔi’g gə goo meenoji ɓa.

Ǝbrəje 10:34

Tɔgərɔ ya seḭ ooje kəmtondoo lə daŋgaije ləm, loo gə́ deḛ tuji néje lə sí ndá seḭ raje rɔlel dɔ’g ləm tɔ mbata seḭ gərje gao, nébaoje lə sí gə́ maji unda gə́ to gə no̰ lé to gən.