2 Njé gə́ Kɔrḭtə 11:21 - Maktub gə́ To gə Kəmee

²¹ Ta nee ɓa ma m’pa m’ila ne rɔkul dɔ síjeḛ’g ya mbata jeḛ lé nai gə́ njérəmje mbuna sí’g. Nɛ lé bèe kara ɓó lé dəw kára aw gə né gə mba ti rəa dɔ’g ndá ma kara m’aw gə né mba ti ne rɔm dɔ’g tɔ. (Ta neelé m’pa asəna gə dəw gə́ ndilee igee lé tɔ).

2 Njé gə́ Kɔrḭtə 11:21 ပူးပေါင်းရင်းမြစ်များ

2 Njé gə́ Kɔrḭtə 10:10

Mbata njé gə́ na̰je pana: Maktubje ləm lé ta gə́ nuŋga so ɓa to keneŋ, nɛ loo gə́ ma m’aar gə darɔm kəm sí’g ndá ma m’aar asəna gə yɔ-dəw ləm, tapam kara kul kwɔji-kwɔji ləm tɔ.

2 Njé gə́ Kɔrḭtə 11:1

Oiyo, ta gə́ m’a gə pa lé lé seḭ ooje gə́ ta mbə lam kara ma m’ndigi kar sí taaje ya. Ma m’gər gao seḭ a taaje ya.

2 Njé gə́ Kɔrḭtə 11:17

Loo gə́ ma m’pata gə́ nuŋga so m’ti ne rɔm lé to tapa dəw gə́ ndilee igee ɓó to gə goo torndu Mbaidɔmbaije el.

2 Njé gə́ Kɔrḭtə 13:10

Gelee gə́ nee ɓa, ma gə́ m’godo mbuna sí’g ɓasinè lé ma m’ndaŋg maktub nee m’ar sí mba kar loo gə́ m’a teḛ mbuna sí’g ndá m’a koo loo mba ra sə sí kədərə el, ndukun gə́ Mbaidɔmbaije un am lé to gə mba rɔd sí ne ɓó gə mba tuji sí ne el.

2 Njé gə́ Kɔrḭtə 6:8

Jeḛ nduba rɔ sí kà əsé jeḛ ndəm rɔ sí səm ləm, deḛ ɓar ri sí gə́ majee əsé majel ləm tɔ. Jeḛ n’to kankəm dəwje ya nɛ deḛ d’oo sí gə́ njéŋgɔmje ləm,