2 Njé gə́ Kɔrḭtə 11:20 - Maktub gə́ To gə Kəmee

²⁰ Ɓó lé deḛ d’wa sí ɓər əsé deḛ rum sí əsé deḛ ɓogo sí əsé deḛ d’uba dɔ sí d’isi tar əsé deḛ kunda kwɔji sí kara yee ɓa seḭ ndigije ya.

2 Njé gə́ Kɔrḭtə 11:20 ပူးပေါင်းရင်းမြစ်များ

Esai 50:6

M’tel girm m’ila m’ar deḛ gə́ njékṵdamje ləm, M’ila mbɔrm m’ar deḛ gə́ njétɔr mbaitamje ləm tɔ, M’o̰ kəm gə né Mbata rɔkulje gə́ d’ila dɔm’g Esé yiro gə́ tibi kəm’g lé el.

Nɔ̰-ndôo gə́ wɔji dɔ Jerusalem 3:30

Yeḛ a tel kwɔjee Mba kar dəw gə́ njekṵdá ləm, Ta rɔkul gə́ d’ɔm dəa’g lé Yeḛ a taa taree kɔm dəa’g ləm tɔ.

Mark 12:40

Deḛ to njérum né mee kəi’g lə njékəisiŋgaje rum-rum ləm, deḛ ra tamaji kuree əw rab ne rɔ dee kəm dəwje’g ləm tɔ. Deḛje neelé ta gə́ d’a gə kɔr kila dɔ dee’g lé a kal dɔ loo sula.

Lugu 6:29

Ɓó lé dəw unda mbɔri gə́ kel kára ndá tel nje gə́ kel kára ila aree unda tɔ. Ɓó lé dəw a kɔr kubu ləi gə́ boi yul rɔi’g ndá tel aree kubu-kaar ləi gə́ raŋg dɔ’g ɓəi tɔ.

1 Njé gə́ Kɔrḭtə 4:11

Jeḛ lé saar ɓasinè kara ɓoo biri sí ləm, gə kṵdaman ula kəm sí ndòo ləma, j’aw gə kudu sí dum ləm tɔ: deḛ kunda kwɔji sí ləm, j’ila tar mbir-mbir gə́ yo gə nee ləm tɔ.

2 Njé gə́ Kɔrḭtə 1:24

Jeḛ lé n’ra sə sí rɔlel dɔ meekun’g lə sí gə́ seḭ aarje keneŋ njaŋg ɓó jeḛ saŋg gə mba jaŋ sí dɔ’g el.

2 Njé gə́ Kɔrḭtə 10:5

Nérɔje lə sí lé jeḛ j’unda ne tamaḭje gə nébeeléje lə dəwje gə́ ḭ udu rəw ɔg dee gər ta lə Ala j’unda dee ne naŋg rə̰dəŋ-rə̰dəŋ ləm, takə̰ji lə dəwje lai lé jeḛ n’kiri dee j’wa dee j’ar dee d’oso kul no̰ Kristi’g ləm tɔ.

2 Njé gə́ Kɔrḭtə 11:3

Nɛ lé bèe kara ma m’ɓəl nà banelə to gə́ li ra gosɔyèr su ne kəm Ebe su-su lé takə̰jije lə sí kara a kar sí ndəmje ne kar sí ubaje ne ta lə Kristi gə́ seḭ ndaje meḛ sí kaḭ dəa’g lé kya̰je.

2 Njé gə́ Kɔrḭtə 12:16

Oiyo, ndòo né gə́ ram lé m’aw kabee ji sí’g el, nɛ ma dəw gə́ njegoso lé goso ləm ɓa ma m’taa sí ne! ...

Njé gə́ Galati 2:4

Ta neelé oso mbata lə njé gə́ na̰je gə́ d’wa rɔ dee gə́ ŋgako̰ síje nɛ deḛ to gə́ njéhulaije gə́ d’andə mbuna sí’g gə ŋgəḭ ɓa, mba ŋgəḭ sí koo ŋgonkoji gə́ Jeju ɔm sí ne ta lé, yee ɓa deḛ ra gə mba kwa sí ne gə́ ɓər gogo ɓəi tɔ.

Njé gə́ Galati 4:25

Mbata Agar lé to asəna gə mbal gə́ Sinai mee ɓeeko̰ gə́ Arabi, yee ɓa wɔji dɔ Jerusalem gə́ ɓasinè gə́ si gin ɓər’g gə ŋganeeje na̰’d lé.

Njé gə́ Galati 4:3

Togə́bè ɓa jeḛ kara loo gə́ jeḛ nai ŋganje gə́ gɔ ɓəi lé j’isi gə́ ɓərje gin néje gə́ əḭ el gə́ dɔ naŋg neelé tɔ.

Njé gə́ Galati 4:9

Nɛ ɓasinè to gə́ seḭ gərje Ala mba̰, əsé to gə́ yeḛ nja ɓa gər sí lé ŋga see ban ɓa seḭ telje gə́ dan néje gə́ gə mḭdé ba gə́ dɔtar mba kwaje ne rɔ sí ɓərje keneŋ tɔɓəi wa.

Njé gə́ Galati 5:1

Kristi ɔr sí dan ɓər’g mba kar sí j’isi gə́ ŋgankojije ya. Bèe ndá sije keneŋ njaŋg ɓó ar deeje tel d’ila sí pəgərə gin ɓər’g lé el ŋga.

Njé gə́ Galati 5:10

Ma lé m’ɔm məəm dɔ sí’g gin Mbaidɔmbaije’g m’oo to gə́ takə̰jije lə sí a to ne ɓəd el. Nɛ dəw gə́ njebəg sí lé ɓó lé to gə́ nana kara bo̰ nérea a kɔs təa’g bɔsɔrɔ ya.

Njé gə́ Galati 6:12

Deḛ lai gə́ ndigi kar néra dee gə́ wɔji dɔ darɔ taa kəm dəwje lé deḛ bəg sí mba kar sí injaje tamɔd sí mbata né kára ba ɓa gə mba kar néurti teḛ dɔ dee’g mbata kag-dəs lə Kristi el.

Njé gə́ Pilibə 3:19

Bo̰ néra dee gə́ a kɔs ta dee’g lé yee ɓa to tuji gə́ d’a tuji ne gə no̰ ya. Golé meḛ dee ɓa gə́ Ala lə dee ləm, nérɔkul gə́ deḛ ra lé deḛ beelé dɔ’g ləma, néje gə́ dɔ naŋg ya kára ba ɓa wa meḛ dee ləm tɔ.

1 Njé gə́ Tesalonikə 2:5

Seḭ gərje gao, jeḛ lé ndɔ kára kara jeḛ lèbè kəm dəw el ləm, j’unda meḛ sí dɔ né’g lə dəw el ləm tɔ. Ala ɓa oo gée gao ya.