2 Njé gə́ Kɔrḭtə 10:5 - Maktub gə́ To gə Kəmee

⁵ Nérɔje lə sí lé jeḛ j’unda ne tamaḭje gə nébeeléje lə dəwje gə́ ḭ udu rəw ɔg dee gər ta lə Ala j’unda dee ne naŋg rə̰dəŋ-rə̰dəŋ ləm, takə̰ji lə dəwje lai lé jeḛ n’kiri dee j’wa dee j’ar dee d’oso kul no̰ Kristi’g ləm tɔ.

2 Njé gə́ Kɔrḭtə 10:5 ပူးပေါင်းရင်းမြစ်များ

Gḭ-Néje 8:21

Njesigənea̰ taa baḭ né gə́ ə̰də lel ndá yeḛ pa mée’g pana: M’a Man naŋg neelé gə mbata lə dəw lé gogo el ŋga, mbata dəw lé un kudee gə́ kasee ba saar gə́ kédé-kédé lé takə̰ji gə́ mée’g majel ya, tɔɓəi m’a tel tuji néje lai gə́ d’aw kəmba lé to gə́ m’ra kédé lé el ŋga tɔ.

2 Mbaije 19:22

See na̰ ɓa i tajee ila ne ndɔl dəa’g wa. See na̰ ɓa i ndɔḭ ndui dəa’g ləm, I teḛ kəmi bəsəsə dəa’g ləm wa. Dɔm ma gə́ m’to Njerɔkunda lə Israɛlje lé ya wa.

2 Mbaije 19:28

Mbata məəi ḭ səi jugugu dɔ neḛ’g ya Ar ta beelé ləi aw njal oso mbi neḛ’g tɔ. Ndá n’a kula niŋga lə neḛ əmi’g ləm, Gə kéŋgəlé lə neḛ tai’g ləm tɔ, Tɔɓəi n’a kari tel gə rəw gə́ i ḭ keneŋ ree lé ya.

Maktub gə́ wɔji dɔ Jɔb 42:6

Gelee gə́ nee ɓa ma m’gaŋgta dɔ rɔm’g m’wa ne ndòo rɔm Dan babur’g ləm, gə dan bu pər’g ləm tɔ.

Pakɔsje 10:4

Njemeeyèr lé pa gə kəsta pana: Ala a kar bo̰ néra neḛ ɔs ta neḛ’g el. Ala si gən pai godo. Takə̰ji ləa ya lai nee ndá.

Pakɔsje 139:2

I oo loo kisi naŋg ləm ləm, gə loo kḭ tar ləm ləm tɔ, Takə̰ji ləm gə́ nai əw ɓəi lé i oo gao ya.

Pakɔsje 18:27

Dəw gə́ àr ŋgad-ŋgad lé ndá I nja kara àr səa ŋgad-ŋgad ya ləm, Yeḛ gə́ njera némeeyèr lé kara I ra səa gə goo némeeyèr ləa ya ləm tɔ.

Pakɔsje 18:44

I ɔrm mbuna koso-dəwje gə́ njémaḭtaje’g ləm, I undam gə́ mbai dɔ ginkoji dəwje gə raŋg ləm tɔ. Dəwje gə́ m’gər dee kédé el lé ra kula d’am.

Teḛ-Raga 5:2

Parao̰ ila dee keneŋ pana: See Njesigənea̰ to gə́ na̰ ɓa m’a kila ŋgonkoji dɔ tapea’g mba kya̰ ne Israɛlje kar dee d’aw wa. Njesigənea̰ lé ma m’gəree el ləm, m’a kya̰ Israɛlje kar dee d’aw bèe el ləm tɔ.

Gosota-Kəmkàrje 15:26

Takə̰jije gə́ majel to né gə́ mina̰ kəm Njesigənea̰’g, Nɛ taje gə́ maji lé to né gə́ àr ŋgad-ŋgad kəmee’g tɔ.

Gosota-Kəmkàrje 24:9

Takə̰ji lə mbə lé wɔji dɔ kaiya ya goo kára ba, Yeḛ gə́ njekula sul dɔ loo’g lé to né gə́ mina̰ mbuna dəwje’g tɔ.

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

Esai 59:7

Gɔl dee un dee pélè-pélè Gə́ dɔ néra gə́ majel’g ləm, D’ɔs rɔ dee ɓad Gə mba kila məs dəw gə́ ta wa dəa el lé ləm tɔ, Takə̰jije lə dee to takə̰ji néra gə́ kori-kori ləm, Tuji gə tuji-boo to rəw-kaw dee’g ləm tɔ.

Esai 60:14

Ŋgalə njékula kəmi ndooje lé D’a ree kula dɔ dee naŋg nɔḭ’g ləm, Deḛ lai gə́ d’ḛjii bəḭ-bəḭ lé D’a ree kunda barmba gin gɔli’g ləm tɔ. D’a ɓari ɓee-boo lə Njesigənea̰, Sio̰ lə Njerɔkunda lə Israɛlje.

Jeremi 23:29

Njesigənea̰ pana: See ta lə neḛ to asəna gə pər Esé mo̰ gə́ tɔ ne kɔr mbal bèe el wa.

Jeremi 4:14

Seḭ gə́ Jerusalem, maji kar sí togoje Némajel gə́ to dɔɓəŋgərə sí’g Ɓó gə ajije ne! See saar ndɔ gə́ ra ɓa seḭ a kundaje ŋgaŋ Ŋgəm takə̰jije gə́ majel meḛ sí’g wa.

Ejekel 17:24

Yen ɓa kagje lai gə́ mee wala’g d’a gər ne to gə́ neḛ Njesigənea̰ lé kag gə́ ŋgal ɓèreŋ lé n’aree rəm gwɔji ləm, kag gə́ gwɔji lé n’aree ḭ ŋgal ɓèreŋ-ɓèreŋ ləm tɔ, kag gə́ idi pug-pug lé n’aree tudu kurum-kurum ləm, kag gə́ tudu kurum-kurum lé n’aree idi pug-pug ləm tɔ. Neḛ Njesigənea̰ m’pata ndá n’a ra née ya.

Matiyo 15:19

Mbata takə̰ji gə́ majel ləm, gə tɔl gə́ dəw tɔl maree ləm, gə mɔdkaiya ləm, gə kaw gə́ balgogé ləm, gə ɓogo ləm, gə ta gə́ kɔr gaŋg dəa badə-badə ləma, gə tɔr maji rɔ mari’g rɔd-rɔd ləm tɔ lé to néje d’ḭ mee dəw’g gə́ kəi.

Lugu 1:51

Jia ɓar mèr-mèr, Yeḛ jané njébeeleje dɔ kəstaje’g lə dee kad-kad.

Njé gə́ Rɔmə 1:21

mbata deḛ gər Ala lé gao ya nɛ rɔnduba gə́ wɔji dəa lé d’ula dəa’g el ləm, deḛ rəa oiyo el ləm tɔ. Takə̰ji lə deḛ gə́ gə mḭdé ba lé uru dee wala ləm, kəmkàr gə́ godo meḛ dee’g lé ar meḛ dee ndul ne njudu-njudu ləm tɔ.

Njé gə́ Rɔmə 1:5

Yee ɓa gə́ Jeju Kristi Mbaidɔmbaije lə síjeḛ. Mbɔl dəa-yeḛ nja ɓa j’isi ne dan noji’g ləm, j’iŋga ne kula ra njékaḭkulaje lé ləm tɔ mba kɔr ne ginkoji dəwje gə raŋg gə́ njépole-magəje ree ne sə dee kar dee d’un ne meḛ dee d’ila ne ŋgonkoji dəa’g mba kar ria ɓar ne.

Njé gə́ Rɔmə 16:26

nɛ ɓasinè ta gə́ njéteggintaje ndaŋg lé riba dəa təsərə gə goo ndukun lə Ala gə́ njesikəmba lé ləm, ar ginkoji dəwje gə raŋg lai-lai d’oo mba kar dee d’un ne meḛ dee d’ila ne ŋgonkoji dəa’g ləm tɔ lé

Njé gə́ Rɔmə 7:23

nɛ ma m’oo godndu gə́ raŋg gə́ ra kula dəb rɔm’g ɔs kaar godndu gə́ takə̰ji ləm ndigi lé ləm, wam ne ɓər ilam ne rəw’g lə kaiya gə́ ḭ kwɔim’g ne nja ləm tɔ.

1 Njé gə́ Kɔrḭtə 1:19

To gə́ ndaŋg mee maktub’g pana: N’a tuji kəmkàr lə njékəmkàrje ləm, N’a sané gosonégər lə njégosonégərje ləm tɔ.

1 Njé gə́ Kɔrḭtə 3:19

Mbata kəmkàr gə́ dɔ naŋg nee to gə́ némbə kəm Ala’g lé to gə́ ndaŋg taree mee maktub’g pana: Yeḛ wa ta njékəmkàrje dɔ goso’g lə dee.

2 Njé gə́ Kɔrḭtə 11:20

Ɓó lé deḛ d’wa sí ɓər əsé deḛ rum sí əsé deḛ ɓogo sí əsé deḛ d’uba dɔ sí d’isi tar əsé deḛ kunda kwɔji sí kara yee ɓa seḭ ndigije ya.

2 Njé gə́ Kɔrḭtə 9:13

Togə́bè ɓa, seḭ undaje rɔ nojikwa lə sí lé ya, Tagə́maji lə Kristi gə́ seḭ taaje gə meḛ sí ilaje ne ŋgonkoji dɔ’g ləm, gə nojikwa lə sí gə́ seḭ waje sə dee-deḛ gə dəwje lai ɓó turaje sə dee gée el ləm tɔ lé yee ɓa deḛ d’ula ne rɔnduba dɔ Ala’g ya.

Tel tura Godndu 15:9

Undaje kəmkàr dɔ rɔ sí’g nà meeyèr a taa meḛ sí kar sí pajena: Ləb gə́ njekɔm’g siri gə́ to ləb kɔr ɓaŋg lé sí ree dəb ŋga! Undaje kəmkàr dɔ rɔ sí’g nà a kulaje kəm sí na̰’d sir dɔ ŋgoko̰ sí’d gə́ njendoo lé gə mba kɔgee ne né. Yeḛ a no̰ rəa dɔ sí’g no̰ Njesigənea̰’g ndá ta a kwa dɔ sí.

Njé gə́ Pilibə 4:7

Bèe ndá meekulɔm lə Ala gə́ dum kḛji lé a kaḭ ŋgaŋ takə̰ji gə́ meḛ sí-seḭ gə́ ɔmje na̰’d gin Jeju Kristi lé.

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.

2 Njé gə́ Tesalonikə 2:8

Ndəa neelé, yeḛ gə́ njekɔs Ala rəw lé a nduba rəa gə́ raga, nɛ lel ta Mbaidɔmbaije gə́ a tó dəa’g pu lé a tujee ne ləm, rɔnduba gə́ wɔji dɔ ndɔ ree ləa lé a guree naŋg rug-rug ləm tɔ.

Ǝbrəje 4:12

Mbata ta lə Ala lé to ta gə́ kəmba gə́ ɓar mḭ yaa̰, adə yaa̰ unda kiambas gə́ rara gə́ ŋgaŋgee joo ndá yee ta̰ mbuna kankəmrɔ gə ndil ləm, mbuna siŋga gə ubee mée’g ləm tɔ, yee teg takə̰ji lə dəw gə́ mée’g tɔ.

Ǝbrəje 5:9

Yee ɓa, loo gə́ yeḛ to ne dəw gə́ maji ɔr njoroŋ ɓəi ndá yeḛ tel tum ne gin kaji gə́ a to gə no̰ mbata lə deḛ lai gə́ d’ila ŋgonkoji dəa’g lé.

1 Piɛrə 1:2

deḛ gə́ Ala Bɔ síje kuma̰ dee mée’g mbər dee ləm, gə Ndil kara ɔr dee kəmee’g, mbər dee ne ləm tɔ, mba kar dee d’ila ŋgonkoji dɔ Jeju Kristi’g mba kar məsee gə́ saa dɔ naŋg neelé wɔji dɔ dee-deḛ ya. Maji kar noji gə meelɔm uru na̰ gə gɔlee gə́ dɔ sí’g dɔ sí’g.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.