2 Njé gə́ Kɔrḭtə 10:4 - Maktub gə́ To gə Kəmee

⁴ Tɔgərɔ ya, nérɔje lə síjeḛ lé to gə́ ka̰ njé gə́ naŋg nee el nɛ nérɔje lə sí lé Ala nja ar dee to nérɔje gə́ gə siŋga dee mba kunda kəi-kaar-kɔgərɔje lə dee naŋg rə̰dəŋ-rə̰dəŋ.

2 Njé gə́ Kɔrḭtə 10:4 ပူးပေါင်းရင်းမြစ်များ

Pakɔsje 110:2

Njesigənea̰ a kar kag-mbai siŋgamoŋ ləi Ḭ ɓee gə́ Sio̰ aw əw! Maji kari dum ne dɔ njéba̰je ləi gə́ gugu dɔi sub ya.

Esai 30:25

Dɔ mbalje lai gə́ ŋgal léŋgé-léŋgé ləm, Gə dɔdərlooje gə́ ḭtar gə́ rara kara ləm tɔ lé Man baaje gə kəm-rəw-manje d’a to keneŋ Ndɔ ndum dəwje mburug-mburug ləm, Loo gə́ kəi-kaar-kɔgərɔje gə́ duu dɔ loo d’a təd ləm tɔ.

Jeremi 1:10

Oo maji, ɓogənè m’ɔri M’undai dɔ ginkoji dəwje gə raŋg’g ləm, Gə dɔ ɓeeko̰je ləm tɔ Gə mba kari tɔr dee təd dee rém-rém ləm, Gə mba kari tuji dee pugudu-pugudu Unda dee naŋg rə̰dəŋ-rə̰dəŋ ləma, Gə mba kari unda dee tar gə a ma̰a dee ləm tɔ.

Jeremi 23:29

Njesigənea̰ pana: See ta lə neḛ to asəna gə pər Esé mo̰ gə́ tɔ ne kɔr mbal bèe el wa.

Néra Njékaḭkulaje 7:22

Deḛ ndoo Moyis gosɔkəmkàr lə njé gə́ Ejiptə lai, aree moŋg dɔ ta’g ləm, gə dɔ néra’g ləm tɔ.

Njé gə́ Rɔmə 13:12

Loondul si sané ar ta lookàr nai dəb ŋga. Bèe ndá ar sí n’juraje néraje lə loondul lé rɔ sí’g gə́ gogo, j’ya̰je j’odoje néraje lə lookàr j’ɔmje rɔ sí’g tɔ.

Njé gə́ Rɔmə 6:13

Ya̰je dəb rɔ sí arje kaiya gə mba kar dee tel to gel nékulaje lə néra gə́ ndɔji pɔdɔdɔ el. Seḭ gə́ wəije nɛ seḭ tel sije kəmba gogo lé unje rɔ sí bura arje Ala mba kar dəb rɔ sí to ne gel nékulaje gə́ ka̰ meekarabasur lé.

1 Njé gə́ Kɔrḭtə 2:5

mba kar meekun lə sí lé nduna ne rəa kaar siŋgamoŋ’g lə Ala ɓó kaar kəmkàr’g lə dəwje el.

1 Njé gə́ Kɔrḭtə 9:7

See njerɔ gə́ ra ɓa si aw gə́ rɔ’g ŋga a kun lar ləa-yeḛ nja tɔɓəi gə mba tel kuga né dɔ jia wa. See na̰ ɓa ma̰a nduú ŋga a lal sɔ ka̰dee wa. Esé see na̰ ɓa ul nékulje ŋga a lal kai mbà dee wa.

2 Njé gə́ Kɔrḭtə 10:8

Ɓó lé m’ti rɔm bəl dɔ ndu gə́ Mbaidɔmbaije un am mba kar rɔ sí ɔs ne ar sí undaje ne siŋga sí dɔ maree’g ɓó mba tuji sí ne el ndá m’a ra né kəmkul el.

2 Njé gə́ Kɔrḭtə 13:10

Gelee gə́ nee ɓa, ma gə́ m’godo mbuna sí’g ɓasinè lé ma m’ndaŋg maktub nee m’ar sí mba kar loo gə́ m’a teḛ mbuna sí’g ndá m’a koo loo mba ra sə sí kədərə el, ndukun gə́ Mbaidɔmbaije un am lé to gə mba rɔd sí ne ɓó gə mba tuji sí ne el.

2 Njé gə́ Kɔrḭtə 3:5

Jeḛ lé j’askəm kwɔji né kára kara gə dɔrɔ sí el nɛ né gə́ rara gə́ to rɔ sí’g lé ḭ rɔ Ala’g ya.

2 Njé gə́ Kɔrḭtə 4:7

Nébao neelé jeḛ j’odo gə́ jo-ɓan mba kar dee gər gao siŋgamoŋ neelé to gə́ ka̰ Ala ɓó to gə́ ka̰ síjeḛ el.

2 Njé gə́ Kɔrḭtə 6:7

j’ila mber kankəmta ləm, siŋgamoŋ lə sí ḭ rɔ Ala’g ləma, meekarabasur lé to gə́ nérɔje gə́ ka̰ rɔ ne, gə ka̰ ko̰ ne rɔ sí ləm tɔ.

1 Njé gə́ Tesalonikə 5:8

Nɛ jeḛ gə́ n’toje ŋgan lookàr lé ar sí j’undaje kəmkàr dɔ rɔ sí’g j’ar meekun lə sí gə meenoji lə sí lé to kubu-rɔ gə́ ŋgira kiŋ-kiŋ gə́ j’ula rɔ sí’g ləm, j’ar meḛ sí gə́ to yel dɔ kaji’g lé to dɔgugu gə́ j’ula dɔ sí’g ləm tɔ.

1 Timote 1:18

Ŋgonəm Timote, ta gə́ m’tɔgi ne neelé to gə́ goo ta gə́ deḛ tegginee d’wɔji ne dɔi kédé lé to mba kar ta nee to kag gədi kari to ne bao-rɔ gə́ gəd ya ləm,

2 Timote 2:3

Ula rɔi ndubu səm na̰’d asəna gə njerɔ lə Jeju Kristi gə́ maji ya.

Ǝbrəje 11:30

Meekun lé ɓa ndògo-bɔrɔ gə́ d’ilá gugu ne dɔ Jeriko unda ne naŋg loo gə́ deḛ njaa gugu ne dəa as ndɔ siri lé.

Jujé 6:20

Yen ŋga koso-dəwje lé d’ɔm lul rɔ u-u-u ləm, njékinjanéməsje kara d’im to̰to̰ ləm tɔ. Loo gə́ koso-dəwje d’oo ndu to̰to̰ gə́ ɓar ndá deḛ d’ɔm lul rɔ u-u-u gə ndu dee gə́ boi ndá ndògo-bɔrɔ lé təd unda naŋg rib, koso-dəwje lé nana kara andə aw mee ɓee’g dəa gə́ kédé njoroŋ. Deḛ taa ɓee-boo neelé tɔ.