2 Njé gə́ Kɔrḭtə 10:13 - Maktub gə́ To gə Kəmee

¹³ Nɛ jeḛ lé jeḛ ndigi ti rɔ sí karee al dɔ loo el. Jeḛ lé loo kula gə́ Ala unda kəmee ar sí j’aw ne saar n’teḛ ne rɔ sí’g lé yee ɓa, jeḛ j’a ti ne rɔ sí dɔ’g ya.

2 Njé gə́ Kɔrḭtə 10:13 ပူးပေါင်းရင်းမြစ်များ

Pakɔsje 19:4

Taree neelé to gə́ takɔji dəwje əsé to tapa dee ɓa Ndia a lal koso mbi dee’g el.

Gosota-Kəmkàrje 25:14

Dəw gə́ ti rəa gə mḭdé ba dɔ nénoji gə́ yeḛ ɓa ar dəwje lé To asəna gə kil lə ndi gə lel gə́ ula lal mán ndi bèe.

Esai 28:17

M’a kar né gə́ danasur to kúla-kwɔji-né ləm, Gə néra gə́ gə dɔ najee a to nékwɔji maree ləm tɔ. Nɛ ndi-kwɔji a tuji njo̰loo-kula-dɔ gə́ ŋgɔm lé ləm, Man-kunda a tur dɔ nékɔn-rɔ Gə́ to néra gə́ gə goo rəbee el lé ləm tɔ.

Matiyo 25:15

Kura ləa gə́ kára lé yeḛ aree ŋgan larlɔr mi, njekɔm’g joo lé yeḛ aree ŋgan larlɔr joo, njekɔm’g munda lé yeḛ aree ŋgon larlɔr kára tɔ, ar dee wɔji ne dɔ rɔ dee rɔ dee ɓa ɔd aw ɓəi.

Njé gə́ Rɔmə 10:18

Nɛ ma m’pana: See Israɛlje d’oo ta neelé el wa. Deḛ d’oo ya. Ndu dee ɓar ɔr rudu naŋg nee rɔd ya ləm, Ta lə dee ɔr gwɔi naŋg nee njal ləm tɔ.

Njé gə́ Rɔmə 12:3

Mbɔl dɔ noji gə́ Ala wa səm lé m’ndəji sí mba kar dəw kára kara mbuna sí’g to gə́ njekəsta kwɔji dɔ rəa-yeḛ el, nɛ maji kar sí-seḭ lai ə̰jije goo kula ra sí gə takə̰jije gə́ as lée ɓa gə goo meekun lə sí gə́ Ala wɔji ar sí lé.

Njé gə́ Rɔmə 12:6

To gə́ j’isi gə nénojije ɓəd-ɓəd gə́ Ala wa ne sə sí noji ndá maji kar yeḛ gə́ si gə nénoji gə́ ka̰ tegginta lé loo gə́ meekun ləa as lée ndá maji karee tegginta lə Ala lé tɔ.

Njé gə́ Rɔmə 15:20

Loo gə́ ri Kristi ɓar keneŋ el ɓəi lé yee ɓa ma m’wɔji məəm’g mba kaw kila mber tagə́maji keneŋ ɓó gə mba rɔd ne kəi dɔ gin kəi gə́ dəw gə́ raŋg tum lé el, to gə goo ta gə́ ndaŋg mee maktub’g pana:

1 Njé gə́ Kɔrḭtə 12:11

Néje lai neelé to kula ra Ndil gə́ kára ba kiao neelé ya. Nénojije lé yeḛ kai ar nana kara aree to gə́ mée-yeḛ ndigi.

Njé gə́ Epesə 4:7

Nɛ gosonégər gə́ Ala wa ne sə sí noji lé jeḛ kára-kára lai j’iŋga gə loo kwɔjee gə́ Kristi ɓa wɔji ar sí.

1 Piɛrə 4:10

Nana ɓa gə́ Ala aree nénoji lé ndá maji karee ar mareeje mbo̰ səa na̰ dɔ’g. Togə́bè ɓa seḭ a toje ne kankəm njékaa dɔ nénojije lə Ala gə́ ɓəd-ɓəd lé ya.