2 Njé gə́ Kɔrḭtə 10:12 - Maktub gə́ To gə Kəmee

¹² Tɔgərɔ ya, njé gə́ na̰je mbuna deḛ gə́ pidi rɔ dee mbuna sí’g lé jeḛ j’as koo rɔ sí as gə ka̰ dee-deḛ el ləm, j’as kwa néra sí kwɔji ne néra dee el ləm tɔ. Ɓó lé deḛ nja d’wa rɔ dee d’wɔji ne na̰ ndá kəmkàr na meḛ dee tas.

2 Njé gə́ Kɔrḭtə 10:12 ပူးပေါင်းရင်းမြစ်များ

Maktub gə́ wɔji dɔ Jɔb 12:2

Tɔgərɔ ya, d’a pana: Négər gə́ ka̰ dəw gə́ darɔ’g lé to rɔ sí-seḭ’g ya. To seḭ lé ɓa kəmkàr a kwəi sə sí na̰’d.

Gosota-Kəmkàrje 25:27

Ko̰ ubu tə̰ji yaa̰ lé to maji sur el, Nɛ saŋg rɔnduba lə njé gə́ raŋg lé yee ɓa gə́ nériɓar.

Gosota-Kəmkàrje 26:12

Ɓó lé i oo dəw gə́ oo rəa gə́ njekəmkàr ndá Né gə́ i askəm kunda məəi yel dɔ’g gə mba kiŋga rɔ mbə-dəw’g lé Ur dɔ kea̰-yeḛ’g.

Gosota-Kəmkàrje 27:2

Maji kar dəw gə́ raŋg ɓa pidi ɓó i el ləm, Dəw gə́ raŋg ɓa ɓó tai i el ləm tɔ.

Lugu 18:11

Parisiḛ lé ḭ aar tar gə ŋgalee dana ɗigi-ɗigi, pata gə mée pana: Oiyo Ala, ma m’rai oiyo mbata ma m’to asəna gə gar dəwje gə́ raŋg el. Deḛje neelé to gə́ njétɔ kó mar deeje ləm, gə njéra né gə́ gə goo rəbee elje ləm, gə njéndal mɔdkaiyaje ləma, əsé m’to asəna gə njétaa lar-gədɓee neelé el ləm tɔ.

Njé gə́ Rɔmə 15:18

Tapam gə néram gə́ Kristi ɓa am siŋgam mba kam m’ra gə mba kɔr ne njépole-magəje kar dee d’ila ŋgonkoji dɔ Ala’g lé yee ɓa ma m’pa ɓó né gə́ raŋg el.

2 Njé gə́ Kɔrḭtə 10:11

Maji kar yeḛ gə́ pa togə́bè lé ə̰ji ta mée’g oo to gə́ tapa sí gə́ jeḛ m’pa mee maktub’g gə́ jeḛ ndaŋg loo gə́ jeḛ n’godo rɔ sí’g lé yee ɓa to gə́ néra sí loo gə́ jeḛ j’isi sə sí na̰’d tɔ.

2 Njé gə́ Kɔrḭtə 10:18

Mbata yeḛ gə́ ɔs gaji kula rəa gə dɔrea lé d’a kée gə́ majikoji lé el, nɛ yeḛ gə́ Mbaidɔmbaije ɓa ɔs gaji kula rəa ɓa d’a kée gə́ majikoji ya.

2 Njé gə́ Kɔrḭtə 3:1

See jeḛ j’a tel pidi rɔ sí tɔɓəi wa. Esé see jeḛ j’aw ndòo maktub kɔrginrɔ sí ɓa mba kaw ne rɔ sí-seḭ’g ɓəi əsé mba kḭ ne rɔ sí-seḭ’g kaw ne raŋg ɓəi to gə́ njé gə́ raŋg bèe wa.

2 Njé gə́ Kɔrḭtə 5:12

Jeḛ lé jeḛ m’pidi rɔ sí rɔ sí-seḭ’g gɔl kára tɔɓəi el nɛ j’ya̰ loo j’ar sí gə mba kar sí tije rɔ sí dɔ sí’g. Bèe ɓa deḛ gə́ nduba rɔ dee d’wɔji ne dɔ néje gə́ to darɔ dəw gə́ raga ɓó néje gə́ to mee dəw gə́ kəi’g lé el ndá seḭ a kasjekəm kila deeje keneŋ ya.