2 Njé gə́ Kɔrḭtə 10:1 - Maktub gə́ To gə Kəmee

¹ Ma Pool lé ma m’ra ndòo rɔ sí’g gə goo kaw yururu gə meemaji lə Kristi lé, ma lé loo gə́ m’isi mbuna sí’g ndá m’əḭ kəm sí’g el nɛ loo gə́ m’isi ŋgərəŋ ndá m’tɔg sí pir.

2 Njé gə́ Kɔrḭtə 10:1 ပူးပေါင်းရင်းမြစ်များ

Pakɔsje 45:4

I bao-rɔ lé maji kari tɔ kiambas ləi ɓəri’g ləm, Ula kubu-ɗɔi-rɔ gə rɔnduba rɔi’g ləm tɔ.

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Matiyo 11:29

Ulaje dɔ sí ləm, taaje néməməna̰ ləm ləma, taaje ne ta ləm gə́ m’wɔji sí lé ndaŋgje dɔɓəŋgərə sí’g ləm tɔ mbata ma m’to dəw gə́ kul ləm, m’ula dɔm m’aw yururu ləm tɔ. Togə́bè ɓa seḭ a kiŋgaje loo-kwa-rɔ sí keneŋ.

Matiyo 21:5

Maji kar sí ulaje koso-dəwje gə́ Sio̰ pajena: Aa ooje, mbai lə sí si aw gə́ rɔ sí’g nee, Yeḛ to dəw gə́ kul yururu, uba dɔ mulayḛ̀je gao si’g. To ŋgon mulayḛ̀je gə́ aḭ goo kea̰je gə́ yeḛ uba lé.

Néra Njékaḭkulaje 8:32

Ta gə́ yeḛ tura mee maktub gə́ to gə kəmee lé ɓa to nee: Deḛ ndɔree asəna gə ko̰ badə gə́ d’isi d’aw səa gə́ loo tɔlee’g bèe, Asəna gə ŋgon badə gə́ təa to gə loo ndèmee no̰ deḛ gə́ d’inja bḭyee lé Yeḛ teḛ təa ja̰ el.

Njé gə́ Rɔmə 10:20

Esai kara dəa to̰ keneŋ kəw el aree pana: Deḛ gə́ saŋg neḛ el nɛ deḛ d’iŋga neḛ ləm, Deḛ gə́ dəji neḛ el lé neḛ n’ɔr gin rɔ neḛ n’ar dee ləm tɔ.

Njé gə́ Rɔmə 12:1

Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya.

Njé gə́ Rɔmə 15:15

Ɓó lé m’ndaŋg maktub m’ar sí ɓa m’pata keneŋ nuŋga so ndá ma m’ra mba kolé ne meḛ sí dɔ noji gə́ Ala wa səm

1 Njé gə́ Kɔrḭtə 2:3

Ma nja m’aar no̰ sí’g kédé asəna gə yɔ-dəw ləm, gə njeɓel ləma, gə njekunda bala ləm tɔ.

1 Njé gə́ Kɔrḭtə 4:10

Jeḛ n’to gə́ njénégərelje mbata lə Kristi, seḭ lé seḭ toje njékəmkàrje gin Kristi’g. Jeḛ lé n’toje yɔ-dəwje, nɛ seḭ toje njésiŋgamoŋje. Seḭ lé d’ila riɓar dɔ sí’g ya nɛ jeḛ lé d’ə̰ji sí gə kḛji!

1 Njé gə́ Kɔrḭtə 4:21

See ri ɓa seḭ ndigije wa. See m’a kaw rɔ sí’g gə ndəi əsé m’a kaw rɔ sí’g gə meenoji ləm, gə ndu noji ləm tɔ wa.

2 Njé gə́ Kɔrḭtə 10:10

Mbata njé gə́ na̰je pana: Maktubje ləm lé ta gə́ nuŋga so ɓa to keneŋ, nɛ loo gə́ ma m’aar gə darɔm kəm sí’g ndá ma m’aar asəna gə yɔ-dəw ləm, tapam kara kul kwɔji-kwɔji ləm tɔ.

2 Njé gə́ Kɔrḭtə 10:2

Ma m’ra ndòo rɔ sí’g mba kar loo gə́ m’a gə kisi mbuna sí’g lé seḭ a kilaje meeko̰ dɔm’g karm m’tɔg sí ne pir el. Yee ɓa, ma m’wɔji gə mba ra gə dəwje gə́ na̰je gə́ d’ə̰ji ta meḛ dee’g pana: Né gə́ jeḛ n’ra lé to gə goo ka̰ njé gə́ dɔ naŋg nee.

2 Njé gə́ Kɔrḭtə 10:7

Gir né gə́ raga gə́ seḭ ooje puduru ba lé see to né mba̰ wa. Ɓó lé dəw kára ə̰ji ta mée’g pana: Neḛ n’to ka̰ Kristi ndá maji karee oo gao to gə́ jeḛ kara jeḛ n’to ka̰ Kristi tɔ.

2 Njé gə́ Kɔrḭtə 11:21

Ta nee ɓa ma m’pa m’ila ne rɔkul dɔ síjeḛ’g ya mbata jeḛ lé nai gə́ njérəmje mbuna sí’g. Nɛ lé bèe kara ɓó lé dəw kára aw gə né gə mba ti rəa dɔ’g ndá ma kara m’aw gə né mba ti ne rɔm dɔ’g tɔ. (Ta neelé m’pa asəna gə dəw gə́ ndilee igee lé tɔ).

2 Njé gə́ Kɔrḭtə 11:30

Ɓó lé m’a gə ti rɔm ndá m’a ti rɔm dɔ nérəmje’g ləm ya.

2 Njé gə́ Kɔrḭtə 12:5

M’a ti rɔm dɔ diŋgam neelé tɔgərɔ ya nɛ ma lé gə dɔrɔm ndá m’a ti ne rɔm el nɛ nérəmje ɓa m’a ti ne rɔm dɔ dee’g ɓa.

2 Njé gə́ Kɔrḭtə 3:12

Meḛ sí gə́ j’unda yel dəa’g lé jeḛ n’ti ne rɔ sí guu, jeḛ n’riba ne dəa wagəsa gə raga gə meendakaḭ.

2 Njé gə́ Kɔrḭtə 5:20

Bèe ndá jeḛ lé n’to njenai gə dəwje mba Kristi, jeḛ n’taa ndu Ala m’pa ne ta j’ar dee pana: Jeḛ n’ra ndòo rɔ sí’g gə ri Kristi, maji kar sí ɔmje na̰’d yəg gə Ala ya.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

2 Njé gə́ Kɔrḭtə 7:4

Ma m’ɔm məəm dɔ sí’g jəb-jəb m’ti ne rɔm guu dɔ sí’g. M’isi gə meekulɔm ləm, m’isi gə meendakaḭ dan némeekonje’g lai ləm tɔ.

Njé gə́ Galati 4:13

Seḭ raje səm majel kára kara el. Seḭ gərje gao to gə́ rɔko̰ gə́ oso dɔm’g kédé, yee ɓa gə́ gin kaw gə́ m’aw ne rɔ sí’g dɔtar m’ɔr ne goo Tagə́maji lé m’ar sí ya.

Njé gə́ Galati 5:2

Aa ooje, ma Pool ma m’ula sí təsərə, ɓó lé seḭ a kar deeje d’inja tamɔd sí ndá Kristi a kaskəm ra né kára kara kar sí el ŋga.

Njé gə́ Epesə 3:1

Gelee gə́ nee ɓa, ma Pool m’to ne daŋgai lə Kristi mbata lə sí-seḭ njépole-magəje lé ...

Njé gə́ Epesə 4:1

Ma gə́ m’isi daŋgai’g mbata Mbaidɔmbaije lé ma m’ndəji sí bər-bər mba kar néra sí wa bua kula gə́ yeḛ ɓar sí keneŋ.

Njé gə́ Pilibə 4:5

Maji kar dəwje lai gər sí loo kaw yururu’g lə sí gao ya. Mbaidɔmbaije si aw gə́ nee dəb ŋga.

Njé gə́ Kolosə 1:23

Nɛ kar sí-seḭ naije dan meekun’g lə sí njaŋg, lal yəje rɔ sí keneŋ ləm, meekundayel gə́ wɔji dɔ Tagə́maji gə́ seḭ ooje mba̰ lé seḭ a tɔje pum kubaje kya̰je el ləm tɔ lé yee ɓa gə́ kuma̰. Tagə́maji neelé d’ila mberee d’ar nékundaje lə Ala lai gə́ d’isi gin dara’g d’oo ya ləm, ma Pool kara d’undam gə́ njekɔrgoo gée ya ləm tɔ.

2 Njé gə́ Tesalonikə 3:17

Ma Pool lé lapia gə́ m’ra sí lé m’ra sí gə jim ya. To tor jim-ma ya gə́ ma m’ndaŋg mee maktubje’g ləm lai, tor jim-ma lé to togə́bè ya.

Piləmɔ̰ 1:19

Ma Pool lé ma m’ndaŋg maktub neelé gə jim-ma ya: Ma ya m’a kogai ɓaŋgee ya. Nɛ i lé ar məəi olé dɔ ɓaŋg ləm gə́ to dɔi’g gə́ to darɔi-i lé nja.

Piləmɔ̰ 1:9

nɛ ma Pool gə́ m’to ɓuga dəw ləm, saar ɓogənè kara m’isi daŋgai’g mbata lə Jeju Kristi ləm tɔ lé ma m’ra ne ndòo rɔi’g gə goo meenoji ɓa.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.

Loo gə́ killa rea kəm Ja̰’g 1:9

Ma, ŋgoko̰ si gə́ Ja̰ m’to gə́ njeboaloo-si lə si dan néurti’d gə́ ra si ləm, m’ai məəm sam-sam m’ŋgina sə sí ɓeeko̰ lé gin Jeju’g ləm tɔ. Ma nja m’isi gə karm ba dɔgoré-loo gə́ ria ləa lə Patmos. Ta lə Ala gə́ m’ula dee ləm, gə ginta lə Jeju gə́ m’ɔr ləm tɔ lé yee ɓa m’isi ne gə mbəa.