2 Njé gə́ Kɔrḭtə 1:6 - Maktub gə́ To gə Kəmee

⁶ Ɓó lé j’isi dan némeeko̰’g ndá to gə mba gɔl ne meḛ sí-seḭ ləm, mba kar sí iŋgaje ne kaji ləm tɔ. Esé lé deḛ gɔl meḛ sí d’ar sí j’isi dan meelɔm’g kara yee ɓa to gə mba gɔl ne meḛ sí-seḭ kar meḛ sí to ne lɔm loo gə́ seḭ ilaje meḛ sí po̰-po̰ dan némeeko̰’g gə́ to asəna gə ka̰ síjeḛ lé tɔ.

2 Njé gə́ Kɔrḭtə 1:6 ပူးပေါင်းရင်းမြစ်များ

Néra Njékaḭkulaje 21:5

Nɛ Loo gə́ ndɔ sí aḭ siri mba̰ ndá j’ḭ j’ɔm na̰ rəbə gə mba kaw ndá deḛ lai gə denéje lə dee gə ŋgan deeje dan sí saar d’unda sí gir ɓee gə́ raga. Jeḛ j’ɔs kəji sí naŋg dɔ koŋgo, jeḛ n’ra tamaji lé na̰’d.

Njé gə́ Rɔmə 8:28

Gelee gə́ nee ɓa, jeḛ n’gər gao, dəwje gə́ d’unda Ala dan kəm dee’g, deḛ gə́ Ala ɓar dee gə goo né gə́ yeḛ nja wɔji mée’g lé ndá néje lai gə́ ra dee lé d’a mbo̰ na̰ kiŋga na̰ gə majee dɔ dee’g ya.

2 Njé gə́ Kɔrḭtə 1:4

Yeḛ nja ɓa gə́ njegɔl sí dan némeeko̰ gə́ rara gə́ j’isi danee’g gə mba kar mbɔl dɔ gɔl gə́ yeḛ gɔl meḛ sí lé jeḛ kara j’askəm gɔl ne meḛ mar síje gə́ d’isi dan némeeko̰’g gə́ rara kara gə́ ra dee lé tɔ.

2 Njé gə́ Kɔrḭtə 12:15

Ma lé m’a kḭ gə məəm mba tuji néje ləm gə mbata lə sí ləm, darɔm ya kara m’a tujee gə mbata lə kankəmrɔ sí ləm tɔ. Ɓó lé ma m’unda sí dan kəm’g yaa̰ bèe lé see yee nja a kar goo ndigi gə́ seḭ ndigimje lé a yɔr ne wa.

2 Njé gə́ Kɔrḭtə 5:5

Yeḛ gə́ unda sí mba kar sí né neelé to Ala nja gə́ ar sí Ndilee unda sí ne gə jia.

Njé gə́ Epesə 3:1

Gelee gə́ nee ɓa, ma Pool m’to ne daŋgai lə Kristi mbata lə sí-seḭ njépole-magəje lé ...

Njé gə́ Epesə 3:13

Togə́bè ɓa, ma m’dəji sí mba kar sí arje némeeko̰ gə́ m’ai məəm danee’g sam-sam mbata lə sí lé ar rɔ sí wəi ne keneŋ sululu el, némeekonje neelé d’a tel to nérɔnduba lə sí ya.

Njé gə́ Pilibə 1:19

Mbata ma m’gər gao mbɔl dɔ tamaji gə́ seḭ raje ləm, gə dɔ Ndil lə Jeju Kristi gə́ la səm lé ləm tɔ lé ɓa né neelé a tel ne kajim ya.

2 Timote 2:10

Gelee gə́ nee ɓa, m’wa ne siŋgam kɔgərɔ dɔ néje’g lai mbata lə deḛ gə́ yeḛ mbər dee lé gə mba kar dee-deḛ nja kara d’iŋga kaji gin Jeju Kristi lé na̰’d gə rɔnduba gə́ to gə no̰ lé tɔ.