2 Njé gə́ Kɔrḭtə 1:20 - Maktub gə́ To gə Kəmee

²⁰ Mbata ndukunje lə Ala lai lé to ne njaŋg tɔ. Gelee gə́ nee ɓa jeḛ m’pa gə ria-yeḛ m’pana: Amen, j’ula ne rɔnduba dɔ Ala’g lé.

2 Njé gə́ Kɔrḭtə 1:20 ပူးပေါင်းရင်းမြစ်များ

Gḭ-Néje 22:18

Ginkoji dəwje gə raŋg lai dɔ naŋg nee lé d’a kiŋga dɔkaisəgərə rɔ ŋgakaije’g mbata i lé njaa gə ŋgonkoji dɔ ta’g ləm ya.

Gḭ-Néje 3:15

M’a kar ba̰ to mbuna sí-seḭ gə dené’g ləm, Gə mbuna ŋgakaije gə ŋgakea-yeḛje’g ləm tɔ. Yeḛ a rəd dɔi naŋg Ndá i a to̰ gel gɔlee tɔ.

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

Pakɔsje 102:16

Yen ŋga ginkoji dəwje gə raŋg d’a ɓəl ne ri Njesigənea̰ ləm, Mbaije lai gə́ dɔ naŋg neelé kara D’a ɓəl rɔnduba ləi lé ya ləm tɔ.

Pakɔsje 72:17

Ria a ɓar saar-saar to gə́ kàr to ne saar-saar gə no̰ bèe ləm, Ria-yeḛ lé d’a tɔr ne ndu dee dɔ na̰’g ləma, Ginkoji dəwje gə raŋg lé d’a pana: Yeḛ lé to njerɔlel ləm tɔ.

Esai 65:16

Yeḛ gə́ a ndiŋga rəa Mba kiŋga ndutɔr mee ɓee’g neelé Yeḛ a ndiŋga rəa kar Ala gə́ tɔgərɔ Ɓa tɔr ndia dəa’g, Yeḛ a kubu rəa mee ɓee’g nee Ndá a kubu rəa gə ri Ala gə́ tɔgərɔ ya tɔ. Mbata nékəmndoo gə́ ləw lé Meḛ dəwje a kwəi dɔ’g ləm, D’a kiya rɔ dee kəm’g kág ləm tɔ.

Esai 7:14

Gelee gə́ nee ɓa Mbaidɔmbaije ya a kar sí nétɔji. Aa ooje, ŋgoma̰də a taa kèm ndá a koji ŋgon gə́ diŋgam. Tɔɓəi yeḛ a kunda ria lə Emanuɛl (kɔr gelee pana: Ala nai sə síjeḛ).

Matiyo 6:13

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Lugu 2:14

Ulaje rɔnduba dɔ Ala’g lé, seḭ gə́ síje mee dara’g lé Deḛ gə́ dɔ naŋg nee gə́ taa kəmee rəgm lé d’a sí ne dan meekulɔm’g tɔ.

Tagə́maji gə́ Ja̰ ndang 1:17

Mbata ləw lé Moyis ree gə godndu ar sí nɛ noji gə kankəmta lé Jeju Kristi ɓa ree ne.

Tagə́maji gə́ Ja̰ ndang 14:6

Jeju ilá’g pana: Ma nja m’to gə́ rəw lé ləm, gə kankəmta lé ləma, gə kəmə lé ləm tɔ. Lé dəw gə́ rara ɓa ree gə rəw gə́ rɔm’g el kara yeḛ a teḛ rɔ Bɔm’g el tɔ.

Tagə́maji gə́ Ja̰ ndang 3:5

Jeju tel ilá keneŋ pana: Ma m’ulai təsərə ya, ɓó lé mán gə ndil to gə́ gin koji dəw el ndá yeḛ a kaskəm kula dəa ɓeeko̰’g lə Ala wɔr el.

Njé gə́ Rɔmə 11:36

Yeḛ nja ɓa néje lai ḭ rəa’g ləm, mbɔl dəa ɓa néje lai to gən ləma, néje lai to gə mba kila riɓar dəa’g ləm tɔ. Maji kula rɔnduba dəa’g gə ləbee-ləbee saar-saar gə no̰. Amen!

Njé gə́ Rɔmə 6:23

Mbata nékoga dɔ ji kaiya lé to yoo, nɛ nojikwa lə Ala gə́ yeḛ wa sə sí lé to kəmə gə́ gə no̰ lé gə́ j’a kiŋga loo kɔm na̰’d gə Jeju Kristi Mbaidɔmbaije lə síjeḛ lé.

1 Njé gə́ Kɔrḭtə 14:16

Tɔgərɔ ya, ɓó lé i ra Ala oiyo gə ndili ndá see deḛ gə́ d’isi gə mba koo ta lé see d’a koo loo ndigi ta ləi gə Amen loo gə́ ra’g wa. Mbata deḛ gər ta gə́ i pa lé el.

2 Njé gə́ Kɔrḭtə 4:15

Mbata néje lai neelé teḛ mbata lə sí-seḭ ya ɓó gə mba kar loo gə́ noji lé a taa ne loo yéŋgé-yéŋgé ndá ta ra oiyo gə́ a koji ne na̰ ta dəwje’g bula unda njé gə́ kédé lé a kula ne rɔnduba dɔ Ala’g ya.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

Njé gə́ Galati 3:22

Nɛ maktub gə́ to gə kəmee lé mbo̰ néje lai gin kaiya’g mba kar deḛ gə́ d’un meḛ dee d’ar Jeju Kristi lé meekun lə dee ɓa d’a kiŋga ne né gə́ ndukun wɔji mba kar dee lé tɔ.

Njé gə́ Epesə 1:6

Maji kar noji gə́ yeḛ wa sə sí gin yeḛ gə́ to ŋgonkəmee lé a nduba ne rəa gə́ raga kar dee pidee ne.

Njé gə́ Epesə 2:7

Meemaji gə́ yeḛ ra sə síjeḛ gə́ j’ɔm na̰’d gə Jeju Kristi lé yeḛ nduba ne noji ləa gə́ dum dɔ loo gə́ raga, gə ləbee-ləbee saar gə no̰.

Njé gə́ Kolosə 1:27

Ndərta nee gə́ to loo-kiya’g gə́ to ta gə́ maji dum gə́ Ala nja ndigi kar njépole-magəje d’oo lé ɓa nee: Kristi gə́ to meḛ sí’g lé yeḛ nja gə́ njegin rɔnduba gə́ seḭ undaje meḛ sí yel gə́ dɔ’g.

2 Njé gə́ Tesalonikə 1:10

Loo gə́ yeḛ a ree mee ndəa’g neelé ndá dəwje ləa gə́ to gə kəmee lé d’a kula rɔnduba dəa’g ləm, deḛ lai gə́ d’ɔm meḛ dee dəa’g lé kaar dee a kwa dee paḭ ləm tɔ. Ta nee wɔji dɔ sí-seḭ to mbata seḭ taaje gin ta gə́ j’ɔr j’ar sí lé.

Ǝbrəje 11:13

Deḛ neelé lai d’wəi dɔ meekun’g lə dee, lal kiŋga ne néje gə́ Ala un ndia gə mba kar dee. Nɛ d’oo néje neelé gə goo ŋgalee d’orè meḛ dee dɔ’g més, deḛ pana: Neḛ n’toje gə́ mbáje ləm, gə njékwagirlooje gə́ dɔ naŋg nee ləm tɔ.

Ǝbrəje 13:8

Jeju Kristi lé loo rəa gə́ tagə́nè ya ləm, to bèe ɓogənè ləma, to bèe ya saar-saar gə no̰ ləm tɔ.

Ǝbrəje 7:6

Nɛ Melkisedek gə́ to ginkoji dee el lé taa ta néje ji Abrakam’g ɓa tɔr ne ndia dɔ yeḛ gə́ Ala tɔr ndia dəa’g lé ɓəi.

1 Piɛrə 1:12

Ala ɓa riba sə dee dəa ar dee gər gao, néje neelé to mbata lə dee-deḛ el nɛ to mbata lə sí-seḭ ɓa deḛ nja to gə́ njékɔrgoo tareeje ya. Ɓasinè deḛ gə́ Ndilmeenda gə́ ḭ dara ɔs dee ɓɔḭ-ɓɔḭ ɓa d’ɔr gée d’ila ne mber Tagə́maji d’ar sí. Kuraje gə́ dara kara ndiŋga rɔ dee gə mba koo néje neelé tɔ.

1 Ja̰ 5:11

Aa ooje, ta gə́ yeḛ tegginee lé ɓa to nee ya: Ala nja ar sí kəmə gə́ gə no̰ lé. Kəmə gə́ gə no̰ lé to gə́ ɓee lə Ŋgonee ya.

Loo gə́ killa rea kəm Ja̰’g 3:14

Maji kam m’ndaŋg maktub nee m’ar kura lə Eglisə gə́ Laodise pana: Aa oo, yeḛ gə́ njepa ta Amen gə́ to njekɔrgoota gə́ to majikoji gə njepa kankəmta lé ləm, yeḛ gə́ to gə́ njegin nékundaje lə Ala ləm tɔ lé yeḛ nja pana:

Loo gə́ killa rea kəm Ja̰’g 7:12

pana: Amen! maji kar pa pidi ləm, gə rɔnduba ləm, gə kəmkàr ləm, gə ta ra oiyo ləm, gə riɓar ləm, gə siŋgamoŋ ləma, gə dɔmoŋ ləm tɔ lé d’ula dɔ Ala lə sí gə ləbee-ləbee saar-saar gə no̰. Amen!