2 Njé gə́ Kɔrḭtə 1:14 - Maktub gə́ To gə Kəmee

¹⁴ Seḭ ooje loo mba kar kəm sí tudu kurm dɔ síjeḛ’g, to gə́ jeḛ kara kəm sí a tudu kurm dɔ sí seḭ’g ndɔ ka̰ Mbaidɔmbaije Jeju lé. Yee ɓa seḭ gərje gao mba̰.

2 Njé gə́ Kɔrḭtə 1:14 ပူးပေါင်းရင်းမြစ်များ

Njé gə́ Rɔmə 11:25

Tɔgərɔ ya, ŋgakɔmje, ta gə́ to loo-kiya’g lé ma m’ndigi kar sí sije keneŋ dɔ mbə’g el nà banelə seḭ a beeléje dɔ kəmkàr’g lə sí. Ta neelé wɔji dɔ dəb Israɛlje gə́ na̰je gə́ tel to gə́ njédɔkədərəje saar mba kar koso-dəwje gə́ njépole-magəje bura d’uru sə dee keneŋ tɔ.

1 Njé gə́ Kɔrḭtə 1:8

Yeḛ nja a gɔl sí kar sí ŋgəŋje ne, saar ndɔ gə́ rudee a kun ɗiao, mba kar ndɔ ree lə Mbaidɔmbaije lə sí Jeju Kristi lé ta kára kara a kwa dɔ sí nda̰ el.

1 Njé gə́ Kɔrḭtə 11:18

Né gə́ dɔtar lé deḛ d’ulam d’am m’oo pana: Loo gə́ seḭ waje dɔ na̰ ndá seḭ ɔrje kəm na̰ gə mba tḭje ne na̰. Ta neelé m’tɔr kona ɓa m’taa.

1 Njé gə́ Kɔrḭtə 15:31

Tɔgərɔ ya, ŋgakɔmje, gə ndɔje kára-kára lai m’isi ta yoo’g ya, yee ɓa m’ula sí ne taree m’ti ne rɔm dɔ sí’g gin Jeju Kristi Mbaidɔmbaije’g lə sí lé tɔ.

2 Njé gə́ Kɔrḭtə 2:5

Ɓó lé dəw kára mbuna sí’g ula kəm mareeje ndòo ndá yeḛ ula kəm-ma ya ndòo gə karm el, nɛ seḭje kara yeḛ ula kəm sí-seḭ ndòo ya tɔ. M’pa bèe m’wɔji ne dɔ njé gə́ na̰je ba, ɓó lé m’wɔji ne dɔ sí lai ndá a to kəsta.

2 Njé gə́ Kɔrḭtə 5:12

Jeḛ lé jeḛ m’pidi rɔ sí rɔ sí-seḭ’g gɔl kára tɔɓəi el nɛ j’ya̰ loo j’ar sí gə mba kar sí tije rɔ sí dɔ sí’g. Bèe ɓa deḛ gə́ nduba rɔ dee d’wɔji ne dɔ néje gə́ to darɔ dəw gə́ raga ɓó néje gə́ to mee dəw gə́ kəi’g lé el ndá seḭ a kasjekəm kila deeje keneŋ ya.

2 Njé gə́ Kɔrḭtə 9:2

Tɔgərɔ ya, kḭ gə́ seḭ ḭje gə́ meḛ sí waje ne noji lé ma m’gər gao, yee ɓa ma m’ti ne rɔm m’wɔji ne dɔ sí’g rɔ njé gə́ Masedoinə’g m’ula dee ne m’pana: Njé gə́ Akai deḛ gɔl dɔ ka̰ dee yəg kal ba mba̰: rɔkwɔilɔ lə sí lé yel kó noji lə dəwje gə́ raŋg bula tɔ.

Njé gə́ Pilibə 1:10

mba kar sí gərje ne loo kɔr kəm néje gə́ maji ɔr njoroŋ ya. Yee ɓa seḭ a toje ne dəwje gə́ àr ŋgad-ŋgad gə́ ta kára kara wa dɔ sí el ndəa gə́ ka̰ Kristi lé.

Njé gə́ Pilibə 1:26

Togə́bè ɓa, telm gə́ m’a gə tel kaw rɔ sí’g lé yee ɓa a to né gə́ a kar sí tije ne rɔ sí gin Jeju Kristi’g ya.

Njé gə́ Pilibə 1:6

Ma m’gər gao yeḛ gə́ un kudu ra kula gə́ maji neelé meḛ sí’g lé a ra saar kar dəa ɔr njal ndəa gə́ ka̰ Jeju Kristi ya.

Njé gə́ Pilibə 2:16

ta gə́ wɔji dɔ kisi gə kəmə lé kara seḭ a kwaje dan dee’g kɔgərɔ ləm tɔ. Ɓó lé seḭ a raje togə́bè ndá ndɔ ka̰ Kristi lé m’a koo loo gə mba ti ne rɔm mbata ŋgwɔd gə́ m’aḭ lé m’aḭ gə mḭdé el ləm, kula kara m’ra gə́ ŋgar el ləm tɔ.

Njé gə́ Pilibə 4:1

Gelee gə́ nee ɓa, ŋgakɔmje gə́ m’unda sí dan kəm’g, seḭ gə́ m’oo sí gə́ né gə́ to gə́ ŋgonkəm ləm, seḭ gə́ toje rɔlel ləm ləma, gə dɔgugu ləm ləm tɔ lé maji kar sí-seḭ gə́ m’unda sí dan kəm’g lé aarje njaŋg gin Mbaidɔmbaije’g ya.

1 Njé gə́ Tesalonikə 3:13

Maji karee ar meḛ sí to kɔgərɔ mba kar sí toje dəwje gə́ to gə kəmee gə́ ta kára kara wa dɔ sí no̰ Ala Bɔ síje’g el mee ndəa gə́ Jeju Mbaidɔmbaije a ree gə dəwje ləa lai gə́ to gə kəmee lé.

1 Njé gə́ Tesalonikə 5:23

Maji kar Ala nja gə́ njeyelko meelɔm lé ɔr sí unda sí gə kəmee ləm, maji karee ŋgəm sí bura, ndil sí ləm, gə kankəmrɔ sí ləma, gə darɔ sí ləm tɔ, mba kar ndɔ gə́ Mbaidɔmbaije lə sí Jeju Kristi a tel ree lé ndá ta kára kara a kwa dɔ sí el.