1 Timote 6:6 - Maktub gə́ To gə Kəmee

⁶ Oiyo, rəwta lə Ala lé loo gə́ mee dəw to lɔm keneŋ ndá to rəw nékiŋga gə́ boo ya.

1 Timote 6:6 ပူးပေါင်းရင်းမြစ်များ

2 Mbaije 6:2

Ar sí j’awje baa gə́ Jurdɛ̰ nu, lé gə́ neelé nana kara a tuŋga kunda kag kára-kára gə mba ra ne kəi-si sí ya. Elije ila dee keneŋ pana: Awje ya.

Pakɔsje 37:16

Nékiŋga lə njemeekarabasur lé Ɓó lé əḭ el kara Maji yaa̰ unda nébaoje lə njémeeyèrje gə́ bula ur kugu,

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Teḛ-Raga 2:21

Moyis ɔm gə diŋgam neelé na̰’d gə mba si səa tɔɓəi yeḛ aree taa ŋgonee gə́ ria lə Sepora gə́ dené ləa tɔ.

Gosota-Kəmkàrje 15:16

Kiŋga né lam ba ɓəl ne Njesigənea̰ Maji unda boo-nébao si ne gə mee-pelé-wəs-wəs.

Gosota-Kəmkàrje 16:8

Kiŋga né gə́ lam ba gə goo rəbee Maji unda boo-nékiŋga gə́ lal najee.

Gosota-Kəmkàrje 28:25

Njebeelé ɔs gel takɔlje, Nɛ yeḛ gə́ ɔm mée dɔ Njesigənea̰’g lé Né asee nag-nag.

Jeremi 35:9

Jeḛ n’raje kəije gə mba si keneŋ el ləm, jeḛ n’taaje nduúje əsé ndɔje əsé looje gə́ dubu né keneŋ el ləm tɔ.

Lugu 12:15

Tɔɓəi yeḛ tel təa ula dee pana: Undaje rɔ sí ɓad dɔ nékəmkəḭ gə́ rara kara, mbata nékiŋga gə́ dəw sí danee’g bèdèg ɓa gə́ kuma̰ karee si ne gə kəmə lé el.

Lugu 3:14

Deḛ gə́ njérɔje tɔ ŋga dəjee pana: Ŋga jeḛ lé see j’a ra ba̰ to wa. Yeḛ ila dee keneŋ pana: Maji kar sí taaje lar lə dəw kára kara dɔ buguru el ləm, seḭ a kilaje taŋgɔm dɔ dəw’g el ləm tɔ. Nékoga-dɔ-ji sí lé ɓa seḭ a kundaje meḛ sí dɔ’g ya.

Njé gə́ Rɔmə 8:28

Gelee gə́ nee ɓa, jeḛ n’gər gao, dəwje gə́ d’unda Ala dan kəm dee’g, deḛ gə́ Ala ɓar dee gə goo né gə́ yeḛ nja wɔji mée’g lé ndá néje lai gə́ ra dee lé d’a mbo̰ na̰ kiŋga na̰ gə majee dɔ dee’g ya.

2 Njé gə́ Kɔrḭtə 4:17

Némeeko̰ gə́ ra sí waga gə́ jeḛ j’oo gə́ né gə́ əḭ el lé a to kó rɔnduba gə́ d’a kula dɔ sí’g saar-saar gə no̰, gə́ lal kwɔji ləm, gə lal kunda ŋgaŋgee ləm tɔ.

Njé gə́ Pilibə 1:21

Mbata Kristi ɓa gə́ kəmə ləm-ma ya, lé m’ɔs yoo m’wəi kara m’a si maji unda nje gə́ kédé.

1 Timote 4:8

Kwa Ala məəi’g gə goo rəbee lé ɓa maji kari aar keneŋ jigiri, mbata ndɔji ŋgira rɔi lé to gə́ né ya, nɛ maji ɔr njal el, kwa Ala məəi’g gə goo rəbee gə́ i aar keneŋ jigiri ra lé maji ɔr njal ya. Yee ɓa wɔji dɔ kəmə gə́ j’isi ne kəmba ɓasinè ləm, gə yeḛ gə́ a gə teḛ ləm tɔ.

1 Timote 6:8

Bèe ndá ɓó lé j’isi gə nésɔ gə kubu kula rɔ sí’g ndá meḛ sí a koso ne naŋg po̰ ya.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.