1 Timote 6:14 - Maktub gə́ To gə Kəmee

¹⁴ mba kari aar njaŋg dɔ godndu’g ləm, gə mba kar məəi ila ne ɓal el ləma, mba kar ta kára kara wa ne dɔi el ləm tɔ, saar ndɔ ree lə Mbaidɔmbaije lə sí Jeju Kristi lé.

1 Timote 6:14 ပူးပေါင်းရင်းမြစ်များ

1 Sôrta Gḭka-Israɛlje 28:20

Dabid ula Salomo̰ pana: Ŋgonəm, maji kari wa rɔi kɔgərɔ, wa diŋgam məəi’g tɔɓəi gə́ ra né ɓó ɓəl el ləm, unda bala el ləm tɔ. Mbata Njesigənea̰, Ala gə́ to Ala ləm lé yeḛ a nai səi ləm, yeḛ a kubai kya̰’i el ləm tɔ saar kari tɔl ne kulaje lai gə́ wɔji dɔ kəi lə Njesigənea̰ lé bém ya.

Pa gə́ ur dɔ paje 4:7

Ǝi njemɔr ləm, i ma̰də yaa̰, Dəb rɔi kára kara ya̰ maree el.

1 Njé gə́ Kɔrḭtə 1:8

Yeḛ nja a gɔl sí kar sí ŋgəŋje ne, saar ndɔ gə́ rudee a kun ɗiao, mba kar ndɔ ree lə Mbaidɔmbaije lə sí Jeju Kristi lé ta kára kara a kwa dɔ sí nda̰ el.

Njé gə́ Epesə 5:27

mba kar Eglisə lé nduba ne rəa nea̰’g, kar rəa ila ɓal el ləm, ɔm kúla el ləma, a kya̰ maree el ləm tɔ, nɛ yee a kàr raŋg-raŋg ləm, né gə́ tḛ́-tḛ́ bèe kara a kuba rəa təb el ləm tɔ.

Njé gə́ Pilibə 1:10

mba kar sí gərje ne loo kɔr kəm néje gə́ maji ɔr njoroŋ ya. Yee ɓa seḭ a toje ne dəwje gə́ àr ŋgad-ŋgad gə́ ta kára kara wa dɔ sí el ndəa gə́ ka̰ Kristi lé.

Njé gə́ Pilibə 1:6

Ma m’gər gao yeḛ gə́ un kudu ra kula gə́ maji neelé meḛ sí’g lé a ra saar kar dəa ɔr njal ndəa gə́ ka̰ Jeju Kristi ya.

Njé gə́ Pilibə 2:15

Togə́bè ɓa seḭ a sije gə ta kára kara dɔ sí’g el ləm, meḛ sí a kila ɓal el ləm tɔ. Yee ɓa seḭ a toje ŋgan-Alaje gə́ njémeekarabasurje mbuna ginkoji dəwje gə́ to njékaw kori-korije gə njéndɔji pɔdɔdɔje ləm, seḭ a ndoḭje dan dee’g asəna gə pərŋgel gə́ ndogó loondul’g ləma,

Njé gə́ Kolosə 1:22

mba kar sí teḛje aarje nea̰’g gə́ njémeendaje ləm, mba meḛ sí ila ɓal el ləma, mba kar ta kára kara wa dɔ sí’g el ləm tɔ.

Njé gə́ Kolosə 4:17

Tɔɓəi ulaje Arsipə mba karee unda kəmkàr dɔ rəa’g dɔ kula gə́ d’ɔm jia’g gə ri Mbaidɔmbaije lé mba ra karee ɔr rɔd ya.

1 Njé gə́ Tesalonikə 3:13

Maji karee ar meḛ sí to kɔgərɔ mba kar sí toje dəwje gə́ to gə kəmee gə́ ta kára kara wa dɔ sí no̰ Ala Bɔ síje’g el mee ndəa gə́ Jeju Mbaidɔmbaije a ree gə dəwje ləa lai gə́ to gə kəmee lé.

1 Njé gə́ Tesalonikə 5:23

Maji kar Ala nja gə́ njeyelko meelɔm lé ɔr sí unda sí gə kəmee ləm, maji karee ŋgəm sí bura, ndil sí ləm, gə kankəmrɔ sí ləma, gə darɔ sí ləm tɔ, mba kar ndɔ gə́ Mbaidɔmbaije lə sí Jeju Kristi a tel ree lé ndá ta kára kara a kwa dɔ sí el.

2 Njé gə́ Tesalonikə 2:1

Ŋgako̰ síje, ta gə́ wɔji dɔ ndɔ tel lə Mbaidɔmbaije lə sí Jeju Kristi lé ləm, gə loo kiŋga gə́ j’a tel kiŋga səa na̰’d ləm tɔ lé jeḛ n’ra ne ndòo rɔ sí’g

2 Njé gə́ Tesalonikə 2:8

Ndəa neelé, yeḛ gə́ njekɔs Ala rəw lé a nduba rəa gə́ raga, nɛ lel ta Mbaidɔmbaije gə́ a tó dəa’g pu lé a tujee ne ləm, rɔnduba gə́ wɔji dɔ ndɔ ree ləa lé a guree naŋg rug-rug ləm tɔ.

1 Timote 6:20

Yen Timote, tɔs kəmi dɔ nébao gə́ d’ɔm jii’g lé, ta gə́ gə mḭdé ba ləm, gə ta gə́ aw gə goo ka̰ Ala lé el lé sa rɔi keneŋ.

2 Timote 4:1

Ma m’tɔgi no̰ Ala’g ləm, gə no̰ Jeju Kristi’g gə́ a gə gaŋg rəwta dɔ deḛ gə́ d’isi kəmba gə deḛ gə́ d’wəi’g ləma, gə ri yeḛ gə́ a gə tel ree gə ɓeeko̰ ləa ləm tɔ,

Titə 2:13

Yee ɓa meḛ sí lel sí ar sí j’unda ne meḛ sí yel ŋgina ne ndɔ ndubarɔ lə Ala gə́ boo gə ka̰ Jeju Kristi, njekaji sí lé tɔ.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

Ǝbrəje 9:28

togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

1 Piɛrə 1:19

Nɛ məs Kristi gə́ gadee dum ndogo ɓa yeḛ uga sí ne. Kristi lé to asəna gə ŋgon badə gə́ rəa mina̰ el ləm, rəa ila ɓal el ləm tɔ,

1 Piɛrə 1:7

mba kar né gə́ naa sí waga lé unda ne rɔ meekun lə sí ar dee d’oo. Meekun lə sí gə́ gadee ur dɔ ka̰ larlɔr gə́ naa dan pər’d nɛ a kunda naŋg ɓəi lé ndɔ gə́ Jeju Kristi a kunda loo teḛ ndá a tel to népidi sí ləm, gə né kula rɔnduba dɔ sí’g ləma, gə né kila riɓar dɔ sí’g ləm tɔ.

2 Piɛrə 2:21

Kar dee d’isi gə́ mbəje dɔ rəw meekarabasur’g maji unda kar dee gər rəbee ɓa d’un kəm dee goo godndu gə́ to gə kəmee d’ubá ne d’yá̰ lé tɔ.

2 Piɛrə 3:14

Gelee gə́ nee ɓa, seḭ gə́ m’unda sí dan kəm’g lé to gə́ seḭ ŋginaje néje neelé ndá oreeje meḛ sí més-més mba karee iŋga sí dan meelɔm’g loo gə́ meḛ sí a kila ɓal el ləm, ta a kwa dɔ sí el ləm tɔ.

2 Piɛrə 3:2

mba kar sí arje meḛ sí olé ne dɔ ta gə́ njéteggintaje gə́ to njémeendaje lé pa kédé ləm, gə dɔ godndu Mbaidɔmbaije gə́ Njekaji sí gə́ njékaḭkulaje lə sí ndoo sí lé ləm tɔ.

1 Ja̰ 3:2

Seḭ gə́ m’unda sí dan kəm’g lé jeḛ sə síje n’toje ŋgan-Alaje ɓasinè ya. See rɔ sí a tel to gə́ banwa. Yee ɓa to raga pai-pai el ɓəi, nɛ jeḛ n’gər gao loo gə́ yeḛ a teḛ wai ndá j’a to tana səa pai-pai ya mbata j’a kée gə́ dəw gə́ bèe lé ya.

Jude 1:24

Yeḛ gə́ askəm lam sí loo-koso gə́ rara kara ləm, gə́ askəm teḛ sə sí gə rɔ sí gə́ àr ŋgad-ŋgad kar sí aarje ne gə rɔlel dan rɔnduba’g ləa ləm tɔ lé

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.