1 Timote 6:12 - Maktub gə́ To gə Kəmee

¹² Aḭ rɔ dɔ meekun’g ləi ləm, kəmə gə́ gə no̰ gə́ deḛ ɓari keneŋ lé wa kɔgərɔ gə goo ta meekun gə́ inja bao gə́ i ɔr ne gée kəm njékɔrgootareeje’g bula lé ləm tɔ.

1 Timote 6:12 ပူးပေါင်းရင်းမြစ်များ

Pakɔsje 63:8

Mbata i lé to njelasəm, M’isi ne dan boo-rɔkal’g ndil bagije’g ya tɔ.

Gosota-Kəmkàrje 3:18

Yee to kag-kəmə mbata deḛ lai Gə́ d’wá gə ji dee ləm, Deḛ gə́ d’wá ga̰ lé kara Rɔ dee lel dee ne ləm tɔ.

Pa gə́ ur dɔ paje 3:4

M’ur dee m’teḛ lam ba bèe ya ndá M’iŋga yeḛ gə́ m’ndigee gə ŋgaw məəm bura lé, M’wa kaarm’g sud ɓó m’yá̰ m’aree aw el ya Saar m’aw səa kəi lə kɔmje Mee kəi’g lə yeḛ gə́ njekojim lé kɔrɔg ya.

Esai 44:5

Yeḛ gə́ nee a pana: Ma m’to ka̰ Njesigənea̰, Yeḛ gə́ yo a kunda ri Jakob dəa’g, Yeḛ gə́ raŋg a ndaŋg dɔ jia’g pana: Ka̰ Njesigənea̰! Ndá d’a ɓar ri Israɛl dan meenoji’g.

Jakari 10:5

D’a to kasəna gə bao-rɔje Gə́ tuba bɔrɔ gə́ mba̰-rəwje loo-rɔ’g bèe, D’a rɔ rɔ ya mbata Njesigənea̰ a nai sə dee, Ndá deḛ gə́ njérɔ gə kundaje lé Rɔkul a dəb dɔ dee’g.

2 Njé gə́ Kɔrḭtə 6:7

j’ila mber kankəmta ləm, siŋgamoŋ lə sí ḭ rɔ Ala’g ləma, meekarabasur lé to gə́ nérɔje gə́ ka̰ rɔ ne, gə ka̰ ko̰ ne rɔ sí ləm tɔ.

2 Njé gə́ Kɔrḭtə 9:13

Togə́bè ɓa, seḭ undaje rɔ nojikwa lə sí lé ya, Tagə́maji lə Kristi gə́ seḭ taaje gə meḛ sí ilaje ne ŋgonkoji dɔ’g ləm, gə nojikwa lə sí gə́ seḭ waje sə dee-deḛ gə dəwje lai ɓó turaje sə dee gée el ləm tɔ lé yee ɓa deḛ d’ula ne rɔnduba dɔ Ala’g ya.

Tel tura Godndu 26:3

Yeḛ a kaw rɔ njekinjanéməs’d gə́ aar ra kula mee ndəa’g neelé ndá a kulá pana: Ɓogənè ma m’pa njaŋg no̰ Njesigənea̰ Ala’g ləi to gə́ ma m’andə mee ɓee gə́ Njesigənea̰ man ne rəa ar bɔ síjeḛ-je gə mba kar sí lé mba̰ ya.

Njé gə́ Pilibə 1:30

Yee ɓa seḭje rɔje səm na̰’d loo-rɔ gə́ seḭ oomje ne keneŋ kédé ləm, seḭ ooje taree ɓasinè to gə́ ma m’isi m’rɔ ne ya ɓəi ləm tɔ.

Njé gə́ Kolosə 3:15

Maji kar meelɔm lə Kristi taa meḛ sí pəl-pəl, yee ɓa yeḛ ɓar sí ne mba kar sí toje kubururɔ dəw gə́ kára ba. Maji ra Ala oiyo tɔ.

1 Njé gə́ Tesalonikə 2:12

Jeḛ ndəji sí ləm, jeḛ n’gɔl sí ləma, jeḛ j’ɔs sí ɓɔḭ-ɓɔḭ mba kar néra sí aw gə goo ka̰ Ala, yeḛ gə́ njeɓar sí mba kar sí sije ɓeeko̰’g ləa gə dan rɔnduba’g ləa lé ləm tɔ.

2 Njé gə́ Tesalonikə 2:14

Yee ɓa yeḛ ɓar sí ne gə mbəa gə goo Tagə́maji gə́ jeḛ j’ula sí lé mba kar rɔnduba gə́ d’ula dɔ Mbaidɔmbaije Jeju Kristi’g lé d’ula dɔ sí-seḭ’g lé tɔ.

1 Timote 1:18

Ŋgonəm Timote, ta gə́ m’tɔgi ne neelé to gə́ goo ta gə́ deḛ tegginee d’wɔji ne dɔi kédé lé to mba kar ta nee to kag gədi kari to ne bao-rɔ gə́ gəd ya ləm,

1 Timote 1:19

kari aar dɔ meekun’g njaŋg gə goo takə̰ji gə́ maji gə́ to məəi’g ləm tɔ. Njé gə́ na̰je meḛ dee unda pudum dɔ takə̰ji gə́ maji’g neelé ar meekun lə dee ndii ne mán.

1 Timote 4:14

Nénoji gə́ i iŋga gə goo tapa njéteggintaje loo gə́ ŋgatɔgje mbo̰ dɔ na̰ tɔr ne ndu dee d’ila ne ji dee dɔi’g lé maji kari ndoo bao dɔ’g el.

1 Timote 6:13

Ma m’ndəjii kəm Ala gə́ njekula kəmə mee nékundaje’g ləa lai ləm, gə kəm Jeju Kristi gə́ tapea inja paw no̰ Po̰sə Pilatə’g lé ləm tɔ

1 Timote 6:19

Togə́bè ɓa, d’a mbo̰ nébaoje gə́ maji gə́ a kiriŋ kiriŋ-kiriŋ mee ndɔ gə́ a gə teḛ lé, bèe ɓa, d’a si gə kəməgə́ gə no̰ lé gə́ to kankəm né ya tɔ.

2 Timote 1:9

Yeḛ nja aji sí ləm, yeḛ ɓar sí ləm tɔ mba kar sí n’ra kula gə́ to gə kəmee ɓəd. Néra sí ɓa, yeḛ ɔr sí ne gə mbəa el nɛ to gə goo né gə́ yeḛ nja wɔji-kwɔji mée’g ləm, to gə goo noji gə́ yeḛ wa sə sí gin Jeju Kristi ɓad ɓa yeḛ tum ne gin naŋg nee ɓəi ləm tɔ.

2 Timote 2:2

Né gə́ oo tam’g no̰ dəwje gə́ njékootaje bula lé ndá ɔm taree ta diŋgamje gə́ to majikojije gə́ d’askəm ndoo mar deeje togə́bè tɔ.

2 Timote 4:7

Ma m’rɔ rɔ maji ləm, ma m’ɔr suna rəw ləm njal ləma, m’aar dɔ meekun’g kɔgərɔ ləm tɔ.

Ǝbrəje 13:23

Ŋgoko̰ sí Timote lé d’ilá tar mba̰, yee ɓa m’ula sí taree. Ɓó lé yeḛ teḛ loo gə́ nee kalaŋ ndá ma kara m’a kaw səa na̰’d mba koo sí ne tɔ.

Ǝbrəje 3:14

Tɔgərɔ ya ɓó lé j’aar njaŋg dɔ meekun’g lə sí gə́ j’un kédé lé saar ndɔ rudu ndá jeḛ j’ɔm na̰’d gə Kristi ya.

Ǝbrəje 6:18

mba kar mbɔl dɔ ndu gə́ gel joo gə́ to njaŋg gə́ Ala a koo loo mba pəl ta dɔ’g el lé ɓa jeḛ nja j’iŋga ta gə́ ula diŋgam meḛ sí’g jugugu-jugugu ləm, jeḛ n’taa ta neelé sagm j’unda ne meḛ sí yel dɔ’g ləm tɔ ndá j’uru ne njo̰loo’g pḛ́ tɔ.

1 Piɛrə 3:9

Ɓó lé mar síje ra sə sí majel ndá tel raje sə dee majel godə maree’g el ləm, ɓó lé deḛ taji sí kara taji deeje godə maree’g el ləm tɔ. Néra gə́ kɔl ɓa nee: Tɔrje ndu sí dɔ deḛ gə́ ra sə sí majel mbata yee gə́ bèe ɓa, Ala ɓar sí ne gə mbəa mba kar sí iŋgaje ndu tɔr gə́ yeḛ a tɔr ne ndia dɔ sí’g kar dɔ sí ai ne səgərə.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.

1 Ja̰ 2:25

Ndukun gə́ yeḛ un ar sí lé yee ɓa gə́ kəmə gə́ gə no̰ lé.

Jude 1:3

Seḭ gə́ m’unda sí dan kəm’g lé məəm ɔsm ɓɔḭ-ɓɔḭ gə mba karm m’ndaŋg maktub m’ar sí m’wɔji ne dɔ kaji lə sí gə́ jeḛ j’ɔm na̰ keneŋ sad lé. Bèe ɓa m’isi dɔ gɔlm’g kəgəgə gə mba ndəji sí kar sí badara ne rɔ sí dɔ ta meekun gə́ d’ula ji deḛ gə́ to gə kəmee gɔl kára ba kiao gə́ ŋgaŋgee lé tɔ.

Loo gə́ killa rea kəm Ja̰’g 3:3

Ar məəi olé dɔ ta gə́ i ndoo’g taa gə məəi ləm, reḛ́ keneŋ rḛ́-rḛ́ ləm tɔ ndá wa ndòo rɔi dɔ kaiya’g ləi tɔ. Ɓó lé i teḛ kəmi el ndá m’a teḛ dɔi’g asəna gə njeɓogo bèe nɛ i a gər kàree gə́ m’a gə teḛ ne dɔi’g el.

Njéga̰g-Rəwtaje 3:2

Né kára gə́ yeḛ ndigi lé to mba ndoo Israɛlje gə́ njékorè goo deeje kar dee gər loo-rɔ gə mba ndoo ne deḛ gə́ gər loo-rɔ kédé el lé.