1 Timote 6:11 - Maktub gə́ To gə Kəmee

¹¹ I dəw lə Ala lé sa rɔi dɔ mal néje neelé gə́ ra dee ya nɛ ndolè goo meekarabasur ləm, gə rəw kwa Ala məəi’g gə goo rəbee ləm, gə meekun ləm, gə meenoji ləm, gə meekila ləma, gə kaw yururu ləm tɔ.

1 Timote 6:11 ပူးပေါင်းရင်းမြစ်များ

1 Mbaije 13:1

Aa ooje, dəw lə Ala kára ḭ Juda ree Betel gə goo ndukun lə Njesigənea̰, loo gə́ Jeroboam tuga loo aw dɔ loo-nékinjaməs’g gə mba roo né gə́ ə̰də sululu keneŋ lé.

1 Mbaije 13:26

Loo gə́ njetegginta gə́ njetel gə dəw lə Ala rəbee lé oo taree ndá yeḛ pana: To dəw lə Ala gə́ njekɔs ta ndukun lə Njesigənea̰ rəw lé ɓa Njesigənea̰ ilá ta toboḭ’g aree wá tɔlee, mba kar ta gə́ Njesigənea̰ ulá lé aw ne lée’g béréré.

1 Mbaije 17:18

Dené neelé dəji Eli pana: See ta ɗi ɓa to mbuna síjeḛ səi-i’d gə́ to dəw lə Ala’g lé wa. See i ree kəi ləm gə mba kolé məəm dɔ néra kori-kori’g ləm gə mba kar ŋgonəm wəi ne wa.

1 Mbaije 17:24

Dené lé tel ula Eli pana: Ɓasinè ma m’gər gao to gə́ i to dəw lə Ala ya, togə́bè ɓa ta lə Njesigənea̰ gə́ teḛ tai’g lé to kankəmta ya.

1 Mbaije 20:28

Dəw lə Ala ree pər gə́ rɔ mbai’d gə́ Israɛl ndá ulá pana: Njesigənea̰ pa togə́bè pana: Mbata Aramje pa togə́bè pana: Njesigənea̰ to Ala gə́ si dɔ mbalje’g ɓó to Ala gə́ si ndag-looje’g el, gelee gə́ nee ɓa m’a gə kya̰ koso-dəwje gə́ bula digi-digi neelé meḛ ji sí’g mba kar sí gərje to gə́ ma m’to Njesigənea̰ ya.

2 Mbaije 1:13

Ahajia ula kula ar ɓé-njérɔje ləa gə́ rɔ-mi gə́ njekɔm’g munda, aree ree rɔ Eli’g ya tɔɓəi. Ɓé-njérɔje gə́ njekɔm’g munda neelé ree ɔs kəjee naŋg no̰ Eli’g ra ndòo rəa’g pana: I dəw lə Ala, m’ra ndòo rɔi’g mba kar si kəmba ləm-ma gə ka̰ njérɔje ləm gə́ rɔ-mi nee gə́ to kuraje ləi lé to né gə́ əḭ kəmi’g ya kari.

2 Mbaije 1:9

Yeḛ ula ɓé-njérɔje gə njérɔje ləa gə́ rɔ-mi lé rɔ Eli’g loo gə́ yeḛ si dɔ sém mbal’g lé. Ɓé-njérɔje neelé al aw rɔ Eli’g si dɔ sém mbal’g lé ndá yeḛ ulá pana: I dəw lə Ala, gə́ risi ur naŋg gə goo ndukun lə mbai lé.

2 Mbaije 23:17

Yeḛ dəji pana: See ɗi ɓa d’uba ɓiru ɓa m’oo nee wa. Dəwje gə́ mee ɓee’g lé tel d’ilá keneŋ pana: To dɔɓar dəw lə Ala gə́ ḭ Juda ree pata ila dɔ loo-nékinjaməs gə́ Betel lé ɓa i ya ree ra née aree aw lée’g béréré lé el wa.

2 Mbaije 5:20

Gehaji gə́ to kura lə Elije gə́ dəw lə Ala pa mée’g pana: Aa oo, ɓémje ya̰ Naaman, dəw gə́ Siri gə́ ree gə néje gə mba karee lé gə́ kya̰ ya. Njesigənea̰ to Njesikəmba! M’a kaḭ kaw gée’g taa né gə́ ba̰ un jén jia’g.

1 Sôrta Gḭka-Israɛlje 23:14

Nɛ ŋgalə Moyis, dəw lə Ala deḛ tura dee mbuna ginkoji’g lə Ləbi.

2 Sôrta Gḭka Israɛlje 8:14

Yeḛ unda kudu njékinjanéməsje gə́ lée-lée loo-kulaje’g to gə́ bɔbeeje gə́ Dabid wɔji ne lé kédé gə goo kula ra dee ləm, gə Ləbije gə goo kula gə́ d’ɔm ji dee’g gə mba pidi ne Njesigənea̰ ra ne kula lə dee gə ndɔje kára-kára lai no̰ njékinjanéməsje’g ləma, gə njéŋgəm tarəwkəije gə́ kai dee gə kudu dee kudu dee mba kar dee ŋgəm tarəwkəije kára-kára lai ləm tɔ, yee ɓa gə́ ndukun lə Dabid, dəw lə Ala.

Nehemi 12:24

Mbai lə Ləbije-je lé gə́ ri dee lə Hasabia gə Serebia gə Juje, ŋgolə Kadmiel gə ŋgako̰ deeje sə dee na̰’d lé deḛ d’aar d’wɔji dɔ na̰ njoroŋ-njoroŋ mba kɔs pa kula ne rɔnduba dɔ Njesigənea̰’g gə goo torndu Dabid, dəw lə Ala.

Nehemi 12:36

gə njéboakulaje ləa gə́ ri dee lə Semaeja gə Ajareel gə Milalai gə Gilalai gə Maai gə Netaneel gə Juda gə Hanani. Deḛ lé d’odo nékimje gə́ Dabid gə́ to dəw lə Ala ar dee ra lé. Ndá Esdras gə́ to njendaji-maktub ɓa to dəw dɔ dee ya.

Pakɔsje 34:14

Maji kari ɔg ndɔḭ dɔ ta gə́ majel’g ləm. Maji kari ɔg tai dɔ taje gə́ ka̰ su kəm loo’g lé ləm tɔ.

Pakɔsje 38:20

Njéba̰je ləm lé d’aw njam-njam ləm, Siŋga dee to kɔgərɔ-kɔgərɔ ləm tɔ, Deḛ gə́ d’ḛjim bəḭ-bəḭ lal né gə́ bèe lé kara Bula digi-digi tɔ.

Gosota-Kəmkàrje 15:9

Rəw-kaw njemeeyèr lé To né gə́ mina̰ kəm Njesigənea̰’g, Nɛ yeḛ gə́ ndolè goo néra gə́ gə dɔ najee ɓa Yeḛ undá dan kəmee’g.

Esai 51:1

Ooje ta ləm, Seḭ gə́ njéndolè goo néra gə́ gə dɔ najee-je, Seḭ gə́ ndolèje goo Njesigənea̰! Oreeje kəm sí ndəŋ dɔ kɔr mbal gə́ d’ɔr sí kaaree’g ləm, Gə dɔ bwa gə́ Njesigənea̰ ɔr sí keneŋ lé ləm tɔ.

Jeremi 35:4

ndá m’ɔr no̰ dee m’aw sə dee kəi lə Njesigənea̰, mee ŋgon kəi gə́ to ka̰ ŋgalə Hanan, ŋgolə Jigdalia gə́ to dəw lə Ala, ŋgon kəi neelé to mbɔr ka̰ mbaije’g dɔ ŋgon kəi gə́ tar gə́ to ka̰ Maaséja, ŋgolə Salum, njeŋgəm tarəwkɔg lé.

Njé gə́ Rɔmə 14:19

Yen ŋga ar sí n’saŋgje loo gə mba kɔm na̰’d ləm, gə mba kar rɔ sí ɔs na̰’d ləm tɔ.

1 Njé gə́ Kɔrḭtə 10:14

Yee gə́ bèe ɓa, ma m’ula sí ne, seḭ gə́ ma m’unda sí dan kəm’g lé mba kar sí saaje rɔ sí rɔ magə-poleje’g.

1 Njé gə́ Kɔrḭtə 14:1

Maji kar sí ndolèje goo meenoji. Narje rɔ sí gə mba kiŋga nénoji gə́ wɔji dɔ ndil sí tɔ nɛ ka̰ tegginta ɓa areeje ur dɔ dee’g lai.

1 Njé gə́ Kɔrḭtə 6:18

Undaje rɔ sí ɓad dɔ mɔdkaiya’g. Kaiya gə́ rara gə́ dəw ra lé to gə́ rəa’g raga ɓəi. Nɛ yeḛ gə́ ya̰ rəa yag dɔ mɔdkaiya’g ndá yeḛ nja ula sul dɔ rəa-yeḛ’g.

Tel tura Godndu 16:20

Seḭ a kundaje siŋga sí dɔ maree’g gə mba ndolèje ne goo néra gə́ gə dɔ najee gə mba kar sí síje ne kəmba mee ɓee gə́ Ala lə sí gə́ Njesigənea̰ ar sí lé.

Tel tura Godndu 33:1

Aa ooje, ndutɔr gə́ Moyis, dəw lə Ala tɔr dɔ Israɛlje’g kédé ɓa wəi ɓəi lé ɓa nee:

1 Timote 1:14

Noji lə Mbaidɔmbaije lə sí tur dɔ loo mbata ləm-ma ar meekun gə meenoji gə́ ḭ rɔ Jeju Kristi’g lé taa ne rɔm pəl-pəl tɔ.

1 Timote 4:12

Maji kar dəw kára kara ndɔli dɔ basa’g ləi el, nɛ maji kar tapai ləm, gə nérai ləm, gə nojikwa ləi ləm, gə meekun ləi ləma, gə meenda ləi ləm tɔ lé to néndaji gə́ majikojije d’a ndaji ne kəmi ya.

1 Timote 5:10

Néra majije ləa ɓa d’a kɔr gin rəa ya, ɓó lé yeḛ aa dɔ ŋganeeje kər-kər ləm, wa mbá bur-bur ləm, gə togo gɔl deḛ gə́ to gə kəmee ləm, gə la gə njéndooje ləma, gə ra kula nojije gə́ gə ria-ria ləm tɔ ndá maji ndaŋg ria mee maktub’g ya.

1 Timote 6:20

Yen Timote, tɔs kəmi dɔ nébao gə́ d’ɔm jii’g lé, ta gə́ gə mḭdé ba ləm, gə ta gə́ aw gə goo ka̰ Ala lé el lé sa rɔi keneŋ.

2 Timote 2:21

Bèe ndá ɓó lé dəw kára aa dɔ rəa kər-kər ləm, sa rəa rəw dɔ né gə́ mina̰’g ləm tɔ ndá yeḛ a to asəna gə jo ra mbai-kula gə́ d’unda gə kəmee doi ləm, yeḛ a to gel néra kula lə ɓéeje gə́ yeḛ a kaskəm ra ne kula gə́ maji gə́ rara kara gə lée-lée ləm tɔ.

2 Timote 2:22

Sa rɔi rəw dɔ mal néje gə́ ra basaje ndá tel ndolè goo meekarabasur ləm, gə meekun ləm, gə meenoji ləma, gə meelɔm ləm tɔ, ɔm ne na̰’d gə deḛ gə́ ɓar ri Mbaidɔmbaije gə meenda kɔr jol-jol.

2 Timote 3:10

Nɛ i lé i gərm gao ari oo ta gə́ ma m’ndooi ləm, gə panjaam ləm, gə né gə́ m’wɔji-kwɔji ra ləm, gə meekun ləm, gə kaw yururu ləm, gə meenoji ləm, gə meekai Sam ləma,

2 Timote 3:17

mba kar dəw lə Ala a maji ne kɔr njoroŋ ləm karee ra ne néraje gə́ maji gə́ gə ria-ria lé tɔ.

Ǝbrəje 12:14

Saŋje rəw gə mba sije gə meelɔm mbuna dəwje’g lai ləm, saŋgje gə mba to dəwje gə́ to gə kəmee ləm tɔ. Ɓó lé seḭ raje togə́bè el ndá dəw kára kara a koo Mbaidɔmbaije el tɔ.

1 Piɛrə 3:11

Maji karee unda rəa ɓad dɔ néra gə́ majel’g Ndá ra né gə́ maji ləm, Maji karee saŋg meelɔm ɓa ai ne mée keneŋ sam-sam ləm tɔ.

1 Samel 2:27

Dəw lə Ala kára ree rɔ Eli’g ulá pana: Njesigənea̰ pa togə́bè pana: See to ma nja ɓa m’riba dɔ rɔm pərəg m’ar kaije-je loo gə́ d’isi ne Ejiptə mee ɓee gə́ lə Parao̰ lé el wa.

1 Samel 9:6

Kura lé tel ulá pana: Aa oo, dəw lə Ala kára si mee ɓee-boo’g nee. Yeḛ to dəw gə́ dəwje lai d’ila riɓar dəa’g. Ta néje lai gə́ yeḛ pa ndá néeje lé aw lée’g béréré-béréré ya. Ar sí j’awje keneŋ j’oo. Banelə yeḛ a tɔji sí rəw gə́ kəm kar sí j’unje ya.