1 Timote 6:10 - Maktub gə́ To gə Kəmee

¹⁰ Mbata mwəiyoolar ɓa gə́ ŋgira néraje gə́ majel lai. Njé gə́ na̰je gə́ malee ra dee togə́bè lé d’uba ne goo meekun lə dee d’ya̰ ndá deḛ nja d’wa ne nékəmndooje bula ɓugu dɔ dee’g d’ar ɓəŋgərə dee gaŋg ne.

1 Timote 6:10 ပူးပေါင်းရင်းမြစ်များ

Gḭ-Néje 29:14

Yen ŋga Laba̰ pana: Tɔgərɔ ya, i to siŋgarɔm ləm gə dakasrɔm ya ləm tɔ. Ndá Jakob si rɔ Laba̰’g as naḭ kára doŋgɔ.

Gḭ-Néje 29:26

Laba̰ pana: Kar yeḛ gə́ ndɔḭ taa ŋgaw kédé kya̰ yeḛ gə́ tɔg lé to néjiɓee lə sí loo gə́ nee’g el.

Gḭ-Néje 34:27

Ŋgalə Jakob lé d’ur dɔ yoo-dəwje’g ndá d’odo némajije mee ɓee’g neelé mbata tuji gə́ deḛ tuji ŋgoko̰ dee gə́ dené lé.

Gḭ-Néje 38:16

Yeḛ aw rəa’g ta rəbə ulá pana: Ya̰ loo am m’to səi. Mbata yeḛ gəree gə́ məmeeje lé el. Yeḛ lé dəjee pana: See ɗi ɓa i a kam to ne səm wa.

1 Mbaije 2:40

Simei ḭta ila kali gir mulayḛ̀je’g ləa aw Gat, ɓee lə Akis mba saŋg ɓərje ləa lé. Loo gə́ Simei aw ndá yeḛ ḭ gə ɓərje ləa lé Gat tel ree sə dee ya.

2 Mbaije 5:27

Bèe ɓa ba̰ji lə Naaman a tilai ləm, gə ŋgakaije ləm tɔ saar gə no̰. Loo gə́ Gehaji ḭ rɔ Elije’g unda loo teḛ ndá ba̰ji lé ndá rəa’g hododo tɔ.

Pakɔsje 32:10

Némeeko̰je bula to ŋgina njemeeyèr, Nɛ yeḛ gə́ ɔm mée dɔ Njesigənea̰’g lé Meenoji gugu dəa sub ya.

Pakɔsje 62:10

Oiyo, dəwje lé to né gə́ əḭ el. Dəwje lé to néŋgɔm to! Ɓó lé orè dee na̰’d wɔji kwɔi lə dee dɔ nékwɔji-kwɔi lə néje ndá D’wɔilɔ pélé-pélé unda lel gə́ tó pu bèe ba ya.

Gosota-Kəmkàrje 1:19

Yee ɓa gə́ néra dəwje gə́ mal kiŋga né gə goo rəbee el lé Wa meḛ dee, Deḛ gə́ d’ula rɔ dee keneŋ mbiriri lé Deḛ tuji ne tɔ.

Gosota-Kəmkàrje 1:31

Ndá d’a kul rɔ dee gə kandə né Gə́ ḭ dan panjaa dee’g ləm, Takwɔji-kəmkàrje lə dee-deḛ ya ɓa A kas dee nag-nag ləm tɔ.

Gosota-Kəmkàrje 15:27

Yeḛ gə́ ŋgur nékiŋga gə́ gə goo rəbee el rəa ŋgwɔd-ŋgwɔd lé Ɓar tuji gə́ dɔ njémeekəije’g ləa, Nɛ yeḛ gə́ ə̰ji né gə́ d’un gə mba ndogee ne bəḭ-bəḭ lé A sí kəmba.

Njekillamber 2:19

See na̰ ɓa gər to gə́ debee neelé a to njekəmkàr əsé a to mbə-dəw wa. Nɛ lé bèe kara kulaje lai gə́ m’ra lé yeḛ a to dəw dəa ləm, gə dɔ kandə nékəmkàrje ləm lai gə́ m’ra dee dɔ naŋg neelé ya ləm tɔ. Yee neelé kara to gə́ né gə́ kari ba ya ɓəi.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Esai 56:11

Deḛ lé to gə́ bisije gə́ mal sɔ né ra dee Nɛ nésɔ as dee el, Deḛ to gə́ njékulbadje gə́ gər né kára el, Deḛ lai njaa goo torndu dee-deḛ’g ya, Ar nana kara ra né gə mba kiŋga ne né Gə́ wɔji dəa-dəa ya goo kára ba kiao.

Ejekel 13:19

Seḭ ulaje sul dɔ neḛ’g rɔ koso-dəwje’g ləm, tɔlje ne dəwje gə́ kəm kar dee d’wəi el ɓəi ləm, nɛ ya̰je dəwje gə́ kəm kar dee d’isi kəmba el lé kəmba ləm tɔ mba kiŋga ne nduji kó-blé as ŋgo ji dəwje ləm, gə goŋ muruje ba ya ləm tɔ. Bèe ɓa seḭ ərje ne kəm koso-dəwje lə neḛ ar deeje tuga ne mbi dee gə́ dɔ taŋgɔm’g.

Ejekel 16:33

Kaiya-denéje lai lé d’uga dɔ ji dee ji dee, nɛ i ɓa yḛ̀ i un né ar njéto seḭje, i ar dee nénojije tel dee ne gə́ kaḭje mba ndɔr dee ne gə looje ɓəd-ɓəd dan kaiya raije’g.

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Matiyo 13:22

Kandə kər gə́ oso mee kun’g lé to asəna gə dəw gə́ oo ta neelé ya nɛ tor ta gə́ wɔji dɔ naŋg nee gə takə̰ji gə́ wɔji dɔ nébaoje ɓa yeḛ la̰ji mée’g aree tuji ta neelé ɔgee ne loo teḛkɔr ŋgia̰ ne ŋgɔsɔrɔ.

Matiyo 23:13

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ uduje rəw ɓeeko̰ gə́ dara dɔ dəwje’g jigi. Seḭje nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə keneŋ ləm tɔ.

Matiyo 6:19

Waje nébaoje gə́ dɔ naŋg nee ləm-ləm el, to loo gə́ dirije d’unda né keneŋ tuŋgu-tuŋgu ləm, né wɔməs keneŋ ləma, njéɓogoje kɔdé loo ɓogo keneŋ ləm tɔ.

Mark 4:19

nɛ tor ta gə́ dɔ naŋg nee ɓa deḛ la̰ji ləm, tor nébaoje gə́ dɔ naŋg nee ɓa deḛ la̰ji ləma, mal néje gə́ ɓəd-ɓəd ɓa wa meḛ dee ləm tɔ ndá d’ula ne sul dɔ ta’g neelé d’ɔgee ne loo teḛkɔr, ŋgina ne ŋgɔsɔrɔ.

Tel tura Godndu 16:19

Né gə́ to ka̰ dəw lé seḭ a bugureje dɔ’g el ləm, seḭ a kɔrje kəm dəwje gə goo maji lə darɔ dee gə́ raga ba el ləma, seḭ a taaje néndogo gel el ləm tɔ mbata néndogo gel lé tɔ kəm njékəmkàrje ləm, tuji taje gə́ gə goo rəbee ləm tɔ.

Tel tura Godndu 23:18

Maji kar kaiya-dené kára kara godo mbuna denéje gə́ Israɛl ləm, diŋgamje gə́ njéra nérɔkulje d’a godo mbuna diŋgamje’d gə́ Israɛl ləm tɔ.

Njé gə́ Kolosə 3:5

Bèe ndá arje mal néje gə́ ra sí gə́ wɔji dɔ naŋg neelé wəi mburug rɔ sí’g, yee ɓa to mɔdkaiya ləm, gə kəmnda ləm, gə mal néje gə́ ula pər meḛ sí’g ləma, gə mwəiyoolar gə́ to gə́ magəpole lə dəwje lé ləm tɔ.

1 Timote 3:3

Maji karee to gə́ ɓər lə kido el ləm, gə njera né kərm-kərm el ləm tɔ. Nɛ yeḛ a to njemeekila ləm, a to njetar el ləma, yeḛ a to njekəmkəḭ el ləm tɔ.

1 Timote 6:21

Tamaḭje lə dee gə́ deḛ ɓaree gosonégər, nɛ to ta gə́ lée’g el lé sa rɔi keneŋ. Njé gə́ na̰je gə́ taa ta goso neelé d’uba ne meekun lə dee d’ya̰. Maji kar sí sije dan noji’g!

1 Timote 6:9

Nɛ deḛ gə́ ndigi tel baoje lé d’oso ne dan nékər’g ləm, gə dan gum’g ləm tɔ, mal némbəje gə néyèrje gə́ ɓugu dəwje dan tuji’g ar dee tuji ne pugudu lé ra dee tɔ.

2 Timote 3:2

Mbata dəwje d’a to kəmkəjimje’g ləm, gə ɓərje lə lar ləm, gə njébeeleje ləm, gə njéti rɔ deeje ləma, gə njékilandɔl dɔ loo’gje ləm, gə njékɔs ta lə njékoji deeje rəw ləm, gə njénərnéje ləma, gə njékila ndɔl dɔ néje gə́ to gə kəmee ləm tɔ.

2 Timote 4:10

Demas lé ubam ya̰’m mba̰ mbata néje gə́ naŋg nee ɓa wa mée aree ḭ əd Tesalonik mba̰. Kresens əd Galati ləm, Titə kara əd Dalmati sèn ləm tɔ.

Titə 1:11

Deḛje neelé maji kwa ta dee daŋ’d ya. Mbata deḛ ndɔm noji na̰je naŋg gololo ləm, ta gə́ kəm ndoo dee el lé deḛ ndoo dee mba taa ne né gə́ gə goo rəbee el ləm tɔ.

Maktub gə́ Jak ula ne ar ngan-Allaje 5:19

Ŋgakɔmje, ɓó lé dəw kára mbuna sí’g ɔs rəw kankəmta pad lal ndəm igi wɔrɔg ɓa maree ndolee iŋgá rəm səa lée’g gogo

Jujé 7:21

Mee nébanrɔje’g lé ma m’oo kubu gə́ boi yul gə́ bḭ maji gə́ d’ḭ ne ɓee gə́ Sineyar ləm, gə larnda tɔl-joo (200) ləma, gə rɔm-larlɔr gə́ kwɔi ləa as ges nékwɔji kwɔi-lə-né ləm tɔ, m’ar kəm əḭ dɔ dee’g ndá m’odo dee, ma m’dubu dee naŋg dan mee kəi-kubu’g ləm tɔɓəi m’ar larnda to gel dee’g bər tɔ.

Jude 1:11

Maji kar meeko̰ ra dee! Mbata deḛ tuga rəw goo Kaḭ’g ləm, deḛ d’al d’uru loo-kwəi-yoo-lar’g ndəm ne ndəm lə Balaam ləma, d’al ta kal lə Koré ləm tɔ.

Loo gə́ killa rea kəm Ja̰’g 18:13

gə gobo ləm, gə kandə kamnaḭ gə́ ə̰də lel ləm, gə né gə́ ə̰də sululu ləm, gə timbá ləm, gə no̰ kag gə́ ə̰də sululu ləm, gə mán-nduú ləm, gə ubu ləm, gə nduji gə́ ndá léréré ləm, gə koje ləm, gə bɔ maŋgje ləm, gə badje ləm, gə kundaje ləm, gə pusuje ləma, gə ɓərje gə dəwje bura ləm tɔ.