1 Timote 5:8 - Maktub gə́ To gə Kəmee

⁸ Ɓó lé nana ɓa tɔs kəmee dɔ njénojije’g ləa gə dɔ njékojeeje’g el ndá debee neelé uba meekun ləa ya̰ mba̰ ləm, yeḛ neelé majel ur dɔ dəw gə́ njetar-Ala’g gə́ tar ɓəi ləm tɔ.

1 Timote 5:8 ပူးပေါင်းရင်းမြစ်များ

Gḭ-Néje 30:30

Mbata loo gə́ ma m’ree el ɓəi lé néje ləi to lam ba nɛ loo gə́ m’ree mba̰ ndá nékulje ləi d’ḭ dɔ maree gə́ kédé-kédé ya. Njesigənea̰ tɔr ndia dɔi’g looje lai gə́ m’aw keneŋ lé. Ɓasinè see ndɔ gə́ ra ɓa m’a ra kula mbata lə njémeekəije ləm gə dɔrɔm ɓəi wa.

Esai 58:7

Ar dəw gə́ ɓó tɔlee muru ləi o̰ səi ləm, Ar njenékəmndoo gə́ kəi-kula-dəa godo aw mee kəi’g ləi ləm, Ɓó lé i oo dəw gə́ aw kudee dum ba ndá Aree né ula rəa’g ləma, Tel giri ila ar yeḛ gə́ to tana səi lé el ləm tɔ.

Matiyo 18:17

Ɓó lé yeḛ mbad koo ta lə dee ndá maji kari aw ula églisə taree. Ɓó lé yeḛ mbad koo ta lə églisə tɔɓəi ndá maji kar dee d’ée gə́ njetar-Ala ləm, gə njetaa lar-gədɓee ba ləm tɔ.

Matiyo 7:11

Togə́bè seḭ gə́ njémeeyèrje ɓəi gə́ seḭ gərje loo kar ŋgan síje né gə́ maji gə́ deḛ kwɔi sí nɛ ɓəd ɓa see Bɔ síje gə́ si dara lé a lal kar deḛ gə́ kwɔiyee né gə́ maji lé ɓəi wa.

Tagə́maji gə́ Ja̰ ndang 15:22

Ɓó lé ma m’ree el ləm, gə m’ula dee ta el ləm tɔ ndá d’a koo loo kaiya lə dee gə́ ra lé el, nɛ ɓasinè lé loo pəa godo ŋga.

1 Njé gə́ Kɔrḭtə 6:6

See yee gə́ bèe ɓa dəw aw ne gə maree gə́ njetaamee-Kristi no̰ njépole-magəje’g mba kar dee gaŋg ne ta dəa’g gə mbəa wa.

2 Njé gə́ Kɔrḭtə 12:14

Aa ooje, as gɔl munda ɓasinè, ma m’wa dɔ gɔl rɔm gə mba kaw rɔ sí’g ndá ndòo né gə́ ram lé ɓa m’a gə kaw kabee ji sí’g el, mbata darɔ sí ɓa m’aw kabee ɓó gə mba nékiŋga lə sí ɓa el. Tɔgərɔ ya, to ta lə ŋganje ɓa gə mba mbo̰ nébaoje kar njékoji deeje el, nɛ to ta lə njékoji deeje ɓa gə mba mbo̰ nébaoje gə mba kar ŋgan deeje.

2 Njé gə́ Kɔrḭtə 6:15

See Kristi a kɔm na̰’d gə Belial’g loo gə́ ra wa. Majikojije gə deḛ gə́ to gə́ majikojije el lé see né lə dee a to gə́ na̰’d loo gə́ ra wa.

Njé gə́ Galati 6:10

Togə́bè ɓa loo gə́ j’iŋga loo mba ra ndá maji kar sí j’wa noji gə dəwje lai ya nɛ noji gə́ j’a kwa gə ŋgako̰ síjeḛ gin meekun’g lé ar sí j’aree ur dɔ ka̰ njé gə́ raŋg’d tɔ.

2 Timote 2:12

Ɓó lé jeḛ j’ai meḛ sí sam-sam Ndá j’a si səa na̰’d loo-ko̰ɓee’g ləa tɔ. Nɛ ɓó lé j’ɔr rɔ sí gelee’g Ndá yeḛ kara a kɔr rəa rɔ sí’g tɔ.

2 Timote 3:5

D’a ndaji néra gə́ ka̰ kwa Ala mée’g lə sí nɛ d’a kɔm meḛ dee dɔ siŋgamoŋ lə néraje neelé el.

Titə 1:16

Deḛ pa gə ta dee pana: Neḛ n’gərje Ala, nɛ néra dee ɓa deḛ d’unda ne wal gaŋg. Deḛ to né gə́ to kḛji ləm, gə njékɔs ta rəwje ləma, néra gə́ maji kára kara d’askəm ra el ləm tɔ.

2 Piɛrə 2:1

To gə́ ləw ba, njéteggintaje gə́ ŋgɔm d’isi mbuna dəwje’g lé togə́bè ɓa njékɔrginta gə́ ŋgɔmje d’a kandə mbuna sí-seḭ’g bèe tɔ. D’a kun ta gə goo ŋgəḭ ndoo sí ne taje gə́ kori-kori gə́ a gə tuji sí ləm, deḛ nja d’a mbad mbai gə́ njekoga dɔ dee lé ɓar ne tuji dɔ dee’g karee uba dee naŋg bus ləm tɔ.

Jude 1:4

Mbata dəwje gə́ na̰je d’andə mbuna sí’g wai-wai, nɛ ta gə́ a gə kwa dɔ dee lé deḛ ndaŋg ləw ba. Deḛ neelé deḛ to njéndɔl-Alaje ɓa deḛ d’un noji lə Ala lə sí telee gə́ né lɔm dɔ néra gə́ kori-kori lə dee ləm, Mbaidɔmbaije Jeju Kristi gə́ to ɓée síje kára ba kiao lé deḛ mbadee saar ləm tɔ.

Loo gə́ killa rea kəm Ja̰’g 2:13

Ma m’oo loo-sii ləm, ma m’gər gao kalimbai lə Njekurai to keneŋ ləm tɔ. I wa rim kɔgərɔ ləm, ndɔ tɔl Antipas, njekɔrginta ləm gə́ to majikoji gə́ deḛ tɔlee ɓee lə sí loo gə́ loo-si Njekurai to keneŋ kara i ya̰ goo meekun ləi el ləm tɔ.

Loo gə́ killa rea kəm Ja̰’g 3:8

Ma m’gər kula rai. Aa oo, siŋgai to yɔgɔ ɓəi ləm, i ra torndum ləma, i mbad rim el ləm tɔ. Bèe ndá m’ra rəw nɔḭ’g m’aree to tag bə̰dəŋ ndá dəw kára kara a kudu el tɔ.