1 Timote 5:22 - Maktub gə́ To gə Kəmee

²² Maji kari ḭ rad ila jii dɔ dəw’g el ləm, ɔm məəi gə mari na̰’d sad loo-kaiya’g ləa el ləm tɔ, i lé tɔs kəmi dɔ rɔi’g mba kar məəi àr ŋgad-ŋgad.

1 Timote 5:22 ပူးပေါင်းရင်းမြစ်များ

Pakɔsje 50:18

Ɓó lé i oo njeɓogo ndá i al rɔi səa na̰’d ya ləm, Njémɔdkaiyaje ɓa i ɔm məəi sə dee na̰’d sad ya ləm tɔ.

Néra Njékaḭkulaje 13:3

Yen ŋga loo gə́ deḛ ra tamaji ɓa d’ɔg ne meḛ dee ɓoo keneŋ ndá d’ila ji dee dɔ dee’g ɓa d’ya̰ dee d’ar dee d’aw ɓəi.

Néra Njékaḭkulaje 18:6

Nɛ Jibje d’ɔsee ŋgərəŋ tajee tila yoo dəa’g. Yen ŋga Pool sugu kubu ləa bugu-bugu ula dee pana: Maji kar məs sí ɔm dɔ sí-seḭ’g ya. Ma ɓa yḛ̀ ta ləm godo ya ŋga. Un kudee ɓasinè lé m’a kḭ kaw gə́ rɔ njépole-magəje’g ŋga.

Néra Njékaḭkulaje 20:26

Gelee gə́ nee ɓa ma m’ula sí ne təsərə ɓogənè ya, ɓó lé dəw kára mbuna sí’g tuji ndá ta məsee wa dɔm el.

Néra Njékaḭkulaje 6:6

Deḛ d’unda dee no̰ njékaḭkulaje’g tɔɓəi loo gə́ deḛ ra tamaji ta Ala’g lé ndá d’ila ne ji dee dɔ dee’g.

Njé gə́ Epesə 5:11

Kula ra ŋgan loondulje lé to kula gə́ dəa ɔs bo̰-bo̰, bèe ndá tɔje kée gə́ raga ɓó ɔmje na̰’d sə dee keneŋ yəg el.

1 Timote 3:10

Maji kaḭ meḛ dee kédé ɓa, ɓó lé deḛ to gə́ njégelgodoje ndá yen ɓa, d’a taa ne kula kaa dɔ néje lə Eglisə lé ɓəi tɔ.

1 Timote 3:2

Njekaa dɔ Eglisə lé maji karee to njegelgodo ləm, gə njedené kára ba ləma, gə njera kəmee rakaa ləm tɔ, yeḛ a to njemeendər ləm, yeḛ a kaw yururu ləm, yeḛ a kwa mbá bur-bur ləma, yeḛ a kaskəm ndoo dəwje né gə́ kəm ndoo dee ləm tɔ.

1 Timote 3:6

Njekaa dɔ Eglisə lé maji karee to njemeekun gə́ sigi el nà banelə a kḭ ti rəa koso ne gin ta gə́ deḛ d’ila dɔ njekurai’g lé.

1 Timote 4:12

Maji kar dəw kára kara ndɔli dɔ basa’g ləi el, nɛ maji kar tapai ləm, gə nérai ləm, gə nojikwa ləi ləm, gə meekun ləi ləma, gə meenda ləi ləm tɔ lé to néndaji gə́ majikojije d’a ndaji ne kəmi ya.

1 Timote 4:14

Nénoji gə́ i iŋga gə goo tapa njéteggintaje loo gə́ ŋgatɔgje mbo̰ dɔ na̰ tɔr ne ndu dee d’ila ne ji dee dɔi’g lé maji kari ndoo bao dɔ’g el.

2 Timote 1:6

Gelee gə́ nee ɓa ma m’olé ne məəi mba kari yel ne gel nénoji lə Ala gə́ i iŋga loo gə́ ma m’ila ne jim dɔi’g.

2 Timote 2:2

Né gə́ oo tam’g no̰ dəwje gə́ njékootaje bula lé ndá ɔm taree ta diŋgamje gə́ to majikojije gə́ d’askəm ndoo mar deeje togə́bè tɔ.

Ǝbrəje 6:2

gə dɔ meekun gə́ jeḛ j’un j’ar Ala ləm, gə dɔ néndoo gə́ wɔji dɔ ta baptɛməje ɓəd-ɓəd ləm, gə dɔ kila ji dɔ dəwje’g ləm, gə dɔ teḛ dɔkumbwa’g lə dəwje ləma, gə dɔ rəwta gə́ gaŋg dɔ dəwje’g gə no̰ ləm tɔ.

Jujé 9:14

Koso-dəwje gə́ Israɛl lé taa ges nésɔje lə dee nɛ deḛ dəji Njesigənea̰ ta né gə́ kəm ra sə dee el.

2 Ja̰ 1:11

Nana ɓa gə́ rəa lapia wɔji ne kag noji ndá yeḛ oso gelee’g dɔ néreaje’g gə́ majel lé tɔ.

Loo gə́ killa rea kəm Ja̰’g 18:4

M’oo ndu dəw gə́ raŋg ɓar dara pana: Koso-dəwje ləm, ḭje rəa’g teḛje raga mba ra səa kaiya lé na̰’d el ləm, mba kar boo-tujije gə́ wɔji dəa lé teḛ dɔ sí’g el ləm tɔ.