1 Timote 5:2 - Maktub gə́ To gə Kəmee

² deḛ denéje gə́ tɔg kara ndəji dee to gə́ kɔinje-je ləma, ŋgama̰dje kara ndəji dee to gə́ ko̰ nanije ɓa ti məəi dɔ dee’g mbidi ya ləm tɔ.

1 Timote 5:2 ပူးပေါင်းရင်းမြစ်များ

Matiyo 12:50

Mbata nana ɓa gə́ ra torndu Bɔm gə́ si dan dara’g dana bab ndá yeḛ ɓa gə́ ŋgokɔm ləm, gə kɔnanəm ləma, gə kɔmje ləm tɔ.

Njé gə́ Pilibə 4:8

Ŋgakɔmje, ges ta gə́ nai lé ɓa nee: Ta gə́ rara gə́ to gə́ kankəmta ləm, əsé riɓar gə́ maji gə́ rara ləm, əsé né gə́ rara gə́ to gə dɔ najee ləm, əsé né gə́ rara gə́ àr ŋgad-ŋgad ləm, əsé né gə́ rara gə́ taa kəm dəwje ləm, əsé né gə́ rara gə́ kəm ndigi sə dee dɔ’g ləma, əsé néje lai gə́ maji dum gə́ kəm kiŋga pidi ləm tɔ lé maji kar sí waje meḛ sí dɔ’g bururu ya.

1 Njé gə́ Tesalonikə 5:22

Saaje rɔ sí rəw dɔ né gə́ majel gə́ gə ria-ria.

1 Timote 4:12

Maji kar dəw kára kara ndɔli dɔ basa’g ləi el, nɛ maji kar tapai ləm, gə nérai ləm, gə nojikwa ləi ləm, gə meekun ləi ləma, gə meenda ləi ləm tɔ lé to néndaji gə́ majikojije d’a ndaji ne kəmi ya.

1 Timote 5:1

Maji kari pa gə dəw gə́ tɔg ta gə́ ərm el nɛ ndəjee asəna gə bɔbije bèe ya, deḛ basaje lé ndəji dee bər-bər to gə́ ŋgakɔḭje ləm,

1 Timote 5:3

Maji kari naa ndu deḛ gə́ to gə́ njékəisiŋgaje gə́ gəd lé ta-ta ya.

2 Timote 2:22

Sa rɔi rəw dɔ mal néje gə́ ra basaje ndá tel ndolè goo meekarabasur ləm, gə meekun ləm, gə meenoji ləma, gə meelɔm ləm tɔ, ɔm ne na̰’d gə deḛ gə́ ɓar ri Mbaidɔmbaije gə meenda kɔr jol-jol.