1 Timote 5:17 - Maktub gə́ To gə Kəmee

¹⁷ Ŋgatɔgje gə́ d’ɔr no̰ Eglisə maji ra ne kula kɔrgoota ləm, gə ndoo mar deeje ləm tɔ lé maji kar dee d’iŋga riɓar gə́ ɔs dɔ maree ya.

1 Timote 5:17 ပူးပေါင်းရင်းမြစ်များ

2 Mbaije 2:9

Loo gə́ deḛ dəs d’aw mba̰ ndá Eli ula Elije pana: Maji kari dəjim né gə́ kəm karm m’ra m’ari ɓad ɓa kar dee d’unm d’aw səm ɓəi. Elije ulá pana: M’ra ndòo rɔi’g gə mba kari ar ndili ya ɔm dɔm’g as gɔl joo dɔ maree’g.

Esai 40:2

Paje ta gɔlje ne meḛ njé gə́ Jerusalem gə ndu sí gə́ boi wəl pajena: Ra kula ɓər lə dee godo mba̰, Ta néra kori-kori lə dee ɔr dɔ dee’g mba̰ tɔ, Njesigənea̰ wɔji dee kəmkàr gə jia Godə kaiya ra deeje’g as gɔl joo.

Jeremi 16:18

Kédé ndá m’a kuga dɔ ji dee mbata néramajel lə dee gə kaiyaje lə dee as gɔl joo, mbata deḛ d’ila ndɔl dɔ ɓee’g ləm ləm, mbata d’ar gaila magəje lə dee gə néje lə dee gə́ mina̰ ɓa taa loo pəl-pəl dɔ naŋg ɓee’g ləm ləm tɔ.

Jeremi 17:18

Maji kar njékula kəm ndooje nai gə rɔkul Ɓó kam ma ɓa m’nai gə rɔkul el. Maji kar dee d’unda bala tigi-tigi, Ɓó kam ma ɓa m’unda bala tigi-tigi el! Ar ndɔ némeeko̰ teḛ dɔ dee’g ləm, Ar tuji ɔs dɔ na̰ dɔ dee’g gɔl joo ləm tɔ.

Jakari 9:12

Seḭ ɓərje gə́ undaje meḛ sí yel lé Maji kar sí telje awje kəi-kaar-kɔgərɔ’g! Ɓogənè neḛ m’pa njaŋg ya tɔɓəi, N’a tel kar sí némaji dɔ maree’d gɔl joo.

Bula lə Israɛlje 18:31

Seḭ gə njémeekəije lə sí lé, seḭ a sɔje néje neelé mee loo gə́ rara kara gə́ ya, mbata yee ɓa to nékoga dɔ ji sí gə́ wɔji dɔ kula gə́ seḭ raje mee kəi-kubu-kiŋga-na̰’g lé.

Matiyo 24:25

Aa ooje, ma nja m’ula sí kédé təsərə mba̰.

Lugu 10:7

Maji kar sí sije mee kəi’g neelé nja sɔje gə́ aije né gə́ d’a kar sí keneŋ lé tɔ, mbata njekula lé askəm kiŋga nékoga-dɔ-jia ya.

Lugu 12:42

Mbaidɔmbaije ilá keneŋ pana: See na̰ ɓa gə́ kura gə́ to majikoji gə́ inja paw gə́ mbai ləa aree si gə́ njekaa dɔ kuraje’g ləa gə́ raŋg gə mba kai dee nésɔ dee gə lée-lée lé wa.

Tagə́maji gə́ Ja̰ ndang 4:38

Ma m’ula sí gə mba kar sí injaje kó, nɛ to kó gə́ seḭ ɓa raje kula keneŋ el, dəwje gə́ raŋg ɓa ra kula keneŋ ɓa seḭ reeje oreeje sə dee na̰ keneŋ ɓəi.

Néra Njékaḭkulaje 11:30

D’ɔm néje lə dee ji Barnabas gə Sool’g d’ar dee d’aw ne d’ar ŋgatɔgje lé tɔ.

Néra Njékaḭkulaje 20:35

M’ra né ɓəd-ɓəd m’tɔji sí né gə mba kar kula raje gə́ togə́bè ɓa seḭ a kodoje ne yɔ-dəwje ləm, meḛ sí a kolé ne dɔ Mbaidɔmbaije Jeju gə́ yeḛ nja pana: Kun né kar lé to rɔlel unda taa né!

Néra Njékaḭkulaje 28:10

D’ula rɔnduba dɔ sí’g, tɔɓəi loo gə́ j’a gə kḭ kya̰ dee ndá deḛ d’ar sí né gə́ lal sí tɔ.

Njé gə́ Rɔmə 12:8

Yeḛ gə́ to njekolé meḛ mareeje dɔ né’g ndá maji karee olé meḛ dee ya. Yeḛ gə́ to gə́ njekun né kwa nénoji gə njéndooje lé maji karee ra gə meenda ɓó a tura sə dee gée el, yeḛ gə́ to njekɔrno̰ dəwje loo-kwa-dɔ-na̰’g lé ndá maji karee gəd kəmee dɔ’g gəd-gəd. Yeḛ gə́ to gə́ njekwa yɔ-dəwje bur-bur ndá maji karee ra gə rɔlel ɓó a ra gə rɔkim el.

Njé gə́ Rɔmə 15:27

Deḛ d’ḭ gə meḛ dee ndá d’a ra bèe ya nɛ to né gə́ kəm ra ya tɔ, mbata ɓó lé njépole-magəje d’orè sə dee na̰ dɔ né gə́ wɔji dɔ ndil dee ndá to kəm kar dee-deḛ kara d’orè sə dee na̰ dɔ né gə́ wɔji dɔ darɔ dee’g tɔ.

Njé gə́ Rɔmə 16:12

Raje Tripènə gə Triposə gə́ ra kula lə Mbaidɔmbaije lé lapia amje. Raje Persidə gə́ m’undá dan kəm’g gə́ ula rəa ndubu ra ne kula lə Mbaidɔmbaije lé lapia amje.

1 Njé gə́ Kɔrḭtə 15:10

Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

1 Njé gə́ Kɔrḭtə 16:16

Dəwje gə́ ra togə́bè lé maji kila koji dɔ dee’g ləm, gə dɔ deḛ lai gə́ to njéboakulaje lə dee kara ləm tɔ.

1 Njé gə́ Kɔrḭtə 3:9

Mbata jeḛ lé n’to njéboakulaje lə Ala lé. Seḭ toje ndɔ lə Ala ləm, seḭ toje kəi ra Ala ləm tɔ.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

Njé gə́ Galati 6:6

Maji kar yeḛ gə́ d’aw ndée Tagə́maji lé un ta némajije ləa mba kar yeḛ gə́ njendée né lé tɔ.

Tel tura Godndu 18:8

yeḛ a kiŋga nésəa karee asəna gə ka̰ dee-deḛ ya ləm, néje lai gə́ yeḛ iŋga dɔ nénduba’g lə bɔbeeje gə́ yeḛ ndogo lé kara a to kea̰ mba karee al ne rəa ləm tɔ.

Njé gə́ Pilibə 2:16

ta gə́ wɔji dɔ kisi gə kəmə lé kara seḭ a kwaje dan dee’g kɔgərɔ ləm tɔ. Ɓó lé seḭ a raje togə́bè ndá ndɔ ka̰ Kristi lé m’a koo loo gə mba ti ne rɔm mbata ŋgwɔd gə́ m’aḭ lé m’aḭ gə mḭdé el ləm, kula kara m’ra gə́ ŋgar el ləm tɔ.

Njé gə́ Pilibə 2:29

Bèe ndá wáje gə́ rɔ sí’g gə ri Mbaidɔmbaije, ndaje ne meḛ sí kaḭ tɔ, dəwje gə́ togə́bè lé ilaje riɓar dɔ dee’g ya.

Njé gə́ Pilibə 4:3

I majikoji gə́ to gə́ njeboakula ləm lé kara ma m’ra ndòo rɔi’g mba kari la gə denéje neelé dɔ né gə́ ndée ra dee, mbata loo-rɔ gə́ ma m’rɔ mba kar Tagə́maji aw ne gə́ kédé-kédé lé deḛ nja d’orəm-ma gə Klema̰ gə njéboakulaje ləm gə́ raŋg gə́ ri dee to mee maktub gə́ ka̰ sí gə kəmə lé més ya.

1 Timote 3:5

Mbata ɓó lé dəw gər kaa dɔ kəi ləa-yeḛ el ndá see yeḛ a gər kaa dɔ Eglisə lə Ala loo gə́ ra gə́ wa.

1 Timote 4:10

Jeḛ j’oma̰ gə kula gə́ jeḛ n’raje lé mbata jeḛ j’unda meḛ sí yel gə́ dɔ Ala gə́ njesikəmba gə́ to njekaji dəwje lai nɛ to ka̰ deḛ gə́ d’ɔm meḛ dee dəa’g goo kára ba sur lé tɔ.

1 Timote 4:14

Nénoji gə́ i iŋga gə goo tapa njéteggintaje loo gə́ ŋgatɔgje mbo̰ dɔ na̰ tɔr ne ndu dee d’ila ne ji dee dɔi’g lé maji kari ndoo bao dɔ’g el.

1 Timote 4:16

Unda kəmkàr dɔ rɔi’g ləm, gə dɔ ta gə́ i ndoo dee’g ləm tɔ. Ai məəi sam-sam dɔ’g mbata loo gə́ i ra togə́bè ndá i a kaji ne rɔi ləm, gə deḛ gə́ taa taree tai’g ləm tɔ.

1 Timote 4:6

Ɓó lé i ɔr ginta neelé ar marije gin Kristi’g lé ndá i a to njekɔrgoota lə Jeju Kristi gə́ maji ya. Ta meekun ləm, gə gin kankəmta gə́ i ula rɔi keneŋ ləm tɔ lé yee ɓa gə́ nésɔi ya.

1 Timote 5:19

Ta gə́ d’ila dɔ ŋgatɔg lé ɓó lé njékootaje jooje munda jen godo keneŋ ndá taa taree el.

1 Timote 5:3

Maji kari naa ndu deḛ gə́ to gə́ njékəisiŋgaje gə́ gəd lé ta-ta ya.

2 Timote 2:6

Njendɔ lé ula rəa ndubu loo ndɔ’g ləa kédé ɓa yeḛ ra kée ɓəi.

2 Timote 4:2

Ila mbər Tagə́maji lé ula ne ta meḛ dee’g loo gə́ kul’g ləm, gə loo gə́ nuŋga’g ləm tɔ, ndaŋg dee ləm, gə ndəji dee ləma, gə gɔl dee gə ndu noji ndoo dee ne ləm tɔ ɓó ya̰ gée lal ra ndɔ kára el.

Ǝbrəje 13:17

Ilaje ŋgonkoji dɔ njékɔrno̰ síje’g gə́ d’aḭ bada dɔ sí’g, ḭje kalaŋ-kalaŋ no̰ dee’g, mbata loo gə́ d’a kula njea taree ndá d’a kulá gə ŋgaŋ kogo. Ɓó lé d’a kulá taree gə rɔkim ndá lé a maji dɔ sí’g el.

Ǝbrəje 13:24

Raje njekɔrno̰ síje lapia amje ləm, raje deḛ gə́ to gə kəmee lai lapia amje ləm tɔ. Deḛ gə́ d’isi Itali lé pana: M’ra sí lapia m’ar neḛje tɔ.

Ǝbrəje 13:7

Arje meḛ sí olé dɔ njékɔrno̰ síje gə́ tɔji sí ta lə Ala, la̰jije dɔ ndɔ kwəi’g lə dee ləm, ndajije ne meekun lə dee ləm tɔ.